𑁭. 𑀭𑁄𑀕𑀲𑀼𑀢𑁆𑀢𑀯𑀡𑁆𑀡𑀦𑀸

𑁧𑁫𑁭. 𑀲𑀢𑁆𑀢𑀫𑁂 𑀯𑀺𑀖𑀸𑀢𑀯𑀸𑀢𑀺 𑀫𑀳𑀺𑀘𑁆𑀙𑀸𑀧𑀘𑁆𑀘𑀬𑁂𑀦 𑀯𑀺𑀖𑀸𑀢𑁂𑀦 𑀤𑀼𑀓𑁆𑀔𑁂𑀦 𑀲𑀫𑀦𑁆𑀦𑀸𑀕𑀢𑁄. 𑀅𑀲𑀦𑁆𑀢𑀼𑀝𑁆𑀞𑁄𑀢𑀺 𑀘𑀢𑀽𑀲𑀼 𑀧𑀘𑁆𑀘𑀬𑁂𑀲𑀼 𑀢𑀻𑀳𑀺 𑀲𑀦𑁆𑀢𑁄𑀲𑁂𑀳𑀺 𑀅𑀲𑀦𑁆𑀢𑀼𑀝𑁆𑀞𑁄. 𑀅𑀦𑀯𑀜𑁆𑀜𑀧𑁆𑀧𑀝𑀺𑀮𑀸𑀪𑀸𑀬𑀸𑀢𑀺 𑀧𑀭𑁂𑀳𑀺 𑀅𑀦𑀯𑀚𑀸𑀦𑀦𑀲𑁆𑀲 𑀧𑀝𑀺𑀮𑀸𑀪𑀢𑁆𑀣𑀸𑀬. 𑀮𑀸𑀪𑀲𑀓𑁆𑀓𑀸𑀭𑀲𑀺𑀮𑁄𑀓𑀧𑁆𑀧𑀝𑀺𑀮𑀸𑀪𑀸𑀬𑀸𑀢𑀺 𑀲𑀼𑀲𑀗𑁆𑀔𑀢𑀘𑀢𑀼𑀧𑀘𑁆𑀘𑀬𑀲𑀗𑁆𑀔𑀸𑀢𑀲𑁆𑀲 𑀮𑀸𑀪𑀲𑀓𑁆𑀓𑀸𑀭𑀲𑁆𑀲 𑀘𑁂𑀯 𑀯𑀡𑁆𑀡𑀪𑀡𑀦𑀲𑀗𑁆𑀔𑀸𑀢𑀲𑁆𑀲 𑀲𑀺𑀮𑁄𑀓𑀲𑁆𑀲 𑀘 𑀧𑀝𑀺𑀮𑀸𑀪𑀢𑁆𑀣𑀸𑀬. 𑀲𑀗𑁆𑀔𑀸𑀬 𑀓𑀼𑀮𑀸𑀦𑀺 𑀉𑀧𑀲𑀗𑁆𑀓𑀫𑀢𑀻𑀢𑀺 ‘‘𑀇𑀢𑀺 𑀫𑀁 𑀏𑀢𑁂 𑀚𑀸𑀦𑀺𑀲𑁆𑀲𑀦𑁆𑀢𑀻’’𑀢𑀺 𑀚𑀸𑀦𑀦𑀢𑁆𑀣𑀸𑀬 𑀓𑀼𑀮𑀸𑀦𑀺 𑀉𑀧𑀲𑀗𑁆𑀓𑀫𑀢𑀺. 𑀲𑁂𑀲𑀧𑀤𑁂𑀲𑀼𑀧𑀺 𑀏𑀲𑁂𑀯 𑀦𑀬𑁄.