𑁧. 𑀲𑀸𑀲𑀦𑀓𑀣𑀸𑀯𑀡𑁆𑀡𑀦𑀸

𑁮𑁭𑁮. 𑀇𑀤𑀸𑀦𑀺 𑀲𑀸𑀲𑀦𑀓𑀣𑀸 𑀦𑀸𑀫 𑀳𑁄𑀢𑀺. 𑀢𑀢𑁆𑀣 𑀢𑀺𑀲𑁆𑀲𑁄 𑀲𑀗𑁆𑀕𑀻𑀢𑀺𑀬𑁄 𑀲𑀦𑁆𑀥𑀸𑀬 ‘‘𑀲𑀸𑀲𑀦𑀁 𑀦𑀯𑀁 𑀓𑀢’’𑀦𑁆𑀢𑀺 𑀘 ‘‘𑀅𑀢𑁆𑀣𑀺 𑀓𑁄𑀘𑀺 𑀢𑀣𑀸𑀕𑀢𑀲𑁆𑀲 𑀲𑀸𑀲𑀦𑀁 𑀦𑀯𑀁 𑀓𑀭𑁄𑀢𑀻’’𑀢𑀺 𑀘 ‘‘𑀮𑀩𑁆𑀪𑀸 𑀢𑀣𑀸𑀕𑀢𑀲𑁆𑀲 𑀲𑀸𑀲𑀦𑀁 𑀦𑀯𑀁 𑀓𑀸𑀢𑀼’’𑀦𑁆𑀢𑀺 𑀘 𑀬𑁂𑀲𑀁 𑀮𑀤𑁆𑀥𑀺, 𑀲𑁂𑀬𑁆𑀬𑀣𑀸𑀧𑀺 𑀏𑀓𑀘𑁆𑀘𑀸𑀦𑀁 𑀉𑀢𑁆𑀢𑀭𑀸𑀧𑀣𑀓𑀸𑀦𑀁; 𑀢𑁂 𑀲𑀦𑁆𑀥𑀸𑀬 𑀢𑀻𑀲𑀼𑀧𑀺 𑀓𑀣𑀸𑀲𑀼 𑀧𑀼𑀘𑁆𑀙𑀸 𑀲𑀓𑀯𑀸𑀤𑀺𑀲𑁆𑀲, 𑀧𑀝𑀺𑀜𑁆𑀜𑀸 𑀇𑀢𑀭𑀲𑁆𑀲. 𑀲𑀢𑀺𑀧𑀝𑁆𑀞𑀸𑀦𑀸𑀢𑀺𑀆𑀤𑀺 𑀲𑀸𑀲𑀦𑀁 𑀦𑀸𑀫 𑀲𑀢𑀺𑀧𑀝𑁆𑀞𑀸𑀦𑀸𑀤𑀬𑁄 𑀘𑁂𑀯 𑀅𑀭𑀺𑀬𑀥𑀫𑁆𑀫𑀸, 𑀓𑀼𑀲𑀮𑀸𑀤𑀻𑀦𑀜𑁆𑀘 𑀤𑁂𑀲𑀦𑀸. 𑀢𑀢𑁆𑀣 𑀬𑁂𑀲𑀁 𑀪𑀕𑀯𑀢𑀸 𑀤𑁂𑀲𑀺𑀢𑀸 𑀲𑀢𑀺𑀧𑀝𑁆𑀞𑀸𑀦𑀸𑀤𑀬𑁄, 𑀞𑀧𑁂𑀢𑁆𑀯𑀸 𑀢𑁂 𑀅𑀜𑁆𑀜𑁂𑀲𑀁 𑀯𑀸 𑀲𑀢𑀺𑀧𑀝𑁆𑀞𑀸𑀦𑀸𑀤𑀻𑀦𑀁 𑀓𑀭𑀡𑁂𑀦 𑀅𑀓𑀼𑀲𑀮𑀸𑀤𑀻𑀦𑀁 𑀯𑀸 𑀓𑀼𑀲𑀮𑀸𑀤𑀺𑀪𑀸𑀯𑀓𑀭𑀡𑁂𑀦 𑀲𑀸𑀲𑀦𑀁 𑀦𑀯𑀁𑀓𑀢𑀁 𑀦𑀸𑀫 𑀪𑀯𑁂𑀬𑁆𑀬, 𑀓𑀺𑀁 𑀢𑀁 𑀏𑀯𑀁 𑀓𑀢𑀁 𑀓𑁂𑀦𑀘𑀺, 𑀅𑀢𑁆𑀣𑀺 𑀯𑀸 𑀓𑁄𑀘𑀺 𑀏𑀯𑀁 𑀓𑀭𑁄𑀢𑀺, 𑀮𑀩𑁆𑀪𑀸 𑀯𑀸 𑀏𑀯𑀁 𑀓𑀸𑀢𑀼𑀦𑁆𑀢𑀺 𑀢𑀻𑀲𑀼𑀧𑀺 𑀧𑀼𑀘𑁆𑀙𑀸𑀲𑀼 𑀘𑁄𑀤𑀦𑀢𑁆𑀣𑀁 𑀯𑀼𑀢𑁆𑀢𑀁. 𑀲𑁂𑀲𑀁 𑀲𑀩𑁆𑀩𑀢𑁆𑀣 𑀬𑀣𑀸𑀧𑀸𑀴𑀺𑀫𑁂𑀯 𑀦𑀺𑀬𑁆𑀬𑀸𑀢𑀻𑀢𑀺.

𑀲𑀸𑀲𑀦𑀓𑀣𑀸𑀯𑀡𑁆𑀡𑀦𑀸.