𑁩. 𑀓𑀼𑀮𑀲𑀼𑀢𑁆𑀢𑀯𑀡𑁆𑀡𑀦𑀸

𑁨𑁨𑁫. 𑀢𑀢𑀺𑀬𑁂 𑀲𑀼𑀧𑁆𑀧𑀥𑀁𑀲𑀺𑀬𑀸𑀦𑀻𑀢𑀺 𑀲𑀼𑀯𑀺𑀳𑁂𑀞𑀺𑀬𑀸𑀦𑀺. 𑀓𑀼𑀫𑁆𑀪𑀢𑁆𑀣𑁂𑀦𑀓𑁂𑀳𑀻𑀢𑀺 𑀬𑁂 𑀧𑀭𑀖𑀭𑀁 𑀧𑀯𑀺𑀲𑀺𑀢𑁆𑀯𑀸 𑀤𑀻𑀧𑀸𑀮𑁄𑀓𑁂𑀦 𑀑𑀮𑁄𑀓𑁂𑀢𑁆𑀯𑀸 𑀧𑀭𑀪𑀡𑁆𑀟𑀁 𑀳𑀭𑀺𑀢𑀼𑀓𑀸𑀫𑀸 𑀖𑀝𑁂 𑀤𑀻𑀧𑀁 𑀓𑀢𑁆𑀯𑀸 𑀧𑀯𑀺𑀲𑀦𑁆𑀢𑀺, 𑀢𑁂 𑀓𑀼𑀫𑁆𑀪𑀢𑁆𑀣𑁂𑀦𑀓𑀸 𑀦𑀸𑀫, 𑀢𑁂𑀳𑀺 𑀓𑀼𑀫𑁆𑀪𑀢𑁆𑀣𑁂𑀦𑀓𑁂𑀳𑀺. 𑀲𑀼𑀧𑁆𑀧𑀥𑀁𑀲𑀺𑀬𑁄 𑀳𑁄𑀢𑀺 𑀅𑀫𑀦𑀼𑀲𑁆𑀲𑁂𑀳𑀻𑀢𑀺 𑀫𑁂𑀢𑁆𑀢𑀸𑀪𑀸𑀯𑀦𑀸𑀭𑀳𑀺𑀢𑀁 𑀧𑀁𑀲𑀼𑀧𑀺𑀲𑀸𑀘𑀓𑀸 𑀯𑀺𑀥𑀁𑀲𑀬𑀦𑁆𑀢𑀺, 𑀧𑀕𑁂𑀯 𑀉𑀴𑀸𑀭𑀸 𑀅𑀫𑀦𑀼𑀲𑁆𑀲𑀸. 𑀪𑀸𑀯𑀺𑀢𑀸𑀢𑀺 𑀯𑀟𑁆𑀠𑀺𑀢𑀸. 𑀩𑀳𑀼𑀮𑀻𑀓𑀢𑀸𑀢𑀺 𑀧𑀼𑀦𑀧𑁆𑀧𑀼𑀦𑀁 𑀓𑀢𑀸. 𑀬𑀸𑀦𑀻𑀓𑀢𑀸𑀢𑀺 𑀬𑀼𑀢𑁆𑀢𑀬𑀸𑀦𑀁 𑀯𑀺𑀬 𑀓𑀢𑀸. 𑀯𑀢𑁆𑀣𑀼𑀓𑀢𑀸𑀢𑀺 𑀧𑀢𑀺𑀝𑁆𑀞𑀸𑀦𑀝𑁆𑀞𑁂𑀦 𑀯𑀢𑁆𑀣𑀼 𑀯𑀺𑀬 𑀓𑀢𑀸. 𑀅𑀦𑀼𑀝𑁆𑀞𑀺𑀢𑀸𑀢𑀺 𑀅𑀥𑀺𑀝𑁆𑀞𑀺𑀢𑀸. 𑀧𑀭𑀺𑀘𑀺𑀢𑀸𑀢𑀺 𑀲𑀫𑀦𑁆𑀢𑀢𑁄 𑀘𑀺𑀢𑀸 𑀲𑀼𑀯𑀟𑁆𑀠𑀺𑀢𑀸. 𑀲𑀼𑀲𑀫𑀸𑀭𑀤𑁆𑀥𑀸𑀢𑀺 𑀘𑀺𑀢𑁆𑀢𑁂𑀦 𑀲𑀼𑀝𑁆𑀞𑀼 𑀲𑀫𑀸𑀭𑀤𑁆𑀥𑀸. 𑀢𑀢𑀺𑀬𑀁.