𑁫. 𑀢𑀺𑀓𑀢𑀺𑀓𑀧𑀝𑁆𑀞𑀸𑀦𑀯𑀡𑁆𑀡𑀦𑀸

𑀢𑀺𑀓𑀢𑀺𑀓𑀧𑀝𑁆𑀞𑀸𑀦𑁂𑀧𑀺 𑀓𑀼𑀲𑀮𑀁 𑀲𑀼𑀔𑀸𑀬 𑀯𑁂𑀤𑀦𑀸𑀬 𑀲𑀫𑁆𑀧𑀬𑀼𑀢𑁆𑀢𑀁 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀓𑀼𑀲𑀮𑁄 𑀲𑀼𑀔𑀸𑀬 𑀯𑁂𑀤𑀦𑀸𑀬 𑀲𑀫𑁆𑀧𑀬𑀼𑀢𑁆𑀢𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸𑀢𑀺 𑀧𑀜𑁆𑀳𑀼𑀤𑁆𑀥𑀸𑀭𑀯𑀲𑁂𑀦𑁂𑀯 𑀲𑀗𑁆𑀔𑁂𑀧𑀢𑁄 𑀤𑁂𑀲𑀦𑀸 𑀓𑀢𑀸. 𑀏𑀢𑁆𑀣 𑀘 𑀓𑀼𑀲𑀮𑀢𑁆𑀢𑀺𑀓𑀁 𑀯𑁂𑀤𑀦𑀸𑀢𑁆𑀢𑀺𑀓𑀸𑀤𑀻𑀳𑀺, 𑀯𑁂𑀤𑀦𑀸𑀢𑁆𑀢𑀺𑀓𑀸𑀤𑀬𑁄 𑀘 𑀓𑀼𑀲𑀮𑀢𑁆𑀢𑀺𑀓𑁂𑀦𑀸𑀢𑀺 𑀏𑀯𑀁 𑀢𑀺𑀓𑁂𑀲𑀼𑀬𑁂𑀯 𑀢𑀺𑀓𑀸 𑀧𑀓𑁆𑀔𑀺𑀢𑁆𑀢𑀸. 𑀬𑁂𑀦 𑀬𑁂𑀦 𑀘 𑀧𑀤𑁂𑀦 𑀲𑀤𑁆𑀥𑀺𑀁 𑀬𑀁 𑀬𑀁 𑀧𑀤𑀁 𑀬𑁄𑀚𑀦𑀁 𑀦 𑀕𑀘𑁆𑀙𑀢𑀺, 𑀢𑀁 𑀢𑀁 𑀳𑀸𑀧𑁂𑀢𑁆𑀯𑀸 𑀮𑀩𑁆𑀪𑀫𑀸𑀦𑀯𑀲𑁂𑀦𑁂𑀯 𑀲𑀩𑁆𑀩𑀧𑀘𑁆𑀘𑀬𑁂𑀲𑀼 𑀯𑀸𑀭𑀸 𑀘 𑀕𑀡𑀦𑀦𑀬𑀸 𑀘 𑀤𑀲𑁆𑀲𑀺𑀢𑀸, 𑀢𑀲𑁆𑀫𑀸 𑀢𑁂 𑀲𑀸𑀥𑀼𑀓𑀁 𑀧𑀸𑀴𑀺𑀁 𑀉𑀧𑀧𑀭𑀺𑀓𑁆𑀔𑀺𑀢𑁆𑀯𑀸 𑀯𑁂𑀤𑀺𑀢𑀩𑁆𑀩𑀸. 𑀬𑀣𑀸 𑀘 𑀓𑀼𑀲𑀮𑀢𑁆𑀢𑀺𑀓𑀁 𑀯𑁂𑀤𑀦𑀸𑀢𑁆𑀢𑀺𑀓𑀸𑀤𑀻𑀳𑀺, 𑀯𑁂𑀤𑀦𑀸𑀢𑁆𑀢𑀺𑀓𑀸𑀤𑀬𑁄 𑀘 𑀢𑁂𑀦 𑀲𑀤𑁆𑀥𑀺𑀁 𑀬𑁄𑀚𑁂𑀢𑁆𑀯𑀸 𑀯𑁂𑀤𑀺𑀢𑀩𑁆𑀩𑀸; 𑀢𑀣𑀸 𑀏𑀓𑁂𑀓𑀁 𑀢𑀺𑀓𑀁 𑀲𑁂𑀲𑁂𑀳𑀺. 𑀲𑁂𑀲𑀸 𑀘 𑀢𑁂𑀳𑀺 𑀲𑀤𑁆𑀥𑀺𑀁 𑀬𑁄𑀚𑁂𑀢𑁆𑀯𑀸 𑀯𑁂𑀤𑀺𑀢𑀩𑁆𑀩𑀸𑀢𑀺.

𑀢𑀺𑀓𑀢𑀺𑀓𑀧𑀝𑁆𑀞𑀸𑀦𑀯𑀡𑁆𑀡𑀦𑀸.