𑁫. 𑀭𑀽𑀧𑀁 𑀳𑁂𑀢𑀽𑀢𑀺𑀓𑀣𑀸𑀯𑀡𑁆𑀡𑀦𑀸

𑁭𑁫𑁪-𑁭𑁫𑁬. 𑀇𑀤𑀸𑀦𑀺 𑀭𑀽𑀧𑀁 𑀳𑁂𑀢𑀽𑀢𑀺 𑀓𑀣𑀸𑀦𑀸𑀫 𑀳𑁄𑀢𑀺. 𑀢𑀢𑁆𑀣 𑀳𑁂𑀢𑀽𑀢𑀺 𑀓𑀼𑀲𑀮𑀫𑀽𑀮𑀸𑀤𑀺𑀦𑁄 𑀳𑁂𑀢𑀼𑀳𑁂𑀢𑀼𑀲𑁆𑀲𑀸𑀧𑀺 𑀦𑀸𑀫𑀁, 𑀬𑀲𑁆𑀲 𑀓𑀲𑁆𑀲𑀘𑀺 𑀧𑀘𑁆𑀘𑀬𑀲𑁆𑀲𑀸𑀧𑀺. 𑀇𑀫𑀁 𑀧𑀦 𑀯𑀺𑀪𑀸𑀕𑀁 𑀅𑀓𑀢𑁆𑀯𑀸 ‘‘𑀘𑀢𑁆𑀢𑀸𑀭𑁄 𑀫𑀳𑀸𑀪𑀽𑀢𑀸 𑀳𑁂𑀢𑀽’’𑀢𑀺 𑀯𑀘𑀦𑀫𑀢𑁆𑀢𑀁 𑀦𑀺𑀲𑁆𑀲𑀸𑀬 𑀅𑀯𑀺𑀲𑁂𑀲𑁂𑀦𑁂𑀯 𑀭𑀽𑀧𑀁 𑀳𑁂𑀢𑀽𑀢𑀺 𑀬𑁂𑀲𑀁 𑀮𑀤𑁆𑀥𑀺, 𑀲𑁂𑀬𑁆𑀬𑀣𑀸𑀧𑀺 𑀉𑀢𑁆𑀢𑀭𑀸𑀧𑀣𑀓𑀸𑀦𑀁; 𑀢𑁂 𑀲𑀦𑁆𑀥𑀸𑀬 𑀧𑀼𑀘𑁆𑀙𑀸 𑀲𑀓𑀯𑀸𑀤𑀺𑀲𑁆𑀲, 𑀧𑀝𑀺𑀜𑁆𑀜𑀸 𑀇𑀢𑀭𑀲𑁆𑀲. 𑀅𑀮𑁄𑀪𑁄 𑀳𑁂𑀢𑀽𑀢𑀺 𑀓𑀺𑀁 𑀢𑁂 𑀭𑀽𑀧𑀁 𑀅𑀮𑁄𑀪𑀲𑀗𑁆𑀔𑀸𑀢𑁄 𑀳𑁂𑀢𑀽𑀢𑀺 𑀧𑀼𑀘𑁆𑀙𑀢𑀺, 𑀇𑀢𑀭𑁄 𑀧𑀝𑀺𑀓𑁆𑀔𑀺𑀧𑀢𑀺. 𑀲𑁂𑀲𑁂𑀲𑀼𑀧𑀺 𑀏𑀲𑁂𑀯 𑀦𑀬𑁄. 𑀫𑀳𑀸𑀪𑀽𑀢𑀸 𑀉𑀧𑀸𑀤𑀸𑀬𑀭𑀽𑀧𑀸𑀦𑀁 𑀉𑀧𑀸𑀤𑀸𑀬𑀳𑁂𑀢𑀽𑀢𑀺 𑀏𑀢𑁆𑀣 𑀧𑀘𑁆𑀘𑀬𑀝𑁆𑀞𑁂𑀦 𑀳𑁂𑀢𑀼𑀪𑀸𑀯𑁄 𑀯𑀼𑀢𑁆𑀢𑁄, 𑀦 𑀫𑀽𑀮𑀝𑁆𑀞𑁂𑀦, 𑀢𑀲𑁆𑀫𑀸 𑀅𑀲𑀸𑀥𑀓𑀦𑁆𑀢𑀺.

𑀭𑀽𑀧𑀁 𑀳𑁂𑀢𑀽𑀢𑀺𑀓𑀣𑀸𑀯𑀡𑁆𑀡𑀦𑀸.

𑁭𑁫𑁭-𑁭𑁫𑁯. 𑀲𑀳𑁂𑀢𑀼𑀓𑀓𑀣𑀸𑀬𑀫𑁆𑀧𑀺 𑀇𑀫𑀺𑀦𑀸𑀯 𑀦𑀬𑁂𑀦 𑀅𑀢𑁆𑀣𑁄 𑀯𑁂𑀤𑀺𑀢𑀩𑁆𑀩𑁄𑀢𑀺.

𑀭𑀽𑀧𑀁 𑀲𑀳𑁂𑀢𑀼𑀓𑀦𑁆𑀢𑀺𑀓𑀣𑀸𑀯𑀡𑁆𑀡𑀦𑀸.