𑁮. 𑀲𑀁𑀬𑁄𑀕𑀲𑀼𑀢𑁆𑀢𑀯𑀡𑁆𑀡𑀦𑀸

𑁫𑁧. 𑀅𑀝𑁆𑀞𑀫𑁂 𑀲𑀁𑀬𑁄𑀕𑀯𑀺𑀲𑀁𑀬𑁄𑀕𑀦𑁆𑀢𑀺 𑀲𑀁𑀬𑁄𑀕𑀯𑀺𑀲𑀁𑀬𑁄𑀕𑀲𑀸𑀥𑀓𑀁. 𑀥𑀫𑁆𑀫𑀧𑀭𑀺𑀬𑀸𑀬𑀦𑁆𑀢𑀺 𑀥𑀫𑁆𑀫𑀓𑀸𑀭𑀡𑀁. 𑀅𑀚𑁆𑀛𑀢𑁆𑀢𑀁 𑀇𑀢𑁆𑀣𑀺𑀦𑁆𑀤𑁆𑀭𑀺𑀬𑀦𑁆𑀢𑀺 𑀦𑀺𑀬𑀓𑀚𑁆𑀛𑀢𑁆𑀢𑁂 𑀇𑀢𑁆𑀣𑀺𑀪𑀸𑀯𑀁. 𑀇𑀢𑁆𑀣𑀺𑀓𑀼𑀢𑁆𑀢𑀦𑁆𑀢𑀺 𑀇𑀢𑁆𑀣𑀺𑀓𑀺𑀭𑀺𑀬𑀁. 𑀇𑀢𑁆𑀣𑀸𑀓𑀧𑁆𑀧𑀦𑁆𑀢𑀺 𑀦𑀺𑀯𑀸𑀲𑀦𑀧𑀸𑀭𑀼𑀧𑀦𑀸𑀤𑀺𑀇𑀢𑁆𑀣𑀺𑀆𑀓𑀧𑁆𑀧𑀁. 𑀇𑀢𑁆𑀣𑀺𑀯𑀺𑀥𑀦𑁆𑀢𑀺 𑀇𑀢𑁆𑀣𑀺𑀬𑀸 𑀫𑀸𑀦𑀯𑀺𑀥𑀁. 𑀇𑀢𑁆𑀣𑀺𑀙𑀦𑁆𑀤𑀦𑁆𑀢𑀺 𑀇𑀢𑁆𑀣𑀺𑀬𑀸 𑀅𑀚𑁆𑀛𑀸𑀲𑀬𑀘𑁆𑀙𑀦𑁆𑀤𑀁. 𑀇𑀢𑁆𑀣𑀺𑀲𑁆𑀲𑀭𑀦𑁆𑀢𑀺 𑀇𑀢𑁆𑀣𑀺𑀲𑀤𑁆𑀤𑀁. 𑀇𑀢𑁆𑀣𑀸𑀮𑀗𑁆𑀓𑀸𑀭𑀦𑁆𑀢𑀺 𑀇𑀢𑁆𑀣𑀺𑀬𑀸 𑀧𑀲𑀸𑀥𑀦𑀪𑀡𑁆𑀟𑀁. 𑀧𑀼𑀭𑀺𑀲𑀺𑀦𑁆𑀤𑁆𑀭𑀺𑀬𑀸𑀤𑀻𑀲𑀼𑀧𑀺 𑀏𑀲𑁂𑀯 𑀦𑀬𑁄. 𑀩𑀳𑀺𑀤𑁆𑀥𑀸 𑀲𑀁𑀬𑁄𑀕𑀦𑁆𑀢𑀺 𑀧𑀼𑀭𑀺𑀲𑁂𑀦 𑀲𑀤𑁆𑀥𑀺𑀁 𑀲𑀫𑀸𑀕𑀫𑀁. 𑀅𑀢𑀺𑀯𑀢𑁆𑀢𑀢𑀻𑀢𑀺 𑀅𑀦𑀪𑀺𑀭𑀢𑀸𑀢𑀺 𑀏𑀯𑀁 𑀯𑀼𑀢𑁆𑀢𑀸𑀬 𑀩𑀮𑀯𑀯𑀺𑀧𑀲𑁆𑀲𑀦𑀸𑀬 𑀅𑀭𑀺𑀬𑀫𑀕𑁆𑀕𑀁 𑀧𑀢𑁆𑀯𑀸 𑀅𑀢𑀺𑀯𑀢𑁆𑀢𑀢𑀺. 𑀇𑀫𑀲𑁆𑀫𑀺𑀁 𑀲𑀼𑀢𑁆𑀢𑁂 𑀯𑀝𑁆𑀝𑀯𑀺𑀯𑀝𑁆𑀝𑀁 𑀓𑀣𑀺𑀢𑀁.