𑁫. 𑀲𑀢𑁆𑀢𑀺𑀲𑀼𑀢𑁆𑀢𑀯𑀡𑁆𑀡𑀦𑀸

𑁨𑁨𑁭. 𑀧𑀜𑁆𑀘𑀫𑁂 𑀧𑀝𑀺𑀮𑁂𑀡𑀺𑀲𑁆𑀲𑀸𑀫𑀻𑀢𑀺𑀆𑀤𑀻𑀲𑀼 𑀅𑀕𑁆𑀕𑁂 𑀧𑀳𑀭𑀺𑀢𑁆𑀯𑀸 𑀓𑀧𑁆𑀧𑀸𑀲𑀯𑀝𑁆𑀝𑀺𑀁 𑀯𑀺𑀬 𑀦𑀸𑀫𑁂𑀦𑁆𑀢𑁄 𑀦𑀺𑀬𑁆𑀬𑀸𑀲𑀯𑀝𑁆𑀝𑀺𑀁 𑀯𑀺𑀬 𑀘 𑀏𑀓𑀢𑁄 𑀓𑀢𑁆𑀯𑀸 𑀅𑀮𑁆𑀮𑀺𑀬𑀸𑀧𑁂𑀦𑁆𑀢𑁄 𑀧𑀝𑀺𑀮𑁂𑀡𑁂𑀢𑀺 𑀦𑀸𑀫. 𑀫𑀚𑁆𑀛𑁂 𑀧𑀳𑀭𑀺𑀢𑁆𑀯𑀸 𑀦𑀸𑀫𑁂𑀢𑁆𑀯𑀸 𑀥𑀸𑀭𑀸𑀬 𑀯𑀸 𑀧𑀳𑀭𑀺𑀢𑁆𑀯𑀸 𑀤𑁆𑀯𑁂𑀧𑀺 𑀥𑀸𑀭𑀸 𑀏𑀓𑀢𑁄 𑀅𑀮𑁆𑀮𑀺𑀬𑀸𑀧𑁂𑀦𑁆𑀢𑁄 𑀧𑀝𑀺𑀓𑁄𑀝𑁆𑀝𑁂𑀢𑀺 𑀦𑀸𑀫. 𑀓𑀧𑁆𑀧𑀸𑀲𑀯𑀝𑁆𑀝𑀦𑀓𑀭𑀡𑀻𑀬𑀁 𑀯𑀺𑀬 𑀧𑀯𑀢𑁆𑀢𑁂𑀦𑁆𑀢𑁄 𑀘𑀺𑀭𑀓𑀸𑀮𑀁 𑀲𑀁𑀯𑁂𑀮𑁆𑀮𑀺𑀢𑀓𑀺𑀮𑀜𑁆𑀚𑀁 𑀧𑀲𑀸𑀭𑁂𑀢𑁆𑀯𑀸 𑀧𑀼𑀦 𑀲𑀁𑀯𑁂𑀮𑁆𑀮𑁂𑀦𑁆𑀢𑁄 𑀯𑀺𑀬 𑀘 𑀧𑀝𑀺𑀯𑀝𑁆𑀝𑁂𑀢𑀺 𑀦𑀸𑀫. 𑀧𑀜𑁆𑀘𑀫𑀁.