𑁪-𑁬. 𑀔𑀻𑀭𑀭𑀼𑀓𑁆𑀔𑁄𑀧𑀫𑀲𑀼𑀢𑁆𑀢𑀸𑀤𑀺𑀯𑀡𑁆𑀡𑀦𑀸

𑁨𑁩𑁧-𑁨𑁩𑁩. 𑀘𑀢𑀼𑀢𑁆𑀣𑁂 𑀅𑀧𑁆𑀧𑀳𑀻𑀦𑀝𑁆𑀞𑁂𑀦 𑀅𑀢𑁆𑀣𑀺, 𑀢𑁂𑀦𑁂𑀯𑀸𑀳 𑀲𑁄 𑀅𑀧𑁆𑀧𑀳𑀻𑀦𑁄𑀢𑀺. 𑀧𑀭𑀺𑀢𑁆𑀢𑀸𑀢𑀺, 𑀧𑀩𑁆𑀩𑀢𑀫𑀢𑁆𑀢𑀫𑁆𑀧𑀺 𑀭𑀽𑀧𑀁 𑀅𑀦𑀺𑀝𑁆𑀞𑀁 𑀅𑀭𑀚𑀦𑀻𑀬𑀁 𑀧𑀭𑀺𑀢𑁆𑀢𑀁 𑀦𑀸𑀫 𑀳𑁄𑀢𑀺, 𑀏𑀯𑀭𑀽𑀧𑀸𑀧𑀺𑀲𑁆𑀲 𑀭𑀽𑀧𑀸 𑀘𑀺𑀢𑁆𑀢𑀁 𑀧𑀭𑀺𑀬𑀸𑀤𑀺𑀬𑀦𑁆𑀢𑀻𑀢𑀺 𑀤𑀲𑁆𑀲𑁂𑀢𑀺. 𑀓𑁄 𑀧𑀦 𑀯𑀸𑀤𑁄 𑀅𑀥𑀺𑀫𑀢𑁆𑀢𑀸𑀦𑀦𑁆𑀢𑀺 𑀇𑀝𑁆𑀞𑀸𑀭𑀫𑁆𑀫𑀡𑀁 𑀧𑀦𑀲𑁆𑀲 𑀭𑀚𑀦𑀻𑀬𑀁 𑀯𑀢𑁆𑀣𑀼 𑀘𑀺𑀢𑁆𑀢𑀁 𑀧𑀭𑀺𑀬𑀸𑀤𑀺𑀬𑀢𑀻𑀢𑀺 𑀏𑀢𑁆𑀣 𑀓𑀸 𑀓𑀣𑀸? 𑀏𑀢𑁆𑀣 𑀘 𑀦𑀔𑀧𑀺𑀝𑁆𑀞𑀺𑀧𑀫𑀸𑀡𑀫𑁆𑀧𑀺 𑀫𑀡𑀺𑀫𑀼𑀢𑁆𑀢𑀸𑀤𑀺 𑀭𑀚𑀦𑀻𑀬𑀁 𑀯𑀢𑁆𑀣𑀼 𑀅𑀥𑀺𑀫𑀢𑁆𑀢𑀸𑀭𑀫𑁆𑀫𑀡𑀫𑁂𑀯𑀸𑀢𑀺 𑀯𑁂𑀤𑀺𑀢𑀩𑁆𑀩𑀁. 𑀤𑀳𑀭𑁄𑀢𑀺𑀆𑀤𑀻𑀦𑀺 𑀢𑀻𑀡𑀺𑀧𑀺 𑀅𑀜𑁆𑀜𑀫𑀜𑁆𑀜𑀯𑁂𑀯𑀘𑀦𑀸𑀦𑁂𑀯. 𑀆𑀪𑀺𑀦𑁆𑀤𑁂𑀬𑁆𑀬𑀸𑀢𑀺 𑀧𑀳𑀭𑁂𑀬𑁆𑀬 𑀧𑀤𑀸𑀮𑁂𑀬𑁆𑀬 𑀯𑀸. 𑀧𑀜𑁆𑀘𑀫𑁂 𑀢𑀤𑀼𑀪𑀬𑀦𑁆𑀢𑀺 𑀢𑀁 𑀉𑀪𑀬𑀁. 𑀙𑀝𑁆𑀞𑀁 𑀉𑀢𑁆𑀢𑀸𑀦𑀫𑁂𑀯.