𑁨. 𑀣𑀫𑁆𑀪𑀸𑀭𑁄𑀧𑀓𑀢𑁆𑀣𑁂𑀭𑀅𑀧𑀤𑀸𑀦𑀁

𑁫. ‘‘𑀦𑀺𑀩𑁆𑀩𑀼𑀢𑁂 𑀮𑁄𑀓𑀦𑀸𑀣𑀫𑁆𑀳𑀺, 𑀥𑀫𑁆𑀫𑀤𑀲𑁆𑀲𑀻𑀦𑀭𑀸𑀲𑀪𑁂;

𑀆𑀭𑁄𑀧𑁂𑀲𑀺𑀁 𑀥𑀚𑀢𑁆𑀣𑀫𑁆𑀪𑀁, 𑀩𑀼𑀤𑁆𑀥𑀲𑁂𑀝𑁆𑀞𑀲𑁆𑀲 𑀘𑁂𑀢𑀺𑀬𑁂.

𑁬. ‘‘𑀦𑀺𑀲𑁆𑀲𑁂𑀡𑀺𑀁 𑀫𑀸𑀧𑀬𑀺𑀢𑁆𑀯𑀸𑀦, 𑀣𑀽𑀧𑀲𑁂𑀝𑁆𑀞𑀁 𑀲𑀫𑀸𑀭𑀼𑀳𑀺𑀁;

𑀚𑀸𑀢𑀺𑀧𑀼𑀧𑁆𑀨𑀁 𑀕𑀳𑁂𑀢𑁆𑀯𑀸𑀦, 𑀣𑀽𑀧𑀫𑁆𑀳𑀺 𑀅𑀪𑀺𑀭𑁄𑀧𑀬𑀺𑀁.

𑁭. ‘‘𑀅𑀳𑁄 𑀩𑀼𑀤𑁆𑀥𑁄 𑀅𑀳𑁄 𑀥𑀫𑁆𑀫𑁄, 𑀅𑀳𑁄 𑀦𑁄 𑀲𑀢𑁆𑀣𑀼 𑀲𑀫𑁆𑀧𑀤𑀸;

𑀤𑀼𑀕𑁆𑀕𑀢𑀺𑀁 𑀦𑀸𑀪𑀺𑀚𑀸𑀦𑀸𑀫𑀺, 𑀣𑀽𑀧𑀧𑀽𑀚𑀸𑀬𑀺𑀤𑀁 𑀨𑀮𑀁.

𑁮. ‘‘𑀘𑀢𑀼𑀦𑁆𑀦𑀯𑀼𑀢𑀺𑀢𑁄 𑀓𑀧𑁆𑀧𑁂, 𑀣𑀽𑀧𑀲𑀻𑀔𑀲𑀦𑀸𑀫𑀓𑀸;

𑀲𑁄𑀴𑀲𑀸𑀲𑀺𑀁𑀲𑀼 𑀭𑀸𑀚𑀸𑀦𑁄, 𑀘𑀓𑁆𑀓𑀯𑀢𑁆𑀢𑀻 𑀫𑀳𑀩𑁆𑀩𑀮𑀸.

𑁯. ‘‘𑀧𑀝𑀺𑀲𑀫𑁆𑀪𑀺𑀤𑀸 𑀘𑀢𑀲𑁆𑀲𑁄…𑀧𑁂… 𑀓𑀢𑀁 𑀩𑀼𑀤𑁆𑀥𑀲𑁆𑀲 𑀲𑀸𑀲𑀦𑀁’’.

𑀇𑀢𑁆𑀣𑀁 𑀲𑀼𑀤𑀁 𑀆𑀬𑀲𑁆𑀫𑀸 𑀣𑀫𑁆𑀪𑀸𑀭𑁄𑀧𑀓𑁄 𑀣𑁂𑀭𑁄 𑀇𑀫𑀸 𑀕𑀸𑀣𑀸𑀬𑁄 𑀅𑀪𑀸𑀲𑀺𑀢𑁆𑀣𑀸𑀢𑀺.

𑀣𑀫𑁆𑀪𑀸𑀭𑁄𑀧𑀓𑀢𑁆𑀣𑁂𑀭𑀲𑁆𑀲𑀸𑀧𑀤𑀸𑀦𑀁 𑀤𑀼𑀢𑀺𑀬𑀁.