𑁧𑁦. 𑀧𑀣𑀯𑀻𑀥𑀸𑀢𑀼𑀲𑀦𑀺𑀤𑀲𑁆𑀲𑀦𑀸𑀢𑀺𑀆𑀤𑀺𑀓𑀣𑀸𑀯𑀡𑁆𑀡𑀦𑀸

𑁪𑁬𑁫-𑁪𑁭𑁦. 𑀇𑀤𑀸𑀦𑀺 𑀧𑀣𑀯𑀻𑀥𑀸𑀢𑀼 𑀲𑀦𑀺𑀤𑀲𑁆𑀲𑀦𑀸𑀢𑀺𑀆𑀤𑀺𑀓𑀣𑀸 𑀦𑀸𑀫 𑀳𑁄𑀢𑀺. 𑀢𑀢𑁆𑀣 𑀬𑁂𑀲𑀁 𑀧𑀸𑀲𑀸𑀡𑀉𑀤𑀓𑀚𑀸𑀮𑀭𑀼𑀓𑁆𑀔𑀘𑀮𑀦𑀸𑀦𑀜𑁆𑀘𑁂𑀯 𑀧𑀜𑁆𑀘𑀺𑀦𑁆𑀤𑁆𑀭𑀺𑀬𑀧𑀢𑀺𑀝𑁆𑀞𑁄𑀓𑀸𑀲𑀸𑀦𑀜𑁆𑀘 𑀯𑀡𑁆𑀡𑀸𑀬𑀢𑀦𑀁 𑀓𑀸𑀬𑀯𑀺𑀜𑁆𑀜𑀢𑁆𑀢𑀺𑀓𑀸𑀮𑁂 𑀳𑀢𑁆𑀣𑀧𑀸𑀤𑀸𑀤𑀺𑀭𑀽𑀧𑀜𑁆𑀘 𑀤𑀺𑀲𑁆𑀯𑀸 ‘‘𑀧𑀣𑀯𑀻𑀥𑀸𑀢𑀼𑀆𑀤𑀬𑁄 𑀲𑀦𑀺𑀤𑀲𑁆𑀲𑀦𑀸’’𑀢𑀺 𑀮𑀤𑁆𑀥𑀺, 𑀲𑁂𑀬𑁆𑀬𑀣𑀸𑀧𑀺 𑀅𑀦𑁆𑀥𑀓𑀸𑀦𑀁; 𑀢𑁂 𑀲𑀦𑁆𑀥𑀸𑀬 𑀲𑀩𑁆𑀩𑀓𑀣𑀸𑀲𑀼 𑀆𑀤𑀺𑀧𑀼𑀘𑁆𑀙𑀸 𑀲𑀓𑀯𑀸𑀤𑀺𑀲𑁆𑀲, 𑀧𑀝𑀺𑀜𑁆𑀜𑀸 𑀇𑀢𑀭𑀲𑁆𑀲. 𑀲𑁂𑀲𑀁 𑀲𑀩𑁆𑀩𑀢𑁆𑀣 𑀧𑀸𑀴𑀺𑀅𑀦𑀼𑀲𑀸𑀭𑁂𑀦 𑀘𑁂𑀯 𑀳𑁂𑀝𑁆𑀞𑀸 𑀯𑀼𑀢𑁆𑀢𑀦𑀬𑁂𑀦 𑀘 𑀯𑁂𑀤𑀺𑀢𑀩𑁆𑀩𑀦𑁆𑀢𑀺. 𑀧𑀣𑀯𑀻𑀥𑀸𑀢𑀼 𑀲𑀦𑀺𑀤𑀲𑁆𑀲𑀦𑀸𑀢𑀺 𑀆𑀤𑀺𑀁 𑀓𑀢𑁆𑀯𑀸 𑀓𑀸𑀬𑀓𑀫𑁆𑀫𑀁 𑀲𑀦𑀺𑀤𑀲𑁆𑀲𑀦𑀦𑁆𑀢𑀺 𑀧𑀭𑀺𑀬𑁄𑀲𑀸𑀦𑀓𑀣𑀸 𑀦𑀺𑀝𑁆𑀞𑀺𑀢𑀸.

𑀙𑀝𑁆𑀞𑁄 𑀯𑀕𑁆𑀕𑁄.