𑁯. 𑀘𑀗𑁆𑀓𑀫𑀲𑀼𑀢𑁆𑀢𑀯𑀡𑁆𑀡𑀦𑀸

𑁨𑁯. 𑀦𑀯𑀫𑁂 𑀅𑀤𑁆𑀥𑀸𑀦𑀓𑁆𑀔𑀫𑁄 𑀳𑁄𑀢𑀻𑀢𑀺 𑀤𑀽𑀭𑀁 𑀅𑀤𑁆𑀥𑀸𑀦𑀫𑀕𑁆𑀕𑀁 𑀕𑀘𑁆𑀙𑀦𑁆𑀢𑁄 𑀔𑀫𑀢𑀺, 𑀅𑀥𑀺𑀯𑀸𑀲𑁂𑀢𑀼𑀁 𑀲𑀓𑁆𑀓𑁄𑀢𑀺. 𑀧𑀥𑀸𑀦𑀓𑁆𑀔𑀫𑁄𑀢𑀺 𑀯𑀻𑀭𑀺𑀬𑀓𑁆𑀔𑀫𑁄. 𑀘𑀗𑁆𑀓𑀫𑀸𑀥𑀺𑀕𑀢𑁄 𑀲𑀫𑀸𑀥𑀻𑀢𑀺 𑀘𑀗𑁆𑀓𑀫𑀁 𑀅𑀥𑀺𑀝𑁆𑀞𑀳𑀦𑁆𑀢𑁂𑀦 𑀅𑀥𑀺𑀕𑀢𑁄 𑀅𑀝𑁆𑀞𑀦𑁆𑀦𑀁 𑀲𑀫𑀸𑀧𑀢𑁆𑀢𑀻𑀦𑀁 𑀅𑀜𑁆𑀜𑀢𑀭𑀲𑀫𑀸𑀥𑀺. 𑀘𑀺𑀭𑀝𑁆𑀞𑀺𑀢𑀺𑀓𑁄 𑀳𑁄𑀢𑀻𑀢𑀺 𑀘𑀺𑀭𑀁 𑀢𑀺𑀝𑁆𑀞𑀢𑀺. 𑀞𑀺𑀢𑀓𑁂𑀦 𑀕𑀳𑀺𑀢𑀦𑀺𑀫𑀺𑀢𑁆𑀢𑀜𑁆𑀳𑀺 𑀦𑀺𑀲𑀺𑀦𑁆𑀦𑀲𑁆𑀲 𑀦𑀲𑁆𑀲𑀢𑀺, 𑀦𑀺𑀲𑀺𑀦𑁆𑀦𑁂𑀦 𑀕𑀳𑀺𑀢𑀦𑀺𑀫𑀺𑀢𑁆𑀢𑀁 𑀦𑀺𑀧𑀦𑁆𑀦𑀲𑁆𑀲. 𑀘𑀗𑁆𑀓𑀫𑀁 𑀅𑀥𑀺𑀝𑁆𑀞𑀳𑀦𑁆𑀢𑁂𑀦 𑀘𑀮𑀺𑀢𑀸𑀭𑀫𑁆𑀫𑀡𑁂 𑀕𑀳𑀺𑀢𑀦𑀺𑀫𑀺𑀢𑁆𑀢𑀁 𑀧𑀦 𑀞𑀺𑀢𑀲𑁆𑀲𑀧𑀺 𑀦𑀺𑀲𑀺𑀦𑁆𑀦𑀲𑁆𑀲𑀧𑀺 𑀦𑀺𑀧𑀦𑁆𑀦𑀲𑁆𑀲𑀧𑀺 𑀦 𑀦𑀲𑁆𑀲𑀢𑀻𑀢𑀺.