𑁨. 𑀉𑀧𑀢𑀺𑀲𑁆𑀲𑀲𑀼𑀢𑁆𑀢𑀯𑀡𑁆𑀡𑀦𑀸

𑁨𑁩𑁬. 𑀤𑀼𑀢𑀺𑀬𑁂 𑀅𑀢𑁆𑀣𑀺 𑀦𑀼 𑀔𑁄 𑀢𑀁 𑀓𑀺𑀜𑁆𑀘𑀺 𑀮𑁄𑀓𑀲𑁆𑀫𑀺𑀦𑁆𑀢𑀺 𑀇𑀤𑀁 𑀅𑀢𑀺𑀉𑀴𑀸𑀭𑀫𑁆𑀧𑀺 𑀲𑀢𑁆𑀢𑀁 𑀯𑀸 𑀲𑀗𑁆𑀔𑀸𑀭𑀁 𑀯𑀸 𑀲𑀦𑁆𑀥𑀸𑀬 𑀯𑀼𑀢𑁆𑀢𑀁. 𑀲𑀢𑁆𑀣𑀼𑀧𑀺 𑀔𑁄𑀢𑀺 𑀇𑀤𑀁 𑀬𑀲𑁆𑀫𑀸 𑀆𑀦𑀦𑁆𑀤𑀢𑁆𑀣𑁂𑀭𑀲𑁆𑀲 𑀲𑀢𑁆𑀣𑀭𑀺 𑀅𑀥𑀺𑀫𑀢𑁆𑀢𑁄 𑀙𑀦𑁆𑀤𑁄 𑀘 𑀧𑁂𑀫𑀜𑁆𑀘, 𑀢𑀲𑁆𑀫𑀸 ‘‘𑀓𑀺𑀁 𑀦𑀼 𑀔𑁄 𑀇𑀫𑀲𑁆𑀲 𑀣𑁂𑀭𑀲𑁆𑀲 𑀲𑀢𑁆𑀣𑀼 𑀯𑀺𑀧𑀭𑀺𑀡𑀸𑀫𑁂𑀦𑀧𑀺 𑀲𑁄𑀓𑀸𑀤𑀬𑁄 𑀦𑀼𑀧𑁆𑀧𑀚𑁆𑀚𑁂𑀬𑁆𑀬𑀼’’𑀦𑁆𑀢𑀺 𑀚𑀸𑀦𑀦𑀢𑁆𑀣𑀁 𑀧𑀼𑀘𑁆𑀙𑀢𑀺? 𑀤𑀻𑀖𑀭𑀢𑁆𑀢𑀦𑁆𑀢𑀺 𑀲𑀽𑀓𑀭𑀔𑀢𑀮𑁂𑀡𑀤𑁆𑀯𑀸𑀭𑁂 𑀤𑀻𑀖𑀦𑀔𑀧𑀭𑀺𑀩𑁆𑀩𑀸𑀚𑀓𑀲𑁆𑀲 𑀯𑁂𑀤𑀦𑀸𑀧𑀭𑀺𑀕𑁆𑀕𑀳𑀲𑀼𑀢𑁆𑀢𑀦𑁆𑀢𑀁 𑀤𑁂𑀲𑀺𑀢𑀤𑀺𑀯𑀲𑀢𑁄 𑀧𑀝𑁆𑀞𑀸𑀬 𑀅𑀢𑀺𑀓𑁆𑀓𑀦𑁆𑀢𑀓𑀸𑀮𑀁 𑀲𑀦𑁆𑀥𑀸𑀬𑀸𑀳. 𑀢𑀲𑁆𑀫𑀺𑀜𑁆𑀳𑀺 𑀤𑀺𑀯𑀲𑁂 𑀣𑁂𑀭𑀲𑁆𑀲 𑀇𑀫𑁂 𑀯𑀝𑁆𑀝𑀸𑀦𑀼𑀕𑀢𑀓𑀺𑀮𑁂𑀲𑀸 𑀲𑀫𑀽𑀳𑀢𑀸𑀢𑀺. 𑀤𑀼𑀢𑀺𑀬𑀁.