𑁪. 𑀦𑀯𑀲𑀼𑀢𑁆𑀢𑀯𑀡𑁆𑀡𑀦𑀸

𑁨𑁩𑁮. 𑀘𑀢𑀼𑀢𑁆𑀣𑁂 𑀅𑀧𑁆𑀧𑁄𑀲𑁆𑀲𑀼𑀓𑁆𑀓𑁄𑀢𑀺 𑀦𑀺𑀭𑀼𑀲𑁆𑀲𑀼𑀓𑁆𑀓𑁄. 𑀲𑀗𑁆𑀓𑀲𑀸𑀬𑀢𑀻𑀢𑀺 𑀯𑀺𑀳𑀭𑀢𑀺. 𑀯𑁂𑀬𑁆𑀬𑀸𑀯𑀘𑁆𑀘𑀦𑁆𑀢𑀺 𑀘𑀻𑀯𑀭𑁂 𑀓𑀢𑁆𑀢𑀩𑁆𑀩𑀓𑀺𑀘𑁆𑀘𑀁. 𑀆𑀪𑀺𑀘𑁂𑀢𑀲𑀺𑀓𑀸𑀦𑀦𑁆𑀢𑀺 𑀅𑀪𑀺𑀘𑀺𑀢𑁆𑀢𑀁 𑀉𑀢𑁆𑀢𑀫𑀘𑀺𑀢𑁆𑀢𑀁 𑀦𑀺𑀲𑁆𑀲𑀺𑀢𑀸𑀦𑀁. 𑀦𑀺𑀓𑀸𑀫𑀮𑀸𑀪𑀻𑀢𑀺 𑀇𑀘𑁆𑀙𑀺𑀢𑀺𑀘𑁆𑀙𑀺𑀢𑀓𑁆𑀔𑀡𑁂 𑀲𑀫𑀸𑀧𑀚𑁆𑀚𑀦𑀲𑀫𑀢𑁆𑀣𑀢𑀸𑀬 𑀦𑀺𑀓𑀸𑀫𑀮𑀸𑀪𑀻. 𑀅𑀓𑀺𑀘𑁆𑀙𑀮𑀸𑀪𑀻𑀢𑀺 𑀛𑀸𑀦𑀧𑀸𑀭𑀺𑀧𑀦𑁆𑀣𑀺𑀓𑁂 𑀲𑀼𑀔𑁂𑀦 𑀯𑀺𑀓𑁆𑀔𑀫𑁆𑀪𑁂𑀢𑁆𑀯𑀸 𑀲𑀫𑀸𑀧𑀚𑁆𑀚𑀦𑀲𑀫𑀢𑁆𑀣𑀢𑀸𑀬 𑀅𑀤𑀼𑀓𑁆𑀔𑀮𑀸𑀪𑀻. 𑀅𑀓𑀲𑀺𑀭𑀮𑀸𑀪𑀻𑀢𑀺 𑀬𑀣𑀸𑀧𑀭𑀺𑀘𑁆𑀙𑁂𑀤𑁂𑀦 𑀯𑀼𑀝𑁆𑀞𑀸𑀦𑀲𑀫𑀢𑁆𑀣𑀢𑀸𑀬 𑀯𑀺𑀧𑀼𑀮𑀮𑀸𑀪𑀻, 𑀧𑀕𑀼𑀡𑀚𑁆𑀛𑀸𑀦𑁄𑀢𑀺 𑀅𑀢𑁆𑀣𑁄. 𑀲𑀺𑀣𑀺𑀮𑀫𑀸𑀭𑀩𑁆𑀪𑀸𑀢𑀺 𑀲𑀺𑀣𑀺𑀮𑀯𑀻𑀭𑀺𑀬𑀁 𑀧𑀯𑀢𑁆𑀢𑁂𑀢𑁆𑀯𑀸. 𑀘𑀢𑀼𑀢𑁆𑀣𑀁.