𑁧𑁦. 𑀲𑀩𑁆𑀩𑀲𑀁𑀬𑁄𑀚𑀦𑀧𑁆𑀧𑀳𑀸𑀦𑀓𑀣𑀸𑀯𑀡𑁆𑀡𑀦𑀸

𑁪𑁧𑁩. 𑀇𑀤𑀸𑀦𑀺 𑀲𑀁𑀬𑁄𑀚𑀦𑀧𑁆𑀧𑀳𑀸𑀦𑀓𑀣𑀸 𑀦𑀸𑀫 𑀳𑁄𑀢𑀺. 𑀢𑀢𑁆𑀣 𑀬𑁂𑀲𑀁 ‘‘𑀦𑀺𑀧𑁆𑀧𑀭𑀺𑀬𑀸𑀬𑁂𑀦𑁂𑀯 𑀲𑀩𑁆𑀩𑀲𑀁𑀬𑁄𑀚𑀦𑀧𑁆𑀧𑀳𑀸𑀦𑀁 𑀅𑀭𑀳𑀢𑁆𑀢’’𑀦𑁆𑀢𑀺 𑀮𑀤𑁆𑀥𑀺, 𑀲𑁂𑀬𑁆𑀬𑀣𑀸𑀧𑀺 𑀏𑀢𑀭𑀳𑀺 𑀅𑀦𑁆𑀥𑀓𑀸𑀦𑀁; 𑀢𑁂 𑀲𑀦𑁆𑀥𑀸𑀬 𑀧𑀼𑀘𑁆𑀙𑀸 𑀲𑀓𑀯𑀸𑀤𑀺𑀲𑁆𑀲, 𑀧𑀝𑀺𑀜𑁆𑀜𑀸 𑀇𑀢𑀭𑀲𑁆𑀲. 𑀧𑀼𑀦 𑀲𑀩𑁆𑀩𑁂 𑀲𑀁𑀬𑁄𑀚𑀦𑀸𑀢𑀺 𑀧𑀼𑀝𑁆𑀞𑁄 𑀳𑁂𑀝𑁆𑀞𑀸 𑀯𑀼𑀢𑁆𑀢𑀫𑀕𑁆𑀕𑀢𑁆𑀢𑀬𑁂𑀦 𑀧𑀳𑀻𑀦𑁂 𑀲𑀦𑁆𑀥𑀸𑀬 𑀧𑀝𑀺𑀓𑁆𑀔𑀺𑀧𑀢𑀺. 𑀤𑀼𑀢𑀺𑀬𑀁 𑀧𑀼𑀝𑁆𑀞𑁄 𑀢𑁂𑀦 𑀫𑀕𑁆𑀕𑁂𑀦 𑀅𑀧𑁆𑀧𑀳𑀻𑀦𑀲𑁆𑀲 𑀅𑀪𑀸𑀯𑀸 𑀧𑀝𑀺𑀚𑀸𑀦𑀸𑀢𑀺. 𑀲𑀓𑁆𑀓𑀸𑀬𑀤𑀺𑀝𑁆𑀞𑀺𑀆𑀤𑀻𑀲𑀼𑀧𑀺 𑀧𑀞𑀫𑀫𑀕𑁆𑀕𑁂𑀦 𑀧𑀳𑀻𑀦𑀪𑀸𑀯𑀁 𑀲𑀦𑁆𑀥𑀸𑀬 𑀧𑀝𑀺𑀓𑁆𑀔𑀺𑀧𑀢𑀺, 𑀘𑀢𑀼𑀢𑁆𑀣𑀫𑀕𑁆𑀕𑁂𑀦 𑀅𑀦𑀯𑀲𑁂𑀲𑀧𑁆𑀧𑀳𑀸𑀦𑀁 𑀲𑀦𑁆𑀥𑀸𑀬 𑀧𑀝𑀺𑀚𑀸𑀦𑀸𑀢𑀺. 𑀏𑀲𑁂𑀯 𑀦𑀬𑁄 𑀲𑀩𑁆𑀩𑀢𑁆𑀣𑀸𑀢𑀺.

𑀲𑀩𑁆𑀩𑀲𑀁𑀬𑁄𑀚𑀦𑀧𑁆𑀧𑀳𑀸𑀦𑀓𑀣𑀸𑀯𑀡𑁆𑀡𑀦𑀸.

𑀘𑀢𑀼𑀢𑁆𑀣𑁄 𑀯𑀕𑁆𑀕𑁄.