𑁧𑁦. 𑀘𑀢𑀼𑀢𑁆𑀣𑀅𑀦𑀸𑀕𑀢𑀪𑀬𑀲𑀼𑀢𑁆𑀢𑀯𑀡𑁆𑀡𑀦𑀸

𑁮𑁦. 𑀤𑀲𑀫𑁂 𑀓𑀮𑁆𑀬𑀸𑀡𑀓𑀸𑀫𑀸𑀢𑀺 𑀲𑀼𑀦𑁆𑀤𑀭𑀓𑀸𑀫𑀸. 𑀭𑀲𑀕𑁆𑀕𑀸𑀦𑀻𑀢𑀺 𑀉𑀢𑁆𑀢𑀫𑀭𑀲𑀸𑀦𑀺. 𑀲𑀁𑀲𑀝𑁆𑀞𑀸 𑀯𑀺𑀳𑀭𑀺𑀲𑁆𑀲𑀦𑁆𑀢𑀻𑀢𑀺 𑀧𑀜𑁆𑀘𑀯𑀺𑀥𑁂𑀦 𑀲𑀁𑀲𑀕𑁆𑀕𑁂𑀦 𑀲𑀁𑀲𑀝𑁆𑀞𑀸 𑀯𑀺𑀳𑀭𑀺𑀲𑁆𑀲𑀦𑁆𑀢𑀺. 𑀲𑀦𑁆𑀦𑀺𑀥𑀺𑀓𑀸𑀭𑀧𑀭𑀺𑀪𑁄𑀕𑀦𑁆𑀢𑀺 𑀲𑀦𑁆𑀦𑀺𑀥𑀺𑀓𑀢𑀲𑁆𑀲 𑀧𑀭𑀺𑀪𑁄𑀕𑀁. 𑀑𑀴𑀸𑀭𑀺𑀓𑀫𑁆𑀧𑀺 𑀦𑀺𑀫𑀺𑀢𑁆𑀢𑀦𑁆𑀢𑀺 𑀏𑀢𑁆𑀣 𑀧𑀣𑀯𑀺𑀁 𑀔𑀡𑀦𑁆𑀢𑁄𑀧𑀺 𑀔𑀡𑀸𑀳𑀻𑀢𑀺 𑀆𑀡𑀸𑀧𑁂𑀦𑁆𑀢𑁄𑀧𑀺 𑀧𑀣𑀯𑀺𑀬𑀁 𑀑𑀴𑀸𑀭𑀺𑀓𑀁 𑀦𑀺𑀫𑀺𑀢𑁆𑀢𑀁 𑀓𑀭𑁄𑀢𑀺 𑀦𑀸𑀫. 𑀢𑀺𑀡𑀓𑀝𑁆𑀞𑀲𑀸𑀔𑀸𑀧𑀮𑀸𑀲𑀁 𑀙𑀺𑀦𑁆𑀤𑀦𑁆𑀢𑁄𑀧𑀺 𑀙𑀺𑀦𑁆𑀤𑀸𑀢𑀺 𑀆𑀡𑀸𑀧𑁂𑀦𑁆𑀢𑁄𑀧𑀺 𑀳𑀭𑀺𑀢𑀕𑁆𑀕𑁂 𑀑𑀴𑀸𑀭𑀺𑀓𑀁 𑀦𑀺𑀫𑀺𑀢𑁆𑀢𑀁 𑀓𑀭𑁄𑀢𑀺 𑀦𑀸𑀫. 𑀆𑀚𑀻𑀯𑀢𑁆𑀣𑀸𑀬 𑀧𑀡𑁆𑀡𑀦𑀺𑀯𑀸𑀧𑀆𑀤𑀻𑀦𑀺 𑀕𑀸𑀳𑀸𑀧𑁂𑀦𑁆𑀢𑁄 𑀨𑀮𑀸𑀦𑀺 𑀑𑀘𑀺𑀦𑀦𑁆𑀢𑁂 𑀯𑀸 𑀑𑀘𑀺𑀦𑀸𑀧𑁂𑀦𑁆𑀢𑁂𑀦 𑀯𑀢𑁆𑀢𑀩𑁆𑀩𑀫𑁂𑀯 𑀦𑀢𑁆𑀣𑀺. 𑀇𑀫𑁂𑀲𑀼 𑀘𑀢𑀽𑀲𑀼 𑀲𑀼𑀢𑁆𑀢𑁂𑀲𑀼 𑀲𑀢𑁆𑀣𑀸𑀭𑀸 𑀲𑀸𑀲𑀦𑁂 𑀯𑀼𑀤𑁆𑀥𑀺𑀧𑀭𑀺𑀳𑀸𑀦𑀺 𑀓𑀣𑀺𑀢𑀸𑀢𑀺.

𑀬𑁄𑀥𑀸𑀚𑀻𑀯𑀯𑀕𑁆𑀕𑁄 𑀢𑀢𑀺𑀬𑁄.