𑁬. 𑀓𑀼𑀲𑀮𑀓𑀣𑀸𑀯𑀡𑁆𑀡𑀦𑀸

𑁮𑁪𑁪-𑁮𑁪𑁬. 𑀇𑀤𑀸𑀦𑀺 𑀓𑀼𑀲𑀮𑀓𑀣𑀸 𑀦𑀸𑀫 𑀳𑁄𑀢𑀺. 𑀢𑀢𑁆𑀣 𑀅𑀦𑀯𑀚𑁆𑀚𑀫𑁆𑀧𑀺 𑀓𑀼𑀲𑀮𑀁 𑀇𑀝𑁆𑀞𑀧𑀸𑀓𑀫𑁆𑀧𑀺. 𑀅𑀦𑀯𑀚𑁆𑀚𑀁 𑀦𑀸𑀫 𑀓𑀺𑀮𑁂𑀲𑀯𑀺𑀧𑁆𑀧𑀬𑀼𑀢𑁆𑀢𑀁. 𑀅𑀬𑀁 𑀦𑀬𑁄 𑀞𑀧𑁂𑀢𑁆𑀯𑀸 𑀅𑀓𑀼𑀲𑀮𑀁 𑀲𑀩𑁆𑀩𑀥𑀫𑁆𑀫𑁂 𑀪𑀚𑀢𑀺. 𑀇𑀝𑁆𑀞𑀯𑀺𑀧𑀸𑀓𑀁 𑀦𑀸𑀫 𑀆𑀬𑀢𑀺𑀁 𑀉𑀧𑀧𑀢𑁆𑀢𑀺𑀧𑀯𑀢𑁆𑀢𑁂𑀲𑀼 𑀇𑀝𑁆𑀞𑀨𑀮𑀦𑀺𑀧𑁆𑀨𑀸𑀤𑀓𑀁 𑀧𑀼𑀜𑁆𑀜𑀁. 𑀅𑀬𑀁 𑀦𑀬𑁄 𑀓𑀼𑀲𑀮𑀢𑁆𑀢𑀺𑀓𑁂 𑀆𑀤𑀺𑀧𑀤𑀫𑁂𑀯 𑀪𑀚𑀢𑀺. 𑀬𑁂𑀲𑀁 𑀧𑀦 𑀇𑀫𑀁 𑀯𑀺𑀪𑀸𑀕𑀁 𑀅𑀕𑁆𑀕𑀳𑁂𑀢𑁆𑀯𑀸 𑀅𑀦𑀯𑀚𑁆𑀚𑀪𑀸𑀯𑀫𑀢𑁆𑀢𑁂𑀦𑁂𑀯 𑀦𑀺𑀩𑁆𑀩𑀸𑀦𑀁 𑀓𑀼𑀲𑀮𑀦𑁆𑀢𑀺 𑀮𑀤𑁆𑀥𑀺, 𑀲𑁂𑀬𑁆𑀬𑀣𑀸𑀧𑀺 𑀅𑀦𑁆𑀥𑀓𑀸𑀦𑀁, 𑀢𑁂𑀲𑀁 𑀇𑀝𑁆𑀞𑀯𑀺𑀧𑀸𑀓𑀝𑁆𑀞𑁂𑀦 𑀦𑀺𑀩𑁆𑀩𑀸𑀦𑀲𑁆𑀲 𑀓𑀼𑀲𑀮𑀢𑀸𑀪𑀸𑀯𑀁 𑀤𑀻𑀧𑁂𑀢𑀼𑀁 𑀧𑀼𑀘𑁆𑀙𑀸 𑀲𑀓𑀯𑀸𑀤𑀺𑀲𑁆𑀲, 𑀅𑀢𑁆𑀢𑀦𑁄 𑀮𑀤𑁆𑀥𑀺𑀯𑀲𑁂𑀦 𑀧𑀝𑀺𑀜𑁆𑀜𑀸 𑀇𑀢𑀭𑀲𑁆𑀲. 𑀲𑁂𑀲𑀫𑀺𑀥𑀸𑀧𑀺 𑀳𑁂𑀝𑁆𑀞𑀸 𑀯𑀼𑀢𑁆𑀢𑀦𑀬𑀢𑁆𑀢𑀸 𑀉𑀢𑁆𑀢𑀸𑀦𑀢𑁆𑀣𑀫𑁂𑀯𑀸𑀢𑀺.

𑀓𑀼𑀲𑀮𑀓𑀣𑀸𑀯𑀡𑁆𑀡𑀦𑀸.