𑁨. 𑀩𑀴𑀺𑀲𑀲𑀼𑀢𑁆𑀢𑀯𑀡𑁆𑀡𑀦𑀸

𑁧𑁫𑁮. 𑀤𑀼𑀢𑀺𑀬𑁂 𑀩𑀸𑀴𑀺𑀲𑀺𑀓𑁄𑀢𑀺 𑀩𑀴𑀺𑀲𑀁 𑀕𑀳𑁂𑀢𑁆𑀯𑀸 𑀘𑀭𑀫𑀸𑀦𑁄 𑀫𑀘𑁆𑀙𑀖𑀸𑀢𑀓𑁄. 𑀆𑀫𑀺𑀲𑀕𑀢𑀦𑁆𑀢𑀺 𑀆𑀫𑀺𑀲𑀫𑀓𑁆𑀔𑀺𑀢𑀁. 𑀆𑀫𑀺𑀲𑀘𑀓𑁆𑀔𑀽𑀢𑀺 𑀆𑀫𑀺𑀲𑁂 𑀘𑀓𑁆𑀔𑀼 𑀤𑀲𑁆𑀲𑀦𑀁 𑀅𑀲𑁆𑀲𑀸𑀢𑀺 𑀆𑀫𑀺𑀲𑀘𑀓𑁆𑀔𑀼. 𑀕𑀺𑀮𑀩𑀴𑀺𑀲𑁄𑀢𑀺 𑀕𑀺𑀮𑀺𑀢𑀩𑀴𑀺𑀲𑁄. 𑀅𑀦𑀬𑀁 𑀆𑀧𑀦𑁆𑀦𑁄𑀢𑀺 𑀤𑀼𑀓𑁆𑀔𑀁 𑀧𑀢𑁆𑀢𑁄. 𑀩𑁆𑀬𑀲𑀦𑀁 𑀆𑀧𑀦𑁆𑀦𑁄𑀢𑀺 𑀯𑀺𑀦𑀸𑀲𑀁 𑀧𑀢𑁆𑀢𑁄. 𑀬𑀣𑀸𑀓𑀸𑀫𑀓𑀭𑀡𑀻𑀬𑁄𑀢𑀺 𑀬𑀣𑀸𑀓𑀸𑀫𑁂𑀦 𑀬𑀣𑀸𑀭𑀼𑀘𑀺𑀬𑀸 𑀬𑀣𑁂𑀯 𑀦𑀁 𑀩𑀸𑀴𑀺𑀲𑀺𑀓𑁄 𑀇𑀘𑁆𑀙𑀢𑀺, 𑀢𑀣𑁂𑀯𑀲𑁆𑀲 𑀓𑀢𑁆𑀢𑀩𑁆𑀩𑁄𑀢𑀺 𑀅𑀢𑁆𑀣𑁄. 𑀬𑀣𑀸𑀓𑀸𑀫𑀓𑀭𑀡𑀻𑀬𑁄 𑀧𑀸𑀧𑀺𑀫𑀢𑁄𑀢𑀺 𑀬𑀣𑀸 𑀓𑀺𑀮𑁂𑀲𑀫𑀸𑀭𑀲𑁆𑀲 𑀓𑀸𑀫𑁄, 𑀏𑀯𑀁 𑀓𑀢𑁆𑀢𑀩𑁆𑀩𑁄, 𑀦𑀺𑀭𑀬𑀁 𑀯𑀸 𑀢𑀺𑀭𑀘𑁆𑀙𑀸𑀦𑀬𑁄𑀦𑀺𑀁 𑀯𑀸 𑀧𑁂𑀢𑁆𑀢𑀺𑀯𑀺𑀲𑀬𑀁 𑀯𑀸 𑀧𑀸𑀧𑁂𑀢𑀩𑁆𑀩𑁄. 𑀤𑀼𑀢𑀺𑀬𑀁.