𑁭-𑁮. 𑀓𑀼𑀮𑀲𑀼𑀢𑁆𑀢𑀸𑀤𑀺𑀯𑀡𑁆𑀡𑀦𑀸

𑁧𑁭-𑁧𑁮. 𑀲𑀢𑁆𑀢𑀫𑁂 𑀦 𑀫𑀦𑀸𑀧𑁂𑀦 𑀧𑀘𑁆𑀘𑀼𑀝𑁆𑀞𑁂𑀦𑁆𑀢𑀻𑀢𑀺 𑀫𑀦𑀯𑀟𑁆𑀠𑀦𑁂𑀦 𑀫𑀦𑀁 𑀅𑀮𑁆𑀮𑀻𑀬𑀦𑀸𑀓𑀸𑀭𑁂𑀦 𑀆𑀲𑀦𑀸 𑀯𑀼𑀝𑁆𑀞𑀸𑀬 𑀧𑀘𑁆𑀘𑀼𑀕𑁆𑀕𑀫𑀦𑀁 𑀦 𑀓𑀭𑁄𑀦𑁆𑀢𑀺. 𑀦 𑀫𑀦𑀸𑀧𑁂𑀦 𑀅𑀪𑀺𑀯𑀸𑀤𑁂𑀦𑁆𑀢𑀻𑀢𑀺 𑀦 𑀧𑀜𑁆𑀘𑀧𑀢𑀺𑀝𑁆𑀞𑀺𑀢𑁂𑀦 𑀯𑀦𑁆𑀤𑀦𑁆𑀢𑀺. 𑀅𑀲𑀓𑁆𑀓𑀘𑁆𑀘𑀁 𑀤𑁂𑀦𑁆𑀢𑀻𑀢𑀺 𑀅𑀘𑀺𑀢𑁆𑀢𑀻𑀓𑀸𑀭𑁂𑀦 𑀤𑁂𑀦𑁆𑀢𑀺. 𑀦𑁄 𑀲𑀓𑁆𑀓𑀘𑁆𑀘𑀦𑁆𑀢𑀺 𑀲𑀳𑀢𑁆𑀣𑀸 𑀦 𑀤𑁂𑀦𑁆𑀢𑀺. 𑀦 𑀉𑀧𑀦𑀺𑀲𑀻𑀤𑀦𑁆𑀢𑀺 𑀥𑀫𑁆𑀫𑀲𑀯𑀦𑀸𑀬𑀸𑀢𑀺 ‘‘𑀥𑀫𑁆𑀫𑀁 𑀲𑀼𑀡𑀺𑀲𑁆𑀲𑀸𑀫𑀸’’𑀢𑀺 𑀦 𑀲𑀫𑀻𑀧𑁂 𑀦𑀺𑀲𑀻𑀤𑀦𑁆𑀢𑀺. 𑀦 𑀲𑀼𑀲𑁆𑀲𑀽𑀲𑀦𑁆𑀢𑀻𑀢𑀺 𑀖𑀝𑀧𑀺𑀝𑁆𑀞𑁂 𑀆𑀲𑀺𑀢𑁆𑀢𑀉𑀤𑀓𑀁 𑀯𑀺𑀬 𑀯𑀺𑀯𑀝𑁆𑀝𑁂𑀢𑁆𑀯𑀸 𑀕𑀘𑁆𑀙𑀢𑀺. 𑀅𑀝𑁆𑀞𑀫𑁂 𑀯𑁂𑀦𑁂𑀬𑁆𑀬𑀚𑁆𑀛𑀸𑀲𑀬𑀯𑀲𑁂𑀦 𑀫𑁂𑀢𑁆𑀢𑀸𑀪𑀸𑀯𑀦𑀁 𑀧𑀓𑁆𑀔𑀺𑀧𑀺𑀢𑁆𑀯𑀸 𑀦𑀯𑀗𑁆𑀕𑀲𑀫𑀦𑁆𑀦𑀸𑀕𑀢𑁄𑀢𑀺 𑀯𑀼𑀢𑁆𑀢𑀁.