𑁫. 𑀫𑀮𑀲𑀼𑀢𑁆𑀢𑀯𑀡𑁆𑀡𑀦𑀸

𑁧𑁫. 𑀧𑀜𑁆𑀘𑀫𑁂 𑀅𑀲𑀚𑁆𑀛𑀸𑀬𑀫𑀮𑀸𑀢𑀺 𑀉𑀕𑁆𑀕𑀳𑀺𑀢𑀫𑀦𑁆𑀢𑀸𑀦𑀁 𑀅𑀲𑀚𑁆𑀛𑀸𑀬𑀓𑀭𑀡𑀁 𑀫𑀮𑀁 𑀦𑀸𑀫 𑀳𑁄𑀢𑀺. 𑀅𑀦𑀼𑀝𑁆𑀞𑀸𑀦𑀫𑀮𑀸 𑀖𑀭𑀸𑀢𑀺 𑀉𑀝𑁆𑀞𑀸𑀦𑀯𑀻𑀭𑀺𑀬𑀸𑀪𑀸𑀯𑁄 𑀖𑀭𑀸𑀦𑀁 𑀫𑀮𑀁 𑀦𑀸𑀫. 𑀯𑀡𑁆𑀡𑀲𑁆𑀲𑀸𑀢𑀺 𑀲𑀭𑀻𑀭𑀯𑀡𑁆𑀡𑀲𑁆𑀲. 𑀭𑀓𑁆𑀔𑀢𑁄𑀢𑀺 𑀬𑀁𑀓𑀺𑀜𑁆𑀘𑀺 𑀅𑀢𑁆𑀢𑀦𑁄 𑀲𑀦𑁆𑀢𑀓𑀁 𑀭𑀓𑁆𑀔𑀦𑁆𑀢𑀲𑁆𑀲. 𑀅𑀯𑀺𑀚𑁆𑀚𑀸 𑀧𑀭𑀫𑀁 𑀫𑀮𑀦𑁆𑀢𑀺 𑀢𑀢𑁄 𑀲𑁂𑀲𑀸𑀓𑀼𑀲𑀮𑀥𑀫𑁆𑀫𑀫𑀮𑀢𑁄 𑀅𑀝𑁆𑀞𑀲𑀼 𑀞𑀸𑀦𑁂𑀲𑀼 𑀅𑀜𑁆𑀜𑀸𑀡𑀪𑀽𑀢𑀸 𑀯𑀝𑁆𑀝𑀫𑀽𑀮𑀲𑀗𑁆𑀔𑀸𑀢𑀸 𑀩𑀳𑀮𑀦𑁆𑀥𑀓𑀸𑀭𑀅𑀯𑀺𑀚𑁆𑀚𑀸 𑀧𑀭𑀫𑀁 𑀫𑀮𑀁. 𑀢𑀢𑁄 𑀳𑀺 𑀫𑀮𑀢𑀭𑀁 𑀦𑀸𑀫 𑀦𑀢𑁆𑀣𑀺. 𑀇𑀫𑀲𑁆𑀫𑀺𑀫𑁆𑀧𑀺 𑀲𑀼𑀢𑁆𑀢𑁂 𑀯𑀝𑁆𑀝𑀫𑁂𑀯 𑀓𑀣𑀺𑀢𑀁.