𑁯. 𑀧𑀞𑀫𑀲𑁂𑀔𑀲𑀼𑀢𑁆𑀢𑀯𑀡𑁆𑀡𑀦𑀸

𑁮𑁯. 𑀦𑀯𑀫𑁂 𑀲𑁂𑀔𑀲𑁆𑀲𑀸𑀢𑀺 𑀲𑀺𑀓𑁆𑀔𑀓𑀲𑁆𑀲 𑀲𑀓𑀭𑀡𑀻𑀬𑀲𑁆𑀲. 𑀧𑀭𑀺𑀳𑀸𑀦𑀸𑀬𑀸𑀢𑀺 𑀉𑀧𑀭𑀺𑀕𑀼𑀡𑁂𑀳𑀺 𑀧𑀭𑀺𑀳𑀸𑀦𑀢𑁆𑀣𑀸𑀬. 𑀓𑀫𑁆𑀫𑀸𑀭𑀸𑀫𑀢𑀸𑀢𑀺 𑀦𑀯𑀓𑀫𑁆𑀫𑁂 𑀭𑀫𑀦𑀓𑀪𑀸𑀯𑁄. 𑀪𑀲𑁆𑀲𑀸𑀭𑀸𑀫𑀢𑀸𑀢𑀺 𑀆𑀮𑀸𑀧𑀲𑀮𑁆𑀮𑀸𑀧𑁂 𑀭𑀫𑀦𑀓𑀪𑀸𑀯𑁄. 𑀦𑀺𑀤𑁆𑀤𑀸𑀭𑀸𑀫𑀢𑀸𑀢𑀺 𑀦𑀺𑀤𑁆𑀤𑀸𑀬𑀦𑁂 𑀭𑀫𑀦𑀓𑀪𑀸𑀯𑁄. 𑀲𑀗𑁆𑀕𑀡𑀺𑀓𑀸𑀭𑀸𑀫𑀢𑀸𑀢𑀺 𑀕𑀡𑀲𑀗𑁆𑀕𑀡𑀺𑀓𑀸𑀬 𑀭𑀫𑀦𑀓𑀪𑀸𑀯𑁄. 𑀬𑀣𑀸𑀯𑀺𑀫𑀼𑀢𑁆𑀢𑀁 𑀘𑀺𑀢𑁆𑀢𑀁 𑀦 𑀧𑀘𑁆𑀘𑀯𑁂𑀓𑁆𑀔𑀢𑀻𑀢𑀺 𑀬𑀣𑀸 𑀬𑀁 𑀘𑀺𑀢𑁆𑀢𑀁 𑀯𑀺𑀫𑀼𑀢𑁆𑀢𑀁, 𑀬𑁂 𑀘 𑀤𑁄𑀲𑀸 𑀧𑀳𑀻𑀦𑀸, 𑀕𑀼𑀡𑀸 𑀘 𑀧𑀝𑀺𑀮𑀤𑁆𑀥𑀸, 𑀢𑁂 𑀧𑀘𑁆𑀘𑀯𑁂𑀓𑁆𑀔𑀺𑀢𑁆𑀯𑀸 𑀉𑀧𑀭𑀺𑀕𑀼𑀡𑀧𑀝𑀺𑀮𑀸𑀪𑀸𑀬 𑀯𑀸𑀬𑀸𑀫𑀁 𑀦 𑀓𑀭𑁄𑀢𑀻𑀢𑀺 𑀅𑀢𑁆𑀣𑁄. 𑀇𑀢𑀺 𑀇𑀫𑀲𑁆𑀫𑀺𑀁 𑀲𑀼𑀢𑁆𑀢𑁂 𑀲𑀢𑁆𑀢𑀦𑁆𑀦𑀁 𑀲𑁂𑀔𑀸𑀦𑀁 𑀉𑀧𑀭𑀺𑀕𑀼𑀡𑁂𑀳𑀺 𑀧𑀭𑀺𑀳𑀸𑀦𑀺𑀓𑀸𑀭𑀡𑀜𑁆𑀘 𑀯𑀼𑀤𑁆𑀥𑀺𑀓𑀸𑀭𑀡𑀜𑁆𑀘 𑀓𑀣𑀺𑀢𑀁. 𑀬𑀜𑁆𑀘 𑀦𑀸𑀫 𑀲𑁂𑀔𑀲𑁆𑀲 𑀧𑀭𑀺𑀳𑀸𑀦𑀓𑀸𑀭𑀡𑀁, 𑀢𑀁 𑀧𑀼𑀣𑀼𑀚𑁆𑀚𑀦𑀲𑁆𑀲 𑀧𑀞𑀫𑀫𑁂𑀯 𑀳𑁄𑀢𑀻𑀢𑀺.