𑁫. 𑀅𑀜𑁆𑀜𑁄 𑀅𑀦𑀼𑀲𑀬𑁄𑀢𑀺𑀓𑀣𑀸𑀯𑀡𑁆𑀡𑀦𑀸

𑁭𑁦𑁦-𑁭𑁦𑁧. 𑀇𑀤𑀸𑀦𑀺 𑀅𑀜𑁆𑀜𑁄 𑀅𑀦𑀼𑀲𑀬𑁄𑀢𑀺𑀓𑀣𑀸 𑀦𑀸𑀫 𑀳𑁄𑀢𑀺. 𑀢𑀢𑁆𑀣 𑀬𑀲𑁆𑀫𑀸 𑀧𑀼𑀣𑀼𑀚𑁆𑀚𑀦𑁄 𑀓𑀼𑀲𑀮𑀸𑀩𑁆𑀬𑀸𑀓𑀢𑁂 𑀘𑀺𑀢𑁆𑀢𑁂 𑀯𑀢𑁆𑀢𑀫𑀸𑀦𑁂 𑀲𑀸𑀦𑀼𑀲𑀬𑁄𑀢𑀺 𑀯𑀢𑁆𑀢𑀩𑁆𑀩𑁄, 𑀦 𑀧𑀭𑀺𑀬𑀼𑀝𑁆𑀞𑀺𑀢𑁄𑀢𑀺 𑀢𑀲𑁆𑀫𑀸 𑀅𑀜𑁆𑀜𑁄 𑀅𑀦𑀼𑀲𑀬𑁄, 𑀅𑀜𑁆𑀜𑀁 𑀧𑀭𑀺𑀬𑀼𑀝𑁆𑀞𑀸𑀦𑀦𑁆𑀢𑀺 𑀬𑁂𑀲𑀁 𑀮𑀤𑁆𑀥𑀺, 𑀲𑁂𑀬𑁆𑀬𑀣𑀸𑀧𑀺 𑀅𑀦𑁆𑀥𑀓𑀸𑀦𑀁; 𑀢𑁂 𑀲𑀦𑁆𑀥𑀸𑀬 𑀅𑀜𑁆𑀜𑁄 𑀓𑀸𑀫𑀭𑀸𑀕𑀸𑀦𑀼𑀲𑀬𑁄𑀢𑀺 𑀧𑀼𑀘𑁆𑀙𑀸 𑀲𑀓𑀯𑀸𑀤𑀺𑀲𑁆𑀲 𑀧𑀝𑀺𑀜𑁆𑀜𑀸 𑀇𑀢𑀭𑀲𑁆𑀲. 𑀲𑁂𑀲𑀁 𑀳𑁂𑀝𑁆𑀞𑀸 𑀅𑀦𑀼𑀲𑀬𑀓𑀣𑀸𑀬𑀁 𑀯𑀼𑀢𑁆𑀢𑀦𑀬𑁂𑀦𑁂𑀯 𑀯𑁂𑀤𑀺𑀢𑀩𑁆𑀩𑀁. 𑀲𑀸𑀦𑀼𑀲𑀬𑁄𑀢𑀺𑀆𑀤𑀺 𑀧𑀦 𑀢𑀲𑁆𑀫𑀺𑀁 𑀲𑀫𑀬𑁂 𑀅𑀦𑀼𑀲𑀬𑀲𑁆𑀲 𑀅𑀧𑁆𑀧𑀳𑀻𑀦𑀢𑁆𑀢𑀸 𑀲𑀸𑀦𑀼𑀲𑀬𑁄𑀢𑀺 𑀯𑀢𑁆𑀢𑀩𑁆𑀩𑀢𑀁, 𑀅𑀦𑀼𑀧𑁆𑀧𑀦𑁆𑀦𑀢𑁆𑀢𑀸 𑀘 𑀧𑀭𑀺𑀬𑀼𑀝𑁆𑀞𑀺𑀢𑁄𑀢𑀺 𑀅𑀯𑀢𑁆𑀢𑀩𑁆𑀩𑀢𑀁 𑀤𑀻𑀧𑁂𑀢𑀺, 𑀦 𑀅𑀦𑀼𑀲𑀬𑀧𑀭𑀺𑀬𑀼𑀝𑁆𑀞𑀸𑀦𑀸𑀦𑀁 𑀅𑀜𑁆𑀜𑀢𑁆𑀢𑀁, 𑀢𑀲𑁆𑀫𑀸 𑀅𑀲𑀸𑀥𑀓𑀦𑁆𑀢𑀺.

𑀅𑀜𑁆𑀜𑁄 𑀅𑀦𑀼𑀲𑀬𑁄𑀢𑀺𑀓𑀣𑀸𑀯𑀡𑁆𑀡𑀦𑀸.