𑁨-𑁩. 𑀤𑀼𑀢𑀺𑀬𑀲𑀫𑀼𑀤𑁆𑀤𑀲𑀼𑀢𑁆𑀢𑀸𑀤𑀺𑀯𑀡𑁆𑀡𑀦𑀸

𑁨𑁨𑁯-𑁨𑁩𑁦. 𑀤𑀼𑀢𑀺𑀬𑁂 𑀲𑀫𑀼𑀤𑁆𑀤𑁄𑀢𑀺 𑀲𑀫𑀼𑀤𑁆𑀤𑀦𑀝𑁆𑀞𑁂𑀦 𑀲𑀫𑀼𑀤𑁆𑀤𑁄, 𑀓𑀺𑀮𑁂𑀤𑀦𑀝𑁆𑀞𑁂𑀦 𑀢𑁂𑀫𑀦𑀝𑁆𑀞𑁂𑀦𑀸𑀢𑀺 𑀯𑀼𑀢𑁆𑀢𑀁 𑀳𑁄𑀢𑀺. 𑀬𑁂𑀪𑀼𑀬𑁆𑀬𑁂𑀦𑀸𑀢𑀺 𑀞𑀧𑁂𑀢𑁆𑀯𑀸 𑀅𑀭𑀺𑀬𑀲𑀸𑀯𑀓𑁂. 𑀲𑀫𑀼𑀦𑁆𑀦𑀸𑀢𑀺 𑀓𑀺𑀮𑀺𑀦𑁆𑀦𑀸 𑀢𑀺𑀦𑁆𑀢𑀸 𑀦𑀺𑀫𑀼𑀕𑁆𑀕𑀸. 𑀢𑀦𑁆𑀢𑀸𑀓𑀼𑀮𑀓𑀚𑀸𑀢𑀸𑀢𑀺𑀆𑀤𑀺 𑀳𑁂𑀝𑁆𑀞𑀸 𑀯𑀺𑀢𑁆𑀣𑀸𑀭𑀺𑀢𑀫𑁂𑀯. 𑀫𑀘𑁆𑀘𑀼𑀚𑀳𑁄𑀢𑀺 𑀢𑀬𑁄 𑀫𑀘𑁆𑀘𑀽 𑀚𑀳𑀺𑀢𑁆𑀯𑀸 𑀞𑀺𑀢𑁄. 𑀦𑀺𑀭𑀼𑀧𑀥𑀻𑀢𑀺 𑀢𑀻𑀳𑀺 𑀉𑀧𑀥𑀻𑀳𑀺 𑀅𑀦𑀼𑀧𑀥𑀺. 𑀅𑀧𑀼𑀦𑀩𑁆𑀪𑀯𑀸𑀬𑀸𑀢𑀺 𑀦𑀺𑀩𑁆𑀩𑀸𑀦𑀢𑁆𑀣𑀸𑀬. 𑀅𑀫𑁄𑀳𑀬𑀻 𑀫𑀘𑁆𑀘𑀼𑀭𑀸𑀚𑀦𑁆𑀢𑀺 𑀬𑀣𑀸 𑀢𑀲𑁆𑀲 𑀕𑀢𑀺𑀁 𑀦 𑀚𑀸𑀦𑀸𑀢𑀺, 𑀏𑀯𑀁 𑀫𑀘𑁆𑀘𑀼𑀭𑀸𑀚𑀸𑀦𑀁 𑀫𑁄𑀳𑁂𑀢𑁆𑀯𑀸 𑀕𑀢𑁄. 𑀢𑀢𑀺𑀬𑀁 𑀯𑀼𑀢𑁆𑀢𑀦𑀬𑀫𑁂𑀯.