𑁨. 𑀘𑀼𑀦𑁆𑀤𑀻𑀲𑀼𑀢𑁆𑀢𑀯𑀡𑁆𑀡𑀦𑀸

𑁩𑁨. 𑀤𑀼𑀢𑀺𑀬𑁂 𑀧𑀜𑁆𑀘𑀳𑀺 𑀭𑀣𑀲𑀢𑁂𑀳𑀻𑀢𑀺 𑀪𑀼𑀢𑁆𑀢𑀧𑀸𑀢𑀭𑀸𑀲𑀸 𑀧𑀺𑀢𑀼 𑀲𑀦𑁆𑀢𑀺𑀓𑀁 𑀧𑁂𑀲𑁂𑀢𑁆𑀯𑀸 𑀧𑀜𑁆𑀘 𑀭𑀣𑀲𑀢𑀸𑀦𑀺 𑀬𑁄𑀚𑀸𑀧𑁂𑀢𑁆𑀯𑀸 𑀢𑁂𑀳𑀺 𑀧𑀭𑀺𑀯𑀼𑀢𑀸𑀢𑀺 𑀅𑀢𑁆𑀣𑁄. 𑀉𑀧𑀲𑀗𑁆𑀓𑀫𑀻𑀢𑀺 𑀪𑀸𑀢𑀭𑀸 𑀲𑀤𑁆𑀥𑀺𑀁 𑀧𑀯𑀢𑁆𑀢𑀺𑀢𑀁 𑀧𑀜𑁆𑀳𑀲𑀸𑀓𑀘𑁆𑀙𑀁 𑀧𑀼𑀘𑁆𑀙𑀺𑀲𑁆𑀲𑀸𑀫𑀻𑀢𑀺 𑀕𑀦𑁆𑀥𑀫𑀸𑀮𑀘𑀼𑀡𑁆𑀡𑀸𑀤𑀻𑀦𑀺 𑀆𑀤𑀸𑀬 𑀉𑀧𑀲𑀗𑁆𑀓𑀫𑀺. 𑀬𑀤𑁂𑀯 𑀲𑁄 𑀳𑁄𑀢𑀻𑀢𑀺 𑀬𑀤𑀸 𑀏𑀯 𑀲𑁄 𑀳𑁄𑀢𑀺. 𑀅𑀣 𑀯𑀸 𑀬𑁄 𑀏𑀯 𑀲𑁄 𑀳𑁄𑀢𑀺. 𑀅𑀭𑀺𑀬𑀓𑀦𑁆𑀢𑀸𑀦𑀺 𑀲𑀻𑀮𑀸𑀦𑀻𑀢𑀺 𑀫𑀕𑁆𑀕𑀨𑀮𑀲𑀫𑁆𑀧𑀬𑀼𑀢𑁆𑀢𑀸𑀦𑀺 𑀲𑀻𑀮𑀸𑀦𑀺. 𑀢𑀸𑀦𑀺 𑀳𑀺 𑀅𑀭𑀺𑀬𑀸𑀦𑀁 𑀓𑀦𑁆𑀢𑀸𑀦𑀺 𑀳𑁄𑀦𑁆𑀢𑀺, 𑀪𑀯𑀦𑁆𑀢𑀭𑁂𑀧𑀺 𑀦 𑀧𑀭𑀺𑀘𑁆𑀘𑀚𑀦𑁆𑀢𑀺. 𑀲𑁂𑀲𑀁 𑀘𑀢𑀼𑀓𑁆𑀓𑀦𑀺𑀧𑀸𑀢𑁂 𑀅𑀕𑁆𑀕𑀧𑁆𑀧𑀲𑀸𑀤𑀲𑀼𑀢𑁆𑀢𑁂 𑀯𑀼𑀢𑁆𑀢𑀦𑀬𑁂𑀦𑁂𑀯 𑀯𑁂𑀤𑀺𑀢𑀩𑁆𑀩𑀁.