𑁬. 𑀲𑀩𑁆𑀩𑀤𑀺𑀲𑀸𑀓𑀣𑀸𑀯𑀡𑁆𑀡𑀦𑀸

𑁮𑁮𑁬. 𑀇𑀤𑀸𑀦𑀺 𑀲𑀩𑁆𑀩𑀤𑀺𑀲𑀸𑀓𑀣𑀸 𑀦𑀸𑀫 𑀳𑁄𑀢𑀺. 𑀢𑀢𑁆𑀣 𑀘𑀢𑀽𑀲𑀼 𑀤𑀺𑀲𑀸𑀲𑀼 𑀳𑁂𑀝𑁆𑀞𑀸 𑀉𑀧𑀭𑀻𑀢𑀺 𑀲𑀫𑀦𑁆𑀢𑀢𑁄 𑀮𑁄𑀓𑀥𑀸𑀢𑀼𑀲𑀦𑁆𑀦𑀺𑀯𑀸𑀲𑀁, 𑀲𑀩𑁆𑀩𑀮𑁄𑀓𑀥𑀸𑀢𑀽𑀲𑀼 𑀘 𑀩𑀼𑀤𑁆𑀥𑀸 𑀅𑀢𑁆𑀣𑀻𑀢𑀺 𑀅𑀢𑁆𑀢𑀦𑁄 𑀯𑀺𑀓𑀧𑁆𑀧𑀲𑀺𑀧𑁆𑀧𑀁 𑀉𑀧𑁆𑀧𑀸𑀤𑁂𑀢𑁆𑀯𑀸 ‘‘𑀲𑀩𑁆𑀩𑀤𑀺𑀲𑀸𑀲𑀼 𑀩𑀼𑀤𑁆𑀥𑀸 𑀢𑀺𑀝𑁆𑀞𑀦𑁆𑀢𑀻’’𑀢𑀺 𑀬𑁂𑀲𑀁 𑀮𑀤𑁆𑀥𑀺, 𑀲𑁂𑀬𑁆𑀬𑀣𑀸𑀧𑀺 𑀫𑀳𑀸𑀲𑀗𑁆𑀖𑀺𑀓𑀸𑀦𑀁; 𑀢𑁂 𑀲𑀦𑁆𑀥𑀸𑀬 𑀧𑀼𑀘𑁆𑀙𑀸 𑀲𑀓𑀯𑀸𑀤𑀺𑀲𑁆𑀲, 𑀧𑀝𑀺𑀜𑁆𑀜𑀸 𑀇𑀢𑀭𑀲𑁆𑀲. 𑀧𑀼𑀭𑀢𑁆𑀣𑀺𑀫𑀸𑀬𑀸𑀢𑀺 𑀧𑀼𑀝𑁆𑀞𑁄 𑀲𑀓𑁆𑀬𑀫𑀼𑀦𑀺𑀁 𑀲𑀦𑁆𑀥𑀸𑀬 𑀧𑀝𑀺𑀓𑁆𑀔𑀺𑀧𑀢𑀺. 𑀧𑀼𑀦 𑀧𑀼𑀝𑁆𑀞𑁄 𑀮𑀤𑁆𑀥𑀺𑀯𑀲𑁂𑀦 𑀅𑀜𑁆𑀜𑀮𑁄𑀓𑀥𑀸𑀢𑀼𑀬𑀁 𑀞𑀺𑀢𑀁 𑀲𑀦𑁆𑀥𑀸𑀬 𑀧𑀝𑀺𑀚𑀸𑀦𑀸𑀢𑀺. 𑀓𑀺𑀦𑁆𑀦𑀸𑀫𑁄 𑀲𑁄 𑀪𑀕𑀯𑀸𑀢𑀺𑀆𑀤𑀺 ‘‘𑀲𑀘𑁂 𑀢𑁆𑀯𑀁 𑀚𑀸𑀦𑀸𑀲𑀺, 𑀦𑀸𑀫𑀸𑀤𑀺𑀯𑀲𑁂𑀦 𑀦𑀁 𑀓𑀣𑁂𑀳𑀻’’𑀢𑀺 𑀘𑁄𑀤𑀦𑀢𑁆𑀣𑀁 𑀯𑀼𑀢𑁆𑀢𑀁. 𑀇𑀫𑀺𑀦𑀸 𑀉𑀧𑀸𑀬𑁂𑀦 𑀲𑀩𑁆𑀩𑀢𑁆𑀣 𑀅𑀢𑁆𑀣𑁄 𑀯𑁂𑀤𑀺𑀢𑀩𑁆𑀩𑁄𑀢𑀺.

𑀲𑀩𑁆𑀩𑀤𑀺𑀲𑀸𑀓𑀣𑀸𑀯𑀡𑁆𑀡𑀦𑀸.