𑁭. 𑀆𑀭𑀓𑁆𑀔𑀲𑀼𑀢𑁆𑀢𑀯𑀡𑁆𑀡𑀦𑀸

𑁧𑁧𑁭. 𑀲𑀢𑁆𑀢𑀫𑁂 𑀅𑀢𑁆𑀢𑀭𑀽𑀧𑁂𑀦𑀸𑀢𑀺 𑀅𑀢𑁆𑀢𑀦𑁄 𑀅𑀦𑀼𑀭𑀽𑀧𑁂𑀦 𑀅𑀦𑀼𑀘𑁆𑀙𑀯𑀺𑀓𑁂𑀦, 𑀳𑀺𑀢𑀓𑀸𑀫𑁂𑀦𑀸𑀢𑀺 𑀅𑀢𑁆𑀣𑁄. 𑀭𑀚𑀦𑀻𑀬𑁂𑀲𑀽𑀢𑀺 𑀭𑀸𑀕𑀲𑁆𑀲 𑀧𑀘𑁆𑀘𑀬𑀪𑀽𑀢𑁂𑀲𑀼. 𑀥𑀫𑁆𑀫𑁂𑀲𑀽𑀢𑀺 𑀲𑀪𑀸𑀯𑁂𑀲𑀼, 𑀇𑀝𑁆𑀞𑀸𑀭𑀫𑁆𑀫𑀡𑁂𑀲𑀽𑀢𑀺 𑀅𑀢𑁆𑀣𑁄. 𑀏𑀯𑀁 𑀲𑀩𑁆𑀩𑀢𑁆𑀣 𑀦𑀬𑁄 𑀯𑁂𑀤𑀺𑀢𑀩𑁆𑀩𑁄. 𑀦 𑀭𑀚𑁆𑀚𑀢𑀻𑀢𑀺 𑀤𑀺𑀝𑁆𑀞𑀺𑀯𑀲𑁂𑀦 𑀦 𑀭𑀚𑁆𑀚𑀢𑀺. 𑀲𑁂𑀲𑀧𑀤𑁂𑀲𑀼𑀧𑀺 𑀏𑀲𑁂𑀯 𑀦𑀬𑁄. 𑀦 𑀘 𑀧𑀦 𑀲𑀫𑀡𑀯𑀘𑀦𑀳𑁂𑀢𑀼𑀧𑀺 𑀕𑀘𑁆𑀙𑀢𑀻𑀢𑀺 𑀲𑀫𑀡𑀸𑀦𑀁 𑀧𑀭𑀯𑀸𑀤𑀻𑀦𑀁 𑀯𑀘𑀦𑀳𑁂𑀢𑀼𑀧𑀺 𑀅𑀢𑁆𑀢𑀦𑁄 𑀤𑀺𑀝𑁆𑀞𑀺𑀁 𑀧𑀳𑀸𑀬 𑀢𑁂𑀲𑀁 𑀤𑀺𑀝𑁆𑀞𑀺𑀯𑀲𑁂𑀦 𑀦 𑀕𑀘𑁆𑀙𑀢𑀻𑀢𑀺 𑀅𑀢𑁆𑀣𑁄. 𑀇𑀥𑀸𑀧𑀺 𑀔𑀻𑀡𑀸𑀲𑀯𑁄𑀯 𑀅𑀥𑀺𑀧𑁆𑀧𑁂𑀢𑁄.