𑁧𑁧. 𑀓𑀫𑁆𑀫𑀳𑁂𑀢𑀼𑀓𑀣𑀸𑀯𑀡𑁆𑀡𑀦𑀸

𑁫𑁪𑁬. 𑀇𑀤𑀸𑀦𑀺 𑀓𑀫𑁆𑀫𑀳𑁂𑀢𑀼𑀓𑀣𑀸 𑀦𑀸𑀫 𑀳𑁄𑀢𑀺. 𑀢𑀢𑁆𑀣 𑀬𑁂𑀦 𑀅𑀭𑀳𑀢𑀸 𑀧𑀼𑀭𑀺𑀫𑀪𑀯𑁂 𑀅𑀭𑀳𑀸 𑀅𑀩𑁆𑀪𑀸𑀘𑀺𑀓𑁆𑀔𑀺𑀢𑀧𑀼𑀩𑁆𑀩𑁄, 𑀲𑁄 𑀢𑀲𑁆𑀲 𑀓𑀫𑁆𑀫𑀲𑁆𑀲 𑀳𑁂𑀢𑀼 𑀅𑀭𑀳𑀢𑁆𑀢𑀸 𑀧𑀭𑀺𑀳𑀸𑀬𑀢𑀻𑀢𑀺 𑀬𑁂𑀲𑀁 𑀮𑀤𑁆𑀥𑀺, 𑀲𑁂𑀬𑁆𑀬𑀣𑀸𑀧𑀺 𑀧𑀼𑀩𑁆𑀩𑀲𑁂𑀮𑀺𑀬𑀸𑀦𑀜𑁆𑀘𑁂𑀯 𑀲𑀫𑁆𑀫𑀺𑀢𑀺𑀬𑀸𑀦𑀜𑁆𑀘; 𑀢𑁂 𑀲𑀦𑁆𑀥𑀸𑀬 𑀓𑀫𑁆𑀫𑀳𑁂𑀢𑀽𑀢𑀺 𑀧𑀼𑀘𑁆𑀙𑀸 𑀲𑀓𑀯𑀸𑀤𑀺𑀲𑁆𑀲, 𑀧𑀝𑀺𑀜𑁆𑀜𑀸 𑀇𑀢𑀭𑀲𑁆𑀲. 𑀲𑁂𑀲𑀁 𑀧𑀭𑀺𑀳𑀸𑀦𑀺𑀓𑀣𑀸𑀬𑀁 𑀯𑀼𑀢𑁆𑀢𑀦𑀬𑀫𑁂𑀯.

𑀳𑀦𑁆𑀤 𑀳𑀺 𑀅𑀭𑀳𑀦𑁆𑀢𑀸𑀦𑀁 𑀅𑀩𑁆𑀪𑀸𑀘𑀺𑀓𑁆𑀔𑀢𑀻𑀢𑀺 𑀇𑀤𑀁 𑀬𑀲𑁆𑀲 𑀓𑀫𑁆𑀫𑀲𑁆𑀲 𑀳𑁂𑀢𑀼 𑀧𑀭𑀺𑀳𑀸𑀬𑀢𑀺, 𑀢𑀁 𑀲𑀫𑁆𑀧𑀝𑀺𑀘𑁆𑀙𑀸𑀧𑁂𑀢𑀼𑀁 𑀯𑀤𑀢𑀺. 𑀅𑀣 𑀦𑀁 𑀲𑀓𑀯𑀸𑀤𑀻 𑀢𑀁 𑀧𑀓𑁆𑀔𑀁 𑀧𑀝𑀺𑀚𑀸𑀦𑀸𑀧𑁂𑀢𑁆𑀯𑀸 ‘‘𑀬𑀤𑀺 𑀏𑀯𑀁 𑀬𑁂𑀳𑀺 𑀅𑀭𑀳𑀦𑁆𑀢𑁄 𑀦 𑀅𑀩𑁆𑀪𑀸𑀘𑀺𑀓𑁆𑀔𑀺𑀢𑀧𑀼𑀩𑁆𑀩𑀸, 𑀢𑁂 𑀲𑀩𑁆𑀩𑁂 𑀅𑀭𑀳𑀢𑁆𑀢𑀁 𑀧𑀸𑀧𑀼𑀡𑁂𑀬𑁆𑀬𑀼’’𑀦𑁆𑀢𑀺 𑀘𑁄𑀤𑁂𑀢𑀼𑀁 𑀬𑁂 𑀓𑁂𑀘𑀻𑀢𑀺𑀆𑀤𑀺𑀫𑀸𑀳. 𑀇𑀢𑀭𑁄 𑀢𑀲𑁆𑀲 𑀓𑀫𑁆𑀫𑀲𑁆𑀲 𑀅𑀭𑀳𑀢𑁆𑀢𑀁 𑀲𑀫𑁆𑀧𑀸𑀧𑀼𑀡𑀦𑁂 𑀦𑀺𑀬𑀸𑀫𑀁 𑀅𑀧𑀲𑁆𑀲𑀦𑁆𑀢𑁄 𑀧𑀝𑀺𑀓𑁆𑀔𑀺𑀧𑀢𑀺.

𑀓𑀫𑁆𑀫𑀳𑁂𑀢𑀼𑀓𑀣𑀸𑀯𑀡𑁆𑀡𑀦𑀸.

𑀅𑀝𑁆𑀞𑀫𑁄 𑀯𑀕𑁆𑀕𑁄.