𑁧𑁦. 𑀲𑀕𑀸𑀣𑀓𑀲𑀼𑀢𑁆𑀢𑀯𑀡𑁆𑀡𑀦𑀸

𑁧𑁬𑁬. 𑀤𑀲𑀫𑁂 𑀅𑀲𑀓𑁆𑀓𑀸𑀭𑁂𑀦 𑀘𑀽𑀪𑀬𑀦𑁆𑀢𑀺 𑀅𑀲𑀓𑁆𑀓𑀸𑀭𑁂𑀦 𑀘 𑀉𑀪𑀬𑁂𑀦. 𑀲𑀫𑀸𑀥𑀻𑀢𑀺 𑀅𑀭𑀳𑀢𑁆𑀢𑀨𑀮𑀲𑀫𑀸𑀥𑀺. 𑀲𑁄 𑀳𑀺 𑀢𑁂𑀦 𑀦 𑀯𑀺𑀓𑀫𑁆𑀧𑀢𑀺. 𑀅𑀧𑁆𑀧𑀫𑀸𑀡𑀯𑀺𑀳𑀸𑀭𑀺𑀦𑁄𑀢𑀺 𑀅𑀧𑁆𑀧𑀫𑀸𑀡𑁂𑀦 𑀨𑀮𑀲𑀫𑀸𑀥𑀺𑀦𑀸 𑀯𑀺𑀳𑀭𑀦𑁆𑀢𑀲𑁆𑀲. 𑀲𑀸𑀢𑀢𑀺𑀓𑀦𑁆𑀢𑀺 𑀲𑀢𑀢𑀓𑀸𑀭𑀺𑀁. 𑀲𑀼𑀔𑀼𑀫𑀁𑀤𑀺𑀝𑁆𑀞𑀺𑀯𑀺𑀧𑀲𑁆𑀲𑀓𑀦𑁆𑀢𑀺 𑀅𑀭𑀳𑀢𑁆𑀢𑀫𑀕𑁆𑀕𑀤𑀺𑀝𑁆𑀞𑀺𑀬𑀸 𑀲𑀼𑀔𑀼𑀫𑀤𑀺𑀝𑁆𑀞𑀺𑀨𑀮𑀲𑀫𑀸𑀧𑀢𑁆𑀢𑀺𑀅𑀢𑁆𑀣𑀸𑀬 𑀯𑀺𑀧𑀲𑁆𑀲𑀦𑀁 𑀧𑀝𑁆𑀞𑀧𑁂𑀢𑁆𑀯𑀸 𑀆𑀕𑀢𑀢𑁆𑀢𑀸 𑀯𑀺𑀧𑀲𑁆𑀲𑀓𑀁. 𑀉𑀧𑀸𑀤𑀸𑀦𑀓𑁆𑀔𑀬𑀸𑀭𑀸𑀫𑀦𑁆𑀢𑀺 𑀉𑀧𑀸𑀤𑀸𑀦𑀓𑁆𑀔𑀬𑀲𑀗𑁆𑀔𑀸𑀢𑁂 𑀦𑀺𑀩𑁆𑀩𑀸𑀦𑁂 𑀭𑀢𑀁. 𑀆𑀳𑀼 𑀲𑀧𑁆𑀧𑀼𑀭𑀺𑀲𑁄 𑀇𑀢𑀻𑀢𑀺 𑀲𑀧𑁆𑀧𑀼𑀭𑀺𑀲𑁄𑀢𑀺 𑀓𑀣𑁂𑀦𑁆𑀢𑀻𑀢𑀺. 𑀤𑀲𑀫𑀁.

𑀧𑀞𑀫𑁄 𑀯𑀕𑁆𑀕𑁄.