𑁬. 𑀢𑀺𑀧𑀼𑀧𑁆𑀨𑀺𑀬𑀢𑁆𑀣𑁂𑀭𑀅𑀧𑀤𑀸𑀦𑀁

𑁩𑁧. ‘‘𑀫𑀺𑀕𑀮𑀼𑀤𑁆𑀤𑁄 𑀧𑀼𑀭𑁂 𑀆𑀲𑀺𑀁, 𑀅𑀭𑀜𑁆𑀜𑁂 𑀓𑀸𑀦𑀦𑁂 𑀅𑀳𑀁 [𑀩𑁆𑀭𑀳𑀸 (𑀲𑁆𑀬𑀸.)];

𑀧𑀸𑀝𑀮𑀺𑀁 𑀳𑀭𑀺𑀢𑀁 𑀤𑀺𑀲𑁆𑀯𑀸, 𑀢𑀻𑀡𑀺 𑀧𑀼𑀧𑁆𑀨𑀸𑀦𑀺 𑀑𑀓𑀺𑀭𑀺𑀁.

𑁩𑁨. ‘‘𑀧𑀢𑀺𑀢𑀧𑀢𑁆𑀢𑀸𑀦𑀺 [𑀲𑀢𑁆𑀢𑀧𑀢𑁆𑀢𑀸𑀦𑀺 (𑀲𑀻.), 𑀲𑀢𑀧𑀢𑁆𑀢𑀸𑀦𑀺 (𑀓.), 𑀲𑀼𑀓𑁆𑀔𑀧𑀡𑁆𑀡𑀸𑀦𑀺 (𑀲𑁆𑀬𑀸.)] 𑀕𑀡𑁆𑀳𑀺𑀢𑁆𑀯𑀸, 𑀩𑀳𑀺 𑀙𑀟𑁆𑀟𑁂𑀲𑀳𑀁 𑀢𑀤𑀸;

𑀅𑀦𑁆𑀢𑁄𑀲𑀼𑀤𑁆𑀥𑀁 𑀩𑀳𑀺𑀲𑀼𑀤𑁆𑀥𑀁, 𑀲𑀼𑀯𑀺𑀫𑀼𑀢𑁆𑀢𑀁 𑀅𑀦𑀸𑀲𑀯𑀁.

𑁩𑁩. ‘‘𑀲𑀫𑁆𑀫𑀼𑀔𑀸 𑀯𑀺𑀬 𑀲𑀫𑁆𑀩𑀼𑀤𑁆𑀥𑀁, 𑀯𑀺𑀧𑀲𑁆𑀲𑀺𑀁 𑀮𑁄𑀓𑀦𑀸𑀬𑀓𑀁;

𑀧𑀸𑀝𑀮𑀺𑀁 𑀅𑀪𑀺𑀯𑀸𑀤𑁂𑀢𑁆𑀯𑀸, 𑀢𑀢𑁆𑀣 𑀓𑀸𑀮𑀗𑁆𑀓𑀢𑁄 𑀅𑀳𑀁.

𑁩𑁪. ‘‘𑀏𑀓𑀦𑀯𑀼𑀢𑀺𑀢𑁄 𑀓𑀧𑁆𑀧𑁂, 𑀬𑀁 𑀩𑁄𑀥𑀺𑀫𑀪𑀺𑀧𑀽𑀚𑀬𑀺𑀁;

𑀤𑀼𑀕𑁆𑀕𑀢𑀺𑀁 𑀦𑀸𑀪𑀺𑀚𑀸𑀦𑀸𑀫𑀺, 𑀩𑁄𑀥𑀺𑀧𑀽𑀚𑀸𑀬𑀺𑀤𑀁 𑀨𑀮𑀁.

𑁩𑁫. ‘‘𑀲𑀫𑀦𑁆𑀢𑀧𑀸𑀲𑀸𑀤𑀺𑀓𑀸 𑀦𑀸𑀫, 𑀢𑁂𑀭𑀲𑀸𑀲𑀺𑀁𑀲𑀼 𑀭𑀸𑀚𑀺𑀦𑁄;

𑀇𑀢𑁄 𑀢𑁂𑀢𑁆𑀢𑀺𑀁𑀲𑀓𑀧𑁆𑀧𑀫𑁆𑀳𑀺 [𑀢𑀺𑀁𑀲𑀢𑀺𑀓𑀧𑁆𑀧𑀫𑁆𑀳𑀺 (𑀲𑁆𑀬𑀸.)], 𑀘𑀓𑁆𑀓𑀯𑀢𑁆𑀢𑀻 𑀫𑀳𑀩𑁆𑀩𑀮𑀸.

𑁩𑁬. ‘‘𑀧𑀝𑀺𑀲𑀫𑁆𑀪𑀺𑀤𑀸 𑀘𑀢𑀲𑁆𑀲𑁄…𑀧𑁂… 𑀓𑀢𑀁 𑀩𑀼𑀤𑁆𑀥𑀲𑁆𑀲 𑀲𑀸𑀲𑀦𑀁’’.

𑀇𑀢𑁆𑀣𑀁 𑀲𑀼𑀤𑀁 𑀆𑀬𑀲𑁆𑀫𑀸 𑀢𑀺𑀧𑀼𑀧𑁆𑀨𑀺𑀬𑁄 𑀣𑁂𑀭𑁄 𑀇𑀫𑀸 𑀕𑀸𑀣𑀸𑀬𑁄 𑀅𑀪𑀸𑀲𑀺𑀢𑁆𑀣𑀸𑀢𑀺.

𑀢𑀺𑀧𑀼𑀧𑁆𑀨𑀺𑀬𑀢𑁆𑀣𑁂𑀭𑀲𑁆𑀲𑀸𑀧𑀤𑀸𑀦𑀁 𑀙𑀝𑁆𑀞𑀁.