𑁨. 𑀭𑀣𑀲𑀼𑀢𑁆𑀢𑀯𑀡𑁆𑀡𑀦𑀸

𑁭𑁨. 𑀤𑀼𑀢𑀺𑀬𑁂 𑀧𑀜𑁆𑀜𑀸𑀬𑀢𑀺 𑀏𑀢𑁂𑀦𑀸𑀢𑀺 𑀧𑀜𑁆𑀜𑀸𑀡𑀁. 𑀥𑀚𑁄 𑀭𑀣𑀲𑁆𑀲𑀸𑀢𑀺 𑀫𑀳𑀦𑁆𑀢𑀲𑁆𑀫𑀺𑀁 𑀳𑀺 𑀲𑀗𑁆𑀕𑀸𑀫𑀲𑀻𑀲𑁂 𑀤𑀽𑀭𑀢𑁄𑀯 𑀥𑀚𑀁 𑀤𑀺𑀲𑁆𑀯𑀸 ‘‘𑀅𑀲𑀼𑀓𑀭𑀜𑁆𑀜𑁄 𑀦𑀸𑀫 𑀅𑀬𑀁 𑀭𑀣𑁄’’𑀢𑀺 𑀭𑀣𑁄 𑀧𑀸𑀓𑀝𑁄 𑀳𑁄𑀢𑀺. 𑀢𑁂𑀦 𑀯𑀼𑀢𑁆𑀢𑀁 ‘‘𑀥𑀚𑁄 𑀭𑀣𑀲𑁆𑀲 𑀧𑀜𑁆𑀜𑀸𑀡’’𑀦𑁆𑀢𑀺. 𑀅𑀕𑁆𑀕𑀺𑀧𑀺 𑀤𑀽𑀭𑀢𑁄𑀯 𑀥𑀽𑀫𑁂𑀦 𑀧𑀜𑁆𑀜𑀸𑀬𑀢𑀺. 𑀘𑁄𑀴𑀭𑀝𑁆𑀞𑀁 𑀧𑀡𑁆𑀟𑀼𑀭𑀝𑁆𑀞𑀦𑁆𑀢𑀺 𑀏𑀯𑀁 𑀭𑀝𑁆𑀞𑀫𑁆𑀧𑀺 𑀭𑀜𑁆𑀜𑀸 𑀧𑀜𑁆𑀜𑀸𑀬𑀢𑀺. 𑀘𑀓𑁆𑀓𑀯𑀢𑁆𑀢𑀺𑀭𑀜𑁆𑀜𑁄 𑀥𑀻𑀢𑀸𑀧𑀺 𑀧𑀦 𑀇𑀢𑁆𑀣𑀻 ‘‘𑀅𑀲𑀼𑀓𑀲𑁆𑀲 𑀦𑀸𑀫 𑀪𑀭𑀺𑀬𑀸’’𑀢𑀺 𑀪𑀢𑁆𑀢𑀸𑀭𑀁 𑀧𑀢𑁆𑀯𑀸𑀯 𑀧𑀜𑁆𑀜𑀸𑀬𑀢𑀺. 𑀢𑀲𑁆𑀫𑀸 𑀥𑀽𑀫𑁄 𑀧𑀜𑁆𑀜𑀸𑀡𑀫𑀕𑁆𑀕𑀺𑀦𑁄𑀢𑀺𑀆𑀤𑀺 𑀯𑀼𑀢𑁆𑀢𑀁. 𑀤𑀼𑀢𑀺𑀬𑀁.