𑁧. 𑀧𑀡𑁆𑀡𑀢𑁆𑀢𑀺𑀦𑀺𑀤𑁆𑀤𑁂𑀲𑀯𑀸𑀭𑀯𑀡𑁆𑀡𑀦𑀸

𑁧𑁦-𑁧𑁭. 𑀦𑀺𑀤𑁆𑀤𑁂𑀲𑀯𑀸𑀭𑁂 𑀧𑀦 𑀳𑁂𑀝𑁆𑀞𑀸 𑀔𑀦𑁆𑀥𑀬𑀫𑀓𑀲𑁆𑀲 𑀧𑀡𑁆𑀡𑀢𑁆𑀢𑀺𑀯𑀸𑀭𑀦𑀺𑀤𑁆𑀤𑁂𑀲𑁂 𑀯𑀼𑀢𑁆𑀢𑀦𑀬𑁂𑀦𑁂𑀯 𑀅𑀢𑁆𑀣𑁄 𑀯𑁂𑀤𑀺𑀢𑀩𑁆𑀩𑁄. 𑀅𑀜𑁆𑀜𑀢𑁆𑀭 𑀯𑀺𑀲𑁂𑀲𑀸. 𑀢𑀢𑁆𑀭𑀸𑀬𑀁 𑀯𑀺𑀲𑁂𑀲𑁄 𑁋 𑀤𑀺𑀩𑁆𑀩𑀘𑀓𑁆𑀔𑀽𑀢𑀺 𑀤𑀼𑀢𑀺𑀬𑀯𑀺𑀚𑁆𑀚𑀸𑀜𑀸𑀡𑀁. 𑀧𑀜𑁆𑀜𑀸𑀘𑀓𑁆𑀔𑀽𑀢𑀺 𑀢𑀢𑀺𑀬𑀯𑀺𑀚𑁆𑀚𑀸𑀜𑀸𑀡𑀁. 𑀤𑀺𑀩𑁆𑀩𑀲𑁄𑀢𑀦𑁆𑀢𑀺 𑀤𑀼𑀢𑀺𑀬𑀅𑀪𑀺𑀜𑁆𑀜𑀸𑀜𑀸𑀡𑀁. 𑀢𑀡𑁆𑀳𑀸𑀲𑁄𑀢𑀦𑁆𑀢𑀺 𑀢𑀡𑁆𑀳𑀸𑀯. 𑀅𑀯𑀲𑁂𑀲𑁄 𑀓𑀸𑀬𑁄𑀢𑀺 𑀦𑀸𑀫𑀓𑀸𑀬𑁄, 𑀭𑀽𑀧𑀓𑀸𑀬𑁄, 𑀳𑀢𑁆𑀣𑀺𑀓𑀸𑀬𑁄, 𑀅𑀲𑁆𑀲𑀓𑀸𑀬𑁄𑀢𑀺 𑀏𑀯𑀫𑀸𑀤𑀺. 𑀅𑀯𑀲𑁂𑀲𑀁 𑀭𑀽𑀧𑀦𑁆𑀢𑀺 𑀭𑀽𑀧𑀸𑀬𑀢𑀦𑀢𑁄 𑀲𑁂𑀲𑀁 𑀪𑀽𑀢𑀼𑀧𑀸𑀤𑀸𑀬𑀭𑀽𑀧𑀜𑁆𑀘𑁂𑀯 𑀧𑀺𑀬𑀭𑀽𑀧𑀲𑀸𑀢𑀭𑀽𑀧𑀜𑁆𑀘. 𑀲𑀻𑀮𑀕𑀦𑁆𑀥𑁄𑀢𑀺𑀆𑀤𑀻𑀦𑀺 𑀯𑀸𑀬𑀦𑀝𑁆𑀞𑁂𑀦 𑀲𑀻𑀮𑀸𑀤𑀻𑀦𑀁𑀬𑁂𑀯 𑀦𑀸𑀫𑀸𑀦𑀺. 𑀅𑀢𑁆𑀣𑀭𑀲𑁄𑀢𑀺𑀆𑀤𑀻𑀦𑀺𑀧𑀺 𑀲𑀸𑀥𑀼𑀫𑀥𑀼𑀭𑀝𑁆𑀞𑁂𑀦 𑀅𑀢𑁆𑀣𑀸𑀤𑀻𑀦𑀜𑁆𑀜𑁂𑀯 𑀦𑀸𑀫𑀸𑀦𑀺. 𑀅𑀯𑀲𑁂𑀲𑁄 𑀥𑀫𑁆𑀫𑁄𑀢𑀺 𑀧𑀭𑀺𑀬𑀢𑁆𑀢𑀺𑀥𑀫𑁆𑀫𑀸𑀤𑀺𑀅𑀦𑁂𑀓𑀧𑁆𑀧𑀪𑁂𑀤𑁄𑀢𑀺 𑀅𑀬𑀫𑁂𑀢𑁆𑀣 𑀯𑀺𑀲𑁂𑀲𑁄.

𑀧𑀡𑁆𑀡𑀢𑁆𑀢𑀺𑀦𑀺𑀤𑁆𑀤𑁂𑀲𑀯𑀸𑀭𑀯𑀡𑁆𑀡𑀦𑀸.