𑁩. 𑀧𑀢𑁄𑀤𑀲𑀼𑀢𑁆𑀢𑀯𑀡𑁆𑀡𑀦𑀸

𑁧𑁧𑁩. 𑀢𑀢𑀺𑀬𑁂 𑀧𑀢𑁄𑀤𑀘𑁆𑀙𑀸𑀬𑀦𑁆𑀢𑀺 𑀯𑀺𑀚𑁆𑀛𑀦𑀢𑁆𑀣𑀁 𑀉𑀓𑁆𑀔𑀺𑀢𑁆𑀢𑀲𑁆𑀲 𑀧𑀢𑁄𑀤𑀲𑁆𑀲 𑀙𑀸𑀬𑀁. 𑀲𑀁𑀯𑀺𑀚𑁆𑀚𑀢𑀻𑀢𑀺 ‘‘𑀚𑀯𑁄 𑀫𑁂 𑀕𑀳𑁂𑀢𑀩𑁆𑀩𑁄’’𑀢𑀺 𑀲𑀮𑁆𑀮𑀓𑁆𑀔𑀡𑀯𑀲𑁂𑀦 𑀲𑀁𑀯𑀺𑀚𑁆𑀚𑀢𑀺. 𑀲𑀁𑀯𑁂𑀕𑀁 𑀆𑀧𑀚𑁆𑀚𑀢𑀻𑀢𑀺 𑀲𑀁𑀯𑁂𑀕𑀁 𑀧𑀝𑀺𑀧𑀚𑁆𑀚𑀢𑀺 𑀮𑁄𑀫𑀯𑁂𑀥𑀯𑀺𑀤𑁆𑀥𑁄𑀢𑀺 𑀮𑁄𑀫𑀓𑀽𑀧𑁂 𑀧𑀢𑁄𑀤𑀯𑁂𑀥𑁂𑀦 𑀯𑀺𑀤𑁆𑀥𑀫𑀢𑁆𑀢𑁄. 𑀘𑀫𑁆𑀫𑀯𑁂𑀥𑀯𑀺𑀤𑁆𑀥𑁄𑀢𑀺 𑀙𑀯𑀺𑀘𑀫𑁆𑀫𑀁 𑀙𑀺𑀦𑁆𑀤𑀦𑁆𑀢𑁂𑀦 𑀧𑀢𑁄𑀤𑀯𑁂𑀥𑁂𑀦 𑀯𑀺𑀤𑁆𑀥𑁄. 𑀅𑀝𑁆𑀞𑀺𑀯𑁂𑀥𑀯𑀺𑀤𑁆𑀥𑁄𑀢𑀺 𑀅𑀝𑁆𑀞𑀺𑀁 𑀪𑀺𑀦𑁆𑀤𑀦𑁆𑀢𑁂𑀦 𑀯𑁂𑀥𑁂𑀦 𑀯𑀺𑀤𑁆𑀥𑁄. 𑀓𑀸𑀬𑁂𑀦𑀸𑀢𑀺 𑀦𑀸𑀫𑀓𑀸𑀬𑁂𑀦. 𑀧𑀭𑀫𑀲𑀘𑁆𑀘𑀦𑁆𑀢𑀺 𑀦𑀺𑀩𑁆𑀩𑀸𑀦𑀁. 𑀲𑀘𑁆𑀙𑀺𑀓𑀭𑁄𑀢𑀻𑀢𑀺 𑀧𑀲𑁆𑀲𑀢𑀺. 𑀧𑀜𑁆𑀜𑀸𑀬𑀸𑀢𑀺 𑀲𑀳𑀯𑀺𑀧𑀲𑁆𑀲𑀦𑀸𑀬 𑀫𑀕𑁆𑀕𑀧𑀜𑁆𑀜𑀸𑀬.