𑁧𑁦. 𑀉𑀧𑁄𑀲𑀣𑀲𑀼𑀢𑁆𑀢𑀯𑀡𑁆𑀡𑀦𑀸

𑁨𑁦. 𑀤𑀲𑀫𑁂 𑀦𑀺𑀲𑀺𑀦𑁆𑀦𑁄 𑀳𑁄𑀢𑀻𑀢𑀺 𑀉𑀧𑁄𑀲𑀣𑀓𑀭𑀡𑀢𑁆𑀣𑀸𑀬 𑀉𑀧𑀸𑀲𑀺𑀓𑀸𑀬 𑀭𑀢𑀦𑀧𑀸𑀲𑀸𑀤𑁂 𑀦𑀺𑀲𑀺𑀦𑁆𑀦𑁄. 𑀦𑀺𑀲𑀚𑁆𑀚 𑀧𑀦 𑀪𑀺𑀓𑁆𑀔𑀽𑀦𑀁 𑀘𑀺𑀢𑁆𑀢𑀸𑀦𑀺 𑀑𑀮𑁄𑀓𑁂𑀦𑁆𑀢𑁄 𑀏𑀓𑀁 𑀤𑀼𑀲𑁆𑀲𑀻𑀮𑀧𑀼𑀕𑁆𑀕𑀮𑀁 𑀤𑀺𑀲𑁆𑀯𑀸 ‘‘𑀲𑀘𑀸𑀳𑀁 𑀇𑀫𑀲𑁆𑀫𑀺𑀁 𑀧𑀼𑀕𑁆𑀕𑀮𑁂 𑀦𑀺𑀲𑀺𑀦𑁆𑀦𑁂𑀬𑁂𑀯 𑀧𑀸𑀢𑀺𑀫𑁄𑀓𑁆𑀔𑀁 𑀉𑀤𑁆𑀤𑀺𑀲𑀺𑀲𑁆𑀲𑀸𑀫𑀺, 𑀲𑀢𑁆𑀢𑀥𑀸 𑀢𑀲𑁆𑀲 𑀫𑀼𑀤𑁆𑀥𑀸 𑀨𑀮𑀺𑀲𑁆𑀲𑀢𑀻’’𑀢𑀺 𑀢𑀲𑁆𑀲 𑀅𑀦𑀼𑀓𑀫𑁆𑀧𑀸𑀬 𑀢𑀼𑀡𑁆𑀳𑀻𑀬𑁂𑀯 𑀅𑀳𑁄𑀲𑀺. 𑀅𑀪𑀺𑀓𑁆𑀓𑀦𑁆𑀢𑀸𑀢𑀺 𑀅𑀢𑀺𑀓𑁆𑀓𑀦𑁆𑀢𑀸 𑀧𑀭𑀺𑀓𑁆𑀔𑀻𑀡𑀸. 𑀉𑀤𑁆𑀥𑀲𑁆𑀢𑁂 𑀅𑀭𑀼𑀡𑁂𑀢𑀺 𑀉𑀕𑁆𑀕𑀢𑁂 𑀅𑀭𑀼𑀡𑀲𑀻𑀲𑁂. 𑀦𑀦𑁆𑀤𑀺𑀫𑀼𑀔𑀺𑀬𑀸𑀢𑀺 𑀢𑀼𑀝𑁆𑀞𑀫𑀼𑀔𑀺𑀬𑀸. 𑀅𑀧𑀭𑀺𑀲𑀼𑀤𑁆𑀥𑀸, 𑀆𑀦𑀦𑁆𑀤, 𑀧𑀭𑀺𑀲𑀸𑀢𑀺 ‘‘𑀅𑀲𑀼𑀓𑀧𑀼𑀕𑁆𑀕𑀮𑁄 𑀅𑀧𑀭𑀺𑀲𑀼𑀤𑁆𑀥𑁄’’𑀢𑀺 𑀅𑀯𑀢𑁆𑀯𑀸 ‘‘𑀅𑀧𑀭𑀺𑀲𑀼𑀤𑁆𑀥𑀸, 𑀆𑀦𑀦𑁆𑀤, 𑀧𑀭𑀺𑀲𑀸’’𑀢𑀺 𑀆𑀳. 𑀲𑁂𑀲𑀁 𑀲𑀩𑁆𑀩𑀢𑁆𑀣 𑀉𑀢𑁆𑀢𑀸𑀦𑀫𑁂𑀯𑀸𑀢𑀺.

𑀫𑀳𑀸𑀯𑀕𑁆𑀕𑁄 𑀤𑀼𑀢𑀺𑀬𑁄.