𑁮. 𑀫𑀕𑁆𑀕𑀲𑀜𑁆𑀜𑀓𑀢𑁆𑀣𑁂𑀭𑀅𑀧𑀤𑀸𑀦𑀁

𑁬𑁬. ‘‘𑀧𑀤𑀼𑀫𑀼𑀢𑁆𑀢𑀭𑀩𑀼𑀤𑁆𑀥𑀲𑁆𑀲, 𑀲𑀸𑀯𑀓𑀸 𑀯𑀦𑀘𑀸𑀭𑀺𑀦𑁄;

𑀯𑀺𑀧𑁆𑀧𑀦𑀝𑁆𑀞𑀸 𑀩𑁆𑀭𑀳𑀸𑀭𑀜𑁆𑀜𑁂, 𑀅𑀦𑁆𑀥𑀸𑀯 𑀅𑀦𑀼𑀲𑀼𑀬𑁆𑀬𑀭𑁂 [𑀅𑀦𑀼𑀲𑀼𑀬𑀭𑁂 (𑀲𑀻.)].

𑁬𑁭. ‘‘𑀅𑀦𑀼𑀲𑁆𑀲𑀭𑀺𑀢𑁆𑀯𑀸 𑀲𑀫𑁆𑀩𑀼𑀤𑁆𑀥𑀁, 𑀧𑀤𑀼𑀫𑀼𑀢𑁆𑀢𑀭𑀦𑀸𑀬𑀓𑀁;

𑀢𑀲𑁆𑀲 𑀢𑁂 𑀫𑀼𑀦𑀺𑀦𑁄 𑀧𑀼𑀢𑁆𑀢𑀸, 𑀯𑀺𑀧𑁆𑀧𑀦𑀝𑁆𑀞𑀸 𑀫𑀳𑀸𑀯𑀦𑁂.

𑁬𑁮. ‘‘𑀪𑀯𑀦𑀸 𑀑𑀭𑀼𑀳𑀺𑀢𑁆𑀯𑀸𑀦, 𑀅𑀕𑀫𑀺𑀁 𑀪𑀺𑀓𑁆𑀔𑀼𑀲𑀦𑁆𑀢𑀺𑀓𑀁;

𑀢𑁂𑀲𑀁 𑀫𑀕𑁆𑀕𑀜𑁆𑀘 𑀆𑀘𑀺𑀓𑁆𑀔𑀺𑀁, 𑀪𑁄𑀚𑀦𑀜𑁆𑀘 𑀅𑀤𑀸𑀲𑀳𑀁.

𑁬𑁯. ‘‘𑀢𑁂𑀦 𑀓𑀫𑁆𑀫𑁂𑀦 𑀤𑁆𑀯𑀺𑀧𑀤𑀺𑀦𑁆𑀤, 𑀮𑁄𑀓𑀚𑁂𑀝𑁆𑀞 𑀦𑀭𑀸𑀲𑀪;

𑀚𑀸𑀢𑀺𑀬𑀸 𑀲𑀢𑁆𑀢𑀯𑀲𑁆𑀲𑁄𑀳𑀁, 𑀅𑀭𑀳𑀢𑁆𑀢𑀫𑀧𑀸𑀧𑀼𑀡𑀺𑀁.

𑁭𑁦. ‘‘𑀲𑀘𑀓𑁆𑀔𑀽 𑀦𑀸𑀫 𑀦𑀸𑀫𑁂𑀦, 𑀤𑁆𑀯𑀸𑀤𑀲 𑀘𑀓𑁆𑀓𑀯𑀢𑁆𑀢𑀺𑀦𑁄;

𑀲𑀢𑁆𑀢𑀭𑀢𑀦𑀲𑀫𑁆𑀧𑀦𑁆𑀦𑀸, 𑀧𑀜𑁆𑀘𑀓𑀧𑁆𑀧𑀲𑀢𑁂 𑀇𑀢𑁄.

𑁭𑁧. ‘‘𑀧𑀝𑀺𑀲𑀫𑁆𑀪𑀺𑀤𑀸 𑀘𑀢𑀲𑁆𑀲𑁄…𑀧𑁂… 𑀓𑀢𑀁 𑀩𑀼𑀤𑁆𑀥𑀲𑁆𑀲 𑀲𑀸𑀲𑀦𑀁’’.

𑀇𑀢𑁆𑀣𑀁 𑀲𑀼𑀤𑀁 𑀆𑀬𑀲𑁆𑀫𑀸 𑀫𑀕𑁆𑀕𑀲𑀜𑁆𑀜𑀓𑁄 𑀣𑁂𑀭𑁄 𑀇𑀫𑀸 𑀕𑀸𑀣𑀸𑀬𑁄 𑀅𑀪𑀸𑀲𑀺𑀢𑁆𑀣𑀸𑀢𑀺.

𑀫𑀕𑁆𑀕𑀲𑀜𑁆𑀜𑀓𑀢𑁆𑀣𑁂𑀭𑀲𑁆𑀲𑀸𑀧𑀤𑀸𑀦𑀁 𑀅𑀝𑁆𑀞𑀫𑀁.