𑁭. 𑀲𑀻𑀮𑀁 𑀅𑀘𑁂𑀢𑀲𑀺𑀓𑀦𑁆𑀢𑀺𑀓𑀣𑀸𑀯𑀡𑁆𑀡𑀦𑀸

𑁫𑁯𑁦-𑁫𑁯𑁪. 𑀇𑀤𑀸𑀦𑀺 𑀲𑀻𑀮𑀁 𑀅𑀘𑁂𑀢𑀲𑀺𑀓𑀦𑁆𑀢𑀺𑀓𑀣𑀸 𑀦𑀸𑀫 𑀳𑁄𑀢𑀺. 𑀢𑀢𑁆𑀣 𑀬𑀲𑁆𑀫𑀸 𑀲𑀻𑀮𑁂 𑀉𑀧𑁆𑀧𑀚𑁆𑀚𑀺𑀢𑁆𑀯𑀸 𑀦𑀺𑀭𑀼𑀤𑁆𑀥𑁂𑀧𑀺 𑀲𑀫𑀸𑀤𑀸𑀦𑀳𑁂𑀢𑀼𑀓𑁄 𑀲𑀻𑀮𑁄𑀧𑀘𑀬𑁄 𑀦𑀸𑀫 𑀅𑀢𑁆𑀣𑀺, 𑀬𑁂𑀦 𑀲𑁄 𑀲𑀻𑀮𑀯𑀸𑀬𑁂𑀯 𑀦𑀸𑀫 𑀳𑁄𑀢𑀺, 𑀢𑀲𑁆𑀫𑀸 ‘‘𑀲𑀻𑀮𑀁 𑀅𑀘𑁂𑀢𑀲𑀺𑀓’’𑀦𑁆𑀢𑀺 𑀬𑁂𑀲𑀁 𑀮𑀤𑁆𑀥𑀺, 𑀲𑁂𑀬𑁆𑀬𑀣𑀸𑀧𑀺 𑀫𑀳𑀸𑀲𑀁𑀖𑀺𑀓𑀸𑀦𑀁, 𑀢𑁂 𑀲𑀦𑁆𑀥𑀸𑀬 𑀧𑀼𑀘𑁆𑀙𑀸 𑀲𑀓𑀯𑀸𑀤𑀺𑀲𑁆𑀲, 𑀧𑀝𑀺𑀜𑁆𑀜𑀸 𑀇𑀢𑀭𑀲𑁆𑀲. 𑀲𑁂𑀲𑀫𑁂𑀢𑁆𑀣 ‘‘𑀤𑀸𑀦𑀁 𑀅𑀘𑁂𑀢𑀲𑀺𑀓’’𑀦𑁆𑀢𑀺𑀓𑀣𑀸𑀬𑀁 𑀯𑀼𑀢𑁆𑀢𑀦𑀬𑁂𑀦𑁂𑀯 𑀯𑁂𑀤𑀺𑀢𑀩𑁆𑀩𑀁. 𑀮𑀤𑁆𑀥𑀺𑀧𑀢𑀺𑀝𑁆𑀞𑀸𑀧𑀦𑀫𑁆𑀧𑀺 𑀅𑀬𑁄𑀦𑀺𑀲𑁄 𑀕𑀳𑀺𑀢𑀢𑁆𑀢𑀸 𑀅𑀧𑁆𑀧𑀢𑀺𑀝𑁆𑀞𑀸𑀧𑀦𑀫𑁂𑀯𑀸𑀢𑀺.

𑀲𑀻𑀮𑀁 𑀅𑀘𑁂𑀢𑀲𑀺𑀓𑀦𑁆𑀢𑀺𑀓𑀣𑀸𑀯𑀡𑁆𑀡𑀦𑀸.