𑁭. 𑀯𑀲𑁆𑀲𑀲𑀼𑀢𑁆𑀢𑀯𑀡𑁆𑀡𑀦𑀸

𑁧𑁯𑁭. 𑀲𑀢𑁆𑀢𑀫𑁂 𑀦𑁂𑀫𑀺𑀢𑁆𑀢𑀸𑀢𑀺 𑀦𑀺𑀫𑀺𑀢𑁆𑀢𑀧𑀸𑀞𑀓𑀸. 𑀢𑁂𑀚𑁄𑀥𑀸𑀢𑀼 𑀧𑀓𑀼𑀧𑁆𑀧𑀢𑀻𑀢𑀺 𑀫𑀳𑀸𑀅𑀕𑁆𑀕𑀺𑀓𑁆𑀔𑀦𑁆𑀥𑁄 𑀉𑀧𑁆𑀧𑀚𑁆𑀚𑀢𑀺. 𑀧𑀸𑀡𑀺𑀦𑀸 𑀉𑀤𑀓𑀁 𑀲𑀫𑁆𑀧𑀝𑀺𑀘𑁆𑀙𑀺𑀢𑁆𑀯𑀸𑀢𑀺 𑀉𑀧𑁆𑀧𑀦𑁆𑀦𑀁 𑀉𑀢𑀼𑀲𑀫𑀼𑀝𑁆𑀞𑀸𑀦𑀁 𑀉𑀤𑀓𑀁 𑀢𑀺𑀬𑁄𑀚𑀦𑀲𑀢𑁂𑀦 𑀳𑀢𑁆𑀣𑁂𑀦 𑀧𑀝𑀺𑀕𑁆𑀕𑀳𑁂𑀢𑁆𑀯𑀸. 𑀧𑀫𑀢𑁆𑀢𑀸 𑀳𑁄𑀦𑁆𑀢𑀻𑀢𑀺 𑀅𑀢𑁆𑀢𑀦𑁄 𑀓𑀻𑀴𑀸𑀬 𑀧𑀫𑀢𑁆𑀢𑀸 𑀳𑁄𑀦𑁆𑀢𑀺 𑀯𑀺𑀧𑁆𑀧𑀯𑀼𑀝𑁆𑀞𑀲𑀢𑀺𑀦𑁄. 𑀢𑁂𑀲𑀜𑁆𑀳𑀺 𑀲𑀓𑀸𑀬 𑀭𑀢𑀺𑀬𑀸 ‘‘𑀭𑀫𑀸𑀫𑀸’’𑀢𑀺 𑀘𑀺𑀢𑁆𑀢𑁂 𑀉𑀧𑁆𑀧𑀦𑁆𑀦𑁂 𑀅𑀓𑀸𑀮𑁂𑀧𑀺 𑀤𑁂𑀯𑁄 𑀯𑀲𑁆𑀲𑀢𑀺, 𑀢𑀤𑀪𑀸𑀯𑁂 𑀦 𑀯𑀲𑁆𑀲𑀢𑀺. 𑀢𑀁 𑀲𑀦𑁆𑀥𑀸𑀬𑁂𑀢𑀁 𑀯𑀼𑀢𑁆𑀢𑀁 𑁋 ‘‘𑀦 𑀓𑀸𑀮𑀯𑀲𑁆𑀲’’𑀦𑁆𑀢𑀺. 𑀅𑀝𑁆𑀞𑀫𑀦𑀯𑀫𑀸𑀦𑀺 𑀉𑀢𑁆𑀢𑀸𑀦𑀢𑁆𑀣𑀸𑀦𑁂𑀯.