𑁬. 𑀘𑀸𑀮𑀸𑀲𑀼𑀢𑁆𑀢𑀯𑀡𑁆𑀡𑀦𑀸

𑁧𑁬𑁭. 𑀙𑀝𑁆𑀞𑁂 𑀓𑁄 𑀦𑀼 𑀢𑀁 𑀇𑀤𑀫𑀸𑀤𑀧𑀬𑀻𑀢𑀺 𑀓𑁄 𑀦𑀼 𑀫𑀦𑁆𑀤𑀩𑀼𑀤𑁆𑀥𑀺 𑀩𑀸𑀮𑁄 𑀢𑀁 𑀏𑀯𑀁 𑀕𑀸𑀳𑀸𑀧𑁂𑀲𑀺? 𑀧𑀭𑀺𑀓𑁆𑀮𑁂𑀲𑀦𑁆𑀢𑀺 𑀅𑀜𑁆𑀜𑀫𑁆𑀧𑀺 𑀦𑀸𑀦𑀧𑁆𑀧𑀓𑀸𑀭𑀁 𑀉𑀧𑀤𑁆𑀤𑀯𑀁. 𑀇𑀤𑀸𑀦𑀺 𑀬𑀁 𑀫𑀸𑀭𑁄 𑀆𑀳 𑁋 ‘‘𑀓𑁄 𑀦𑀼 𑀢𑀁 𑀇𑀤𑀫𑀸𑀤𑀧𑀬𑀻’’𑀢𑀺, 𑀢𑀁 𑀫𑀤𑁆𑀤𑀦𑁆𑀢𑀻 𑁋 ‘‘𑀦 𑀫𑀁 𑀅𑀦𑁆𑀥𑀩𑀸𑀮𑁄 𑀆𑀤𑀧𑁂𑀲𑀺, 𑀮𑁄𑀓𑁂 𑀧𑀦 𑀅𑀕𑁆𑀕𑀧𑀼𑀕𑁆𑀕𑀮𑁄 𑀲𑀢𑁆𑀣𑀸 𑀥𑀫𑁆𑀫𑀁 𑀤𑁂𑀲𑁂𑀲𑀻’’𑀢𑀺 𑀤𑀲𑁆𑀲𑁂𑀢𑀼𑀁, 𑀩𑀼𑀤𑁆𑀥𑁄𑀢𑀺𑀆𑀤𑀺𑀫𑀸𑀳. 𑀢𑀢𑁆𑀣 𑀲𑀘𑁆𑀘𑁂 𑀦𑀺𑀯𑁂𑀲𑀬𑀻𑀢𑀺 𑀧𑀭𑀫𑀢𑁆𑀣𑀲𑀘𑁆𑀘𑁂 𑀦𑀺𑀩𑁆𑀩𑀸𑀦𑁂 𑀦𑀺𑀯𑁂𑀲𑁂𑀲𑀺. 𑀦𑀺𑀭𑁄𑀥𑀁 𑀅𑀧𑁆𑀧𑀚𑀸𑀦𑀦𑁆𑀢𑀸𑀢𑀺 𑀦𑀺𑀭𑁄𑀥𑀲𑀘𑁆𑀘𑀁 𑀅𑀚𑀸𑀦𑀦𑁆𑀢𑀸. 𑀙𑀝𑁆𑀞𑀁.