𑁪. 𑀤𑀼𑀢𑀺𑀬𑀥𑀫𑁆𑀫𑀯𑀺𑀳𑀸𑀭𑀻𑀲𑀼𑀢𑁆𑀢𑀯𑀡𑁆𑀡𑀦𑀸

𑁭𑁪. 𑀘𑀢𑀼𑀢𑁆𑀣𑁂 𑀉𑀢𑁆𑀢𑀭𑀺 𑀘𑀲𑁆𑀲 𑀧𑀜𑁆𑀜𑀸𑀬 𑀅𑀢𑁆𑀣𑀁 𑀦𑀧𑁆𑀧𑀚𑀸𑀦𑀸𑀢𑀻𑀢𑀺 𑀢𑀢𑁄 𑀧𑀭𑀺𑀬𑀢𑁆𑀢𑀺𑀢𑁄 𑀉𑀢𑁆𑀢𑀭𑀺 𑀢𑀲𑁆𑀲 𑀥𑀫𑁆𑀫𑀲𑁆𑀲 𑀲𑀳𑀯𑀺𑀧𑀲𑁆𑀲𑀦𑀸𑀬 𑀫𑀕𑁆𑀕𑀧𑀜𑁆𑀜𑀸𑀬 𑀅𑀢𑁆𑀣𑀁 𑀦𑀧𑁆𑀧𑀚𑀸𑀦𑀸𑀢𑀺, 𑀘𑀢𑁆𑀢𑀸𑀭𑀺 𑀲𑀘𑁆𑀘𑀸𑀦𑀺 𑀦 𑀧𑀲𑁆𑀲𑀢𑀺 𑀦𑀧𑁆𑀧𑀝𑀺𑀯𑀺𑀚𑁆𑀛𑀢𑀻𑀢𑀺 𑀅𑀢𑁆𑀣𑁄. 𑀲𑁂𑀲𑀯𑀸𑀭𑁂𑀲𑀼𑀧𑀺 𑀏𑀲𑁂𑀯 𑀦𑀬𑁄. 𑀏𑀯𑀫𑁂𑀢𑁂𑀲𑀼 𑀤𑁆𑀯𑀻𑀲𑀼𑀧𑀺 𑀲𑀼𑀢𑁆𑀢𑁂𑀲𑀼 𑀩𑀳𑀼𑀲𑁆𑀲𑀼𑀢𑀪𑀺𑀓𑁆𑀔𑀼 𑀯𑀺𑀧𑀲𑁆𑀲𑀦𑀸𑀓𑀫𑁆𑀫𑀺𑀓𑁄 𑀲𑁄𑀢𑀸𑀧𑀦𑁆𑀦𑁄 𑀲𑀓𑀤𑀸𑀕𑀸𑀫𑀻 𑀅𑀦𑀸𑀕𑀸𑀫𑀻 𑀔𑀻𑀡𑀸𑀲𑀯𑁄𑀢𑀺 𑀙 𑀚𑀦𑀸 𑀥𑀫𑁆𑀫𑀯𑀺𑀳𑀸𑀭𑀺𑀦𑁄 𑀦𑀸𑀫𑀸𑀢𑀺 𑀯𑁂𑀤𑀺𑀢𑀩𑁆𑀩𑀸.