𑁩. 𑀔𑀚𑁆𑀚𑀓𑀤𑀸𑀬𑀓𑀢𑁆𑀣𑁂𑀭𑀅𑀧𑀤𑀸𑀦𑀁

𑁧𑁩. ‘‘𑀢𑀺𑀲𑁆𑀲𑀲𑁆𑀲 𑀔𑁄 𑀪𑀕𑀯𑀢𑁄, 𑀧𑀼𑀩𑁆𑀩𑁂 𑀨𑀮𑀫𑀤𑀸𑀲𑀳𑀁;

𑀦𑀸𑀴𑀺𑀓𑁂𑀭𑀜𑁆𑀘 𑀧𑀸𑀤𑀸𑀲𑀺𑀁, 𑀔𑀚𑁆𑀚𑀓𑀁 𑀅𑀪𑀺𑀲𑀫𑁆𑀫𑀢𑀁.

𑁧𑁪. ‘‘𑀩𑀼𑀤𑁆𑀥𑀲𑁆𑀲 𑀢𑀫𑀳𑀁 𑀤𑀢𑁆𑀯𑀸, 𑀢𑀺𑀲𑁆𑀲𑀲𑁆𑀲 𑀢𑀼 𑀫𑀳𑁂𑀲𑀺𑀦𑁄;

𑀫𑁄𑀤𑀸𑀫𑀳𑀁 𑀓𑀸𑀫𑀓𑀸𑀫𑀻, 𑀉𑀧𑀧𑀚𑁆𑀚𑀺𑀁 [𑀓𑀸𑀫𑀓𑀸𑀭𑀻, 𑀉𑀧𑀧𑀚𑁆𑀚𑀁 (𑀲𑀻.)] 𑀬𑀫𑀺𑀘𑁆𑀙𑀓𑀁 [𑀲𑀩𑁆𑀩𑀢𑁆𑀣𑀧𑀺 𑀏𑀯𑀫𑁂𑀯 𑀤𑀺𑀲𑁆𑀲𑀢𑀺].

𑁧𑁫. ‘‘𑀤𑁆𑀯𑁂𑀦𑀯𑀼𑀢𑁂 𑀇𑀢𑁄 𑀓𑀧𑁆𑀧𑁂, 𑀬𑀁 𑀤𑀸𑀦𑀫𑀤𑀤𑀺𑀁 𑀢𑀤𑀸;

𑀤𑀼𑀕𑁆𑀕𑀢𑀺𑀁 𑀦𑀸𑀪𑀺𑀚𑀸𑀦𑀸𑀫𑀺, 𑀨𑀮𑀤𑀸𑀦𑀲𑁆𑀲𑀺𑀤𑀁 𑀨𑀮𑀁.

𑁧𑁬. ‘‘𑀇𑀢𑁄 𑀢𑁂𑀭𑀲𑀓𑀧𑁆𑀧𑀫𑁆𑀳𑀺, 𑀭𑀸𑀚𑀸 𑀇𑀦𑁆𑀤𑀲𑀫𑁄 𑀅𑀳𑀼;

𑀲𑀢𑁆𑀢𑀭𑀢𑀦𑀲𑀫𑁆𑀧𑀦𑁆𑀦𑁄, 𑀘𑀓𑁆𑀓𑀯𑀢𑁆𑀢𑀻 𑀫𑀳𑀩𑁆𑀩𑀮𑁄.

𑁧𑁭. ‘‘𑀧𑀝𑀺𑀲𑀫𑁆𑀪𑀺𑀤𑀸 𑀘𑀢𑀲𑁆𑀲𑁄…𑀧𑁂… 𑀓𑀢𑀁 𑀩𑀼𑀤𑁆𑀥𑀲𑁆𑀲 𑀲𑀸𑀲𑀦𑀁’’.

𑀇𑀢𑁆𑀣𑀁 𑀲𑀼𑀤𑀁 𑀆𑀬𑀲𑁆𑀫𑀸 𑀔𑀚𑁆𑀚𑀓𑀤𑀸𑀬𑀓𑁄 𑀣𑁂𑀭𑁄 𑀇𑀫𑀸 𑀕𑀸𑀣𑀸𑀬𑁄 𑀅𑀪𑀸𑀲𑀺𑀢𑁆𑀣𑀸𑀢𑀺.

𑀔𑀚𑁆𑀚𑀓𑀤𑀸𑀬𑀓𑀢𑁆𑀣𑁂𑀭𑀲𑁆𑀲𑀸𑀧𑀤𑀸𑀦𑀁 𑀢𑀢𑀺𑀬𑀁.