𑁮. 𑀤𑀼𑀢𑀺𑀬𑀲𑀫𑀬𑀲𑀼𑀢𑁆𑀢𑀯𑀡𑁆𑀡𑀦𑀸

𑁨𑁮. 𑀅𑀝𑁆𑀞𑀫𑁂 𑀫𑀡𑁆𑀟𑀮𑀫𑀸𑀴𑁂𑀢𑀺 𑀪𑁄𑀚𑀦𑀲𑀸𑀮𑀸𑀬. 𑀘𑀸𑀭𑀺𑀢𑁆𑀢𑀓𑀺𑀮𑀫𑀣𑁄𑀢𑀺 𑀧𑀺𑀡𑁆𑀟𑀧𑀸𑀢𑀘𑀭𑀺𑀬𑀸𑀬 𑀉𑀧𑁆𑀧𑀦𑁆𑀦𑀓𑀺𑀮𑀫𑀣𑁄. 𑀪𑀢𑁆𑀢𑀓𑀺𑀮𑀫𑀣𑁄𑀢𑀺 𑀪𑀢𑁆𑀢𑀤𑀭𑀣𑁄. 𑀯𑀺𑀳𑀸𑀭𑀧𑀘𑁆𑀙𑀸𑀬𑀸𑀬𑀦𑁆𑀢𑀺 𑀯𑀺𑀳𑀸𑀭𑀧𑀘𑁆𑀘𑀦𑁆𑀢𑁂 𑀙𑀸𑀬𑀸𑀬. 𑀬𑀤𑁂𑀯𑀲𑁆𑀲 𑀤𑀺𑀯𑀸 𑀲𑀫𑀸𑀥𑀺𑀦𑀺𑀫𑀺𑀢𑁆𑀢𑀁 𑀫𑀦𑀲𑀺𑀓𑀢𑀁 𑀳𑁄𑀢𑀻𑀢𑀺 𑀬𑀁 𑀏𑀯 𑀢𑀲𑁆𑀲 𑀢𑀢𑁄 𑀧𑀼𑀭𑀺𑀫𑀤𑀺𑀯𑀲𑀪𑀸𑀕𑁂 𑀲𑀫𑀣𑀦𑀺𑀫𑀺𑀢𑁆𑀢𑀁 𑀘𑀺𑀢𑁆𑀢𑁂 𑀓𑀢𑀁 𑀳𑁄𑀢𑀺. 𑀢𑀤𑁂𑀯𑀲𑁆𑀲 𑀢𑀲𑁆𑀫𑀺𑀁 𑀲𑀫𑀬𑁂 𑀲𑀫𑀼𑀤𑀸𑀘𑀭𑀢𑀻𑀢𑀺 𑀢𑀁𑀬𑁂𑀯 𑀏𑀢𑀲𑁆𑀲 𑀢𑀲𑁆𑀫𑀺𑀁 𑀲𑀫𑀬𑁂 𑀤𑀺𑀯𑀸𑀯𑀺𑀳𑀸𑀭𑁂 𑀦𑀺𑀲𑀺𑀦𑁆𑀦𑀲𑁆𑀲 𑀫𑀦𑁄𑀤𑁆𑀯𑀸𑀭𑁂 𑀲𑀜𑁆𑀘𑀭𑀢𑀺. 𑀑𑀚𑀝𑁆𑀞𑀸𑀬𑀻𑀢𑀺 𑀑𑀚𑀸𑀬 𑀞𑀺𑀢𑁄 𑀧𑀢𑀺𑀝𑁆𑀞𑀺𑀢𑁄. 𑀨𑀸𑀲𑀼𑀓𑀲𑁆𑀲 𑀳𑁄𑀢𑀻𑀢𑀺 𑀨𑀸𑀲𑀼𑀓𑀁 𑀅𑀲𑁆𑀲 𑀳𑁄𑀢𑀺. 𑀲𑀫𑁆𑀫𑀼𑀔𑀸𑀢𑀺 𑀓𑀣𑁂𑀦𑁆𑀢𑀲𑁆𑀲 𑀲𑀫𑁆𑀫𑀼𑀔𑀝𑁆𑀞𑀸𑀦𑁂. 𑀲𑀼𑀢𑀦𑁆𑀢𑀺 𑀲𑁄𑀢𑁂𑀦 𑀲𑀼𑀢𑀁. 𑀧𑀝𑀺𑀕𑁆𑀕𑀳𑀺𑀢𑀦𑁆𑀢𑀺 𑀘𑀺𑀢𑁆𑀢𑁂𑀦 𑀧𑀝𑀺𑀕𑁆𑀕𑀳𑀺𑀢𑀁.