𑁭. 𑀯𑀧𑀓𑀸𑀲𑀲𑀼𑀢𑁆𑀢𑀯𑀡𑁆𑀡𑀦𑀸

𑁧𑁨𑁭. 𑀲𑀢𑁆𑀢𑀫𑁂 𑀦𑀸𑀮𑀁 𑀲𑀗𑁆𑀖𑀫𑁆𑀳𑀸 𑀯𑀧𑀓𑀸𑀲𑀺𑀢𑀼𑀦𑁆𑀢𑀺 𑀲𑀗𑁆𑀖𑀢𑁄 𑀦𑀺𑀓𑁆𑀔𑀫𑀺𑀢𑁆𑀯𑀸 𑀏𑀓𑀓𑁄 𑀯𑀲𑀺𑀢𑀼𑀁 𑀦 𑀬𑀼𑀢𑁆𑀢𑁄. 𑀓𑀸𑀫𑀜𑁆𑀘𑁂𑀲 𑀲𑀗𑁆𑀖𑀫𑀚𑁆𑀛𑁂𑀧𑀺 𑀯𑀲𑀺𑀢𑀼𑀁 𑀅𑀬𑀼𑀢𑁆𑀢𑁄𑀯 𑀅𑀲𑀗𑁆𑀖𑀲𑁄𑀪𑀦𑀢𑀸𑀬, 𑀑𑀯𑀸𑀤𑀸𑀦𑀼𑀲𑀸𑀲𑀦𑀺𑀧𑁆𑀧𑀝𑀺𑀩𑀤𑁆𑀥𑀢𑁆𑀢𑀸 𑀧𑀦 𑀦𑀺𑀧𑁆𑀧𑀭𑀺𑀬𑀸𑀬𑁂𑀦𑁂𑀯 𑀲𑀗𑁆𑀖𑀫𑁆𑀳𑀸 𑀯𑀧𑀓𑀸𑀲𑀺𑀢𑀼𑀁 𑀦 𑀬𑀼𑀢𑁆𑀢𑁄. 𑀅𑀮𑀁 𑀲𑀗𑁆𑀖𑀫𑁆𑀳𑀸 𑀯𑀧𑀓𑀸𑀲𑀺𑀢𑀼𑀦𑁆𑀢𑀺 𑀘𑀸𑀢𑀼𑀤𑁆𑀤𑀺𑀲𑀢𑁆𑀢𑀸 𑀲𑀗𑁆𑀖𑀫𑁆𑀳𑀸 𑀦𑀺𑀓𑁆𑀔𑀫𑁆𑀫 𑀏𑀓𑀓𑁄 𑀯𑀲𑀺𑀢𑀼𑀁 𑀬𑀼𑀢𑁆𑀢𑁄, 𑀲𑀗𑁆𑀖𑀲𑁄𑀪𑀦𑀢𑀸𑀬 𑀧𑀦 𑀲𑀗𑁆𑀖𑁂𑀧𑀺 𑀯𑀲𑀺𑀢𑀼𑀁 𑀬𑀼𑀢𑁆𑀢𑁄𑀬𑁂𑀯. 𑀅𑀝𑁆𑀞𑀫𑀁 𑀉𑀢𑁆𑀢𑀸𑀦𑀢𑁆𑀣𑀫𑁂𑀯.