𑁩. 𑀅𑀟𑁆𑀠𑀘𑁂𑀴𑀓𑀢𑁆𑀣𑁂𑀭𑀅𑀧𑀤𑀸𑀦𑀁

𑁧𑁪. ‘‘𑀢𑀺𑀲𑁆𑀲𑀲𑁆𑀲𑀸𑀳𑀁 𑀪𑀕𑀯𑀢𑁄, 𑀉𑀧𑀟𑁆𑀠𑀤𑀼𑀲𑁆𑀲𑀫𑀤𑀸𑀲𑀳𑀁;

𑀧𑀭𑀫𑀓𑀸𑀧𑀜𑁆𑀜𑀧𑀢𑁆𑀢𑁄𑀫𑁆𑀳𑀺 [𑀧𑀭𑀫𑀓𑀸𑀭𑀼𑀜𑁆𑀜𑀧𑀢𑁆𑀢𑁄𑀫𑁆𑀳𑀺 (𑀲𑁆𑀬𑀸. 𑀓.)], 𑀤𑀼𑀕𑁆𑀕𑀢𑁂𑀦 [𑀤𑀼𑀕𑁆𑀕𑀦𑁆𑀥𑁂𑀦 (𑀲𑀻.)] 𑀲𑀫𑀧𑁆𑀧𑀺𑀢𑁄.

𑁧𑁫. ‘‘𑀉𑀧𑀟𑁆𑀠𑀤𑀼𑀲𑁆𑀲𑀁 𑀤𑀢𑁆𑀯𑀸𑀦, 𑀓𑀧𑁆𑀧𑀁 𑀲𑀕𑁆𑀕𑀫𑁆𑀳𑀺 𑀫𑁄𑀤𑀳𑀁;

𑀅𑀯𑀲𑁂𑀲𑁂𑀲𑀼 𑀓𑀧𑁆𑀧𑁂𑀲𑀼, 𑀓𑀼𑀲𑀮𑀁 𑀓𑀸𑀭𑀺𑀢𑀁 𑀫𑀬𑀸.

𑁧𑁬. ‘‘𑀤𑁆𑀯𑁂𑀦𑀯𑀼𑀢𑁂 𑀇𑀢𑁄 𑀓𑀧𑁆𑀧𑁂, 𑀬𑀁 𑀤𑀼𑀲𑁆𑀲𑀫𑀤𑀤𑀺𑀁 𑀢𑀤𑀸;

𑀤𑀼𑀕𑁆𑀕𑀢𑀺𑀁 𑀦𑀸𑀪𑀺𑀚𑀸𑀦𑀸𑀫𑀺, 𑀤𑀼𑀲𑁆𑀲𑀤𑀸𑀦𑀲𑁆𑀲𑀺𑀤𑀁 𑀨𑀮𑀁.

𑁧𑁭. ‘‘𑀏𑀓𑀽𑀦𑀧𑀜𑁆𑀜𑀸𑀲𑀓𑀧𑁆𑀧𑀫𑁆𑀳𑀺 [𑀏𑀓𑀧𑀜𑁆𑀜𑀸𑀲𑀓𑀧𑁆𑀧𑀫𑁆𑀳𑀺 (𑀲𑁆𑀬𑀸.)], 𑀭𑀸𑀚𑀸𑀦𑁄 𑀘𑀓𑁆𑀓𑀯𑀢𑁆𑀢𑀺𑀦𑁄;

𑀲𑀫𑀦𑁆𑀢𑀘𑁆𑀙𑀤𑀦𑀸 𑀦𑀸𑀫, 𑀩𑀸𑀢𑁆𑀢𑀺𑀁𑀲𑀸𑀲𑀼𑀁 [𑀔𑀢𑁆𑀢𑀺𑀬𑀸𑀲𑀼𑀁 (𑀲𑁆𑀬𑀸. 𑀓.)] 𑀚𑀦𑀸𑀥𑀺𑀧𑀸.

𑁧𑁮. ‘‘𑀧𑀝𑀺𑀲𑀫𑁆𑀪𑀺𑀤𑀸 𑀘𑀢𑀲𑁆𑀲𑁄…𑀧𑁂… 𑀓𑀢𑀁 𑀩𑀼𑀤𑁆𑀥𑀲𑁆𑀲 𑀲𑀸𑀲𑀦𑀁’’.

𑀇𑀢𑁆𑀣𑀁 𑀲𑀼𑀤𑀁 𑀆𑀬𑀲𑁆𑀫𑀸 𑀅𑀟𑁆𑀠𑀘𑁂𑀴𑀓𑁄 𑀣𑁂𑀭𑁄 𑀇𑀫𑀸 𑀕𑀸𑀣𑀸𑀬𑁄 𑀅𑀪𑀸𑀲𑀺𑀢𑁆𑀣𑀸𑀢𑀺.

𑀅𑀟𑁆𑀠𑀘𑁂𑀴𑀓𑀢𑁆𑀣𑁂𑀭𑀲𑁆𑀲𑀸𑀧𑀤𑀸𑀦𑀁 𑀢𑀢𑀺𑀬𑀁.