𑁧-𑁩. 𑀢𑀺𑀲𑁆𑀲𑁄𑀧𑀺 𑀅𑀦𑀼𑀲𑀬𑀓𑀣𑀸𑀯𑀡𑁆𑀡𑀦𑀸

𑁬𑁦𑁫-𑁬𑁧𑁩. 𑀇𑀤𑀸𑀦𑀺 𑀅𑀦𑀼𑀲𑀬𑀸 𑀅𑀩𑁆𑀬𑀸𑀓𑀢𑀸, 𑀅𑀳𑁂𑀢𑀼𑀓𑀸, 𑀘𑀺𑀢𑁆𑀢𑀯𑀺𑀧𑁆𑀧𑀬𑀼𑀢𑁆𑀢𑀸𑀢𑀺 𑀢𑀺𑀲𑁆𑀲𑁄𑀧𑀺 𑀅𑀦𑀼𑀲𑀬𑀓𑀣𑀸 𑀦𑀸𑀫 𑀳𑁄𑀦𑁆𑀢𑀺. 𑀢𑀢𑁆𑀣 𑀬𑀲𑁆𑀫𑀸 𑀧𑀼𑀣𑀼𑀚𑁆𑀚𑀦𑁄 𑀓𑀼𑀲𑀮𑀸𑀩𑁆𑀬𑀸𑀓𑀢𑁂 𑀘𑀺𑀢𑁆𑀢𑁂 𑀯𑀢𑁆𑀢𑀫𑀸𑀦𑁂 ‘‘𑀲𑀸𑀦𑀼𑀲𑀬𑁄’’𑀢𑀺 𑀯𑀢𑁆𑀢𑀩𑁆𑀩𑁄, 𑀬𑁄 𑀘𑀲𑁆𑀲 𑀢𑀲𑁆𑀫𑀺𑀁 𑀔𑀡𑁂 𑀳𑁂𑀢𑀼, 𑀦 𑀢𑁂𑀦 𑀳𑁂𑀢𑀼𑀦𑀸 𑀅𑀦𑀼𑀲𑀬𑀸 𑀲𑀳𑁂𑀢𑀼𑀓𑀸, 𑀦 𑀢𑁂𑀦 𑀘𑀺𑀢𑁆𑀢𑁂𑀦 𑀲𑀫𑁆𑀧𑀬𑀼𑀢𑁆𑀢𑀸, 𑀢𑀲𑁆𑀫𑀸 ‘‘𑀢𑁂 𑀅𑀩𑁆𑀬𑀸𑀓𑀢𑀸, 𑀅𑀳𑁂𑀢𑀼𑀓𑀸, 𑀘𑀺𑀢𑁆𑀢𑀯𑀺𑀧𑁆𑀧𑀬𑀼𑀢𑁆𑀢𑀸’’𑀢𑀺 𑀬𑁂𑀲𑀁 𑀮𑀤𑁆𑀥𑀺, 𑀲𑁂𑀬𑁆𑀬𑀣𑀸𑀧𑀺 𑀫𑀳𑀸𑀲𑀁𑀖𑀺𑀓𑀸𑀦𑀜𑁆𑀘𑁂𑀯 𑀲𑀫𑁆𑀫𑀺𑀢𑀺𑀬𑀸𑀦𑀜𑁆𑀘; 𑀢𑁂 𑀲𑀦𑁆𑀥𑀸𑀬 𑀢𑀻𑀲𑀼𑀧𑀺 𑀓𑀣𑀸𑀲𑀼 𑀧𑀼𑀘𑁆𑀙𑀸 𑀲𑀓𑀯𑀸𑀤𑀺𑀲𑁆𑀲, 𑀧𑀝𑀺𑀜𑁆𑀜𑀸 𑀇𑀢𑀭𑀲𑁆𑀲. 𑀲𑁂𑀲𑀁 𑀳𑁂𑀝𑁆𑀞𑀸 𑀯𑀼𑀢𑁆𑀢𑀦𑀬𑀢𑁆𑀢𑀸 𑀲𑀓𑁆𑀓𑀸 𑀧𑀸𑀴𑀺𑀫𑀕𑁆𑀕𑁂𑀦𑁂𑀯 𑀚𑀸𑀦𑀺𑀢𑀼𑀦𑁆𑀢𑀺, 𑀢𑀲𑁆𑀫𑀸 𑀦 𑀯𑀺𑀢𑁆𑀣𑀸𑀭𑀺𑀢𑀦𑁆𑀢𑀺.

𑀢𑀺𑀲𑁆𑀲𑁄𑀧𑀺 𑀅𑀦𑀼𑀲𑀬𑀓𑀣𑀸𑀯𑀡𑁆𑀡𑀦𑀸.