𑁫. 𑀫𑀦𑁆𑀤𑀸𑀭𑀯𑀧𑀼𑀧𑁆𑀨𑀧𑀽𑀚𑀓𑀢𑁆𑀣𑁂𑀭𑀅𑀧𑀤𑀸𑀦𑀁

𑁨𑁫. ‘‘𑀤𑁂𑀯𑀧𑀼𑀢𑁆𑀢𑁄 𑀅𑀳𑀁 𑀲𑀦𑁆𑀢𑁄, 𑀧𑀽𑀚𑀬𑀺𑀁 𑀲𑀺𑀔𑀺𑀦𑀸𑀬𑀓𑀁;

𑀫𑀦𑁆𑀤𑀸𑀭𑀯𑁂𑀦 𑀧𑀼𑀧𑁆𑀨𑁂𑀦, 𑀩𑀼𑀤𑁆𑀥𑀲𑁆𑀲 𑀅𑀪𑀺𑀭𑁄𑀧𑀬𑀺𑀁.

𑁨𑁬. ‘‘𑀲𑀢𑁆𑀢𑀸𑀳𑀁 𑀙𑀤𑀦𑀁 𑀆𑀲𑀺, 𑀤𑀺𑀩𑁆𑀩𑀁 𑀫𑀸𑀮𑀁 𑀢𑀣𑀸𑀕𑀢𑁂;

𑀲𑀩𑁆𑀩𑁂 𑀚𑀦𑀸 𑀲𑀫𑀸𑀕𑀦𑁆𑀢𑁆𑀯𑀸, 𑀦𑀫𑀲𑁆𑀲𑀺𑀁𑀲𑀼 𑀢𑀣𑀸𑀕𑀢𑀁.

𑁨𑁭. ‘‘𑀏𑀓𑀢𑁆𑀢𑀺𑀁𑀲𑁂 𑀇𑀢𑁄 𑀓𑀧𑁆𑀧𑁂, 𑀬𑀁 𑀧𑀼𑀧𑁆𑀨𑀫𑀪𑀺𑀧𑀽𑀚𑀬𑀺𑀁;

𑀤𑀼𑀕𑁆𑀕𑀢𑀺𑀁 𑀦𑀸𑀪𑀺𑀚𑀸𑀦𑀸𑀫𑀺, 𑀩𑀼𑀤𑁆𑀥𑀧𑀽𑀚𑀸𑀬𑀺𑀤𑀁 𑀨𑀮𑀁.

𑁨𑁮. ‘‘𑀇𑀢𑁄 𑀘 𑀤𑀲𑀫𑁂 𑀓𑀧𑁆𑀧𑁂, 𑀭𑀸𑀚𑀸𑀳𑁄𑀲𑀺𑀁 𑀚𑀼𑀢𑀺𑀦𑁆𑀥𑀭𑁄;

𑀲𑀢𑁆𑀢𑀭𑀢𑀦𑀲𑀫𑁆𑀧𑀦𑁆𑀦𑁄, 𑀘𑀓𑁆𑀓𑀯𑀢𑁆𑀢𑀻 𑀫𑀳𑀩𑁆𑀩𑀮𑁄.

𑁨𑁯. ‘‘𑀧𑀝𑀺𑀲𑀫𑁆𑀪𑀺𑀤𑀸 𑀘𑀢𑀲𑁆𑀲𑁄…𑀧𑁂… 𑀓𑀢𑀁 𑀩𑀼𑀤𑁆𑀥𑀲𑁆𑀲 𑀲𑀸𑀲𑀦𑀁’’.

𑀇𑀢𑁆𑀣𑀁 𑀲𑀼𑀤𑀁 𑀆𑀬𑀲𑁆𑀫𑀸 𑀫𑀦𑁆𑀤𑀸𑀭𑀯𑀧𑀼𑀧𑁆𑀨𑀧𑀽𑀚𑀓𑁄 𑀣𑁂𑀭𑁄 𑀇𑀫𑀸 𑀕𑀸𑀣𑀸𑀬𑁄 𑀅𑀪𑀸𑀲𑀺𑀢𑁆𑀣𑀸𑀢𑀺.

𑀫𑀦𑁆𑀤𑀸𑀭𑀯𑀧𑀼𑀧𑁆𑀨𑀧𑀽𑀚𑀓𑀢𑁆𑀣𑁂𑀭𑀲𑁆𑀲𑀸𑀧𑀤𑀸𑀦𑀁 𑀧𑀜𑁆𑀘𑀫𑀁.