𑁧. 𑀓𑁂𑀲𑀺𑀲𑀼𑀢𑁆𑀢𑀯𑀡𑁆𑀡𑀦𑀸

𑁧𑁧𑁧. 𑀤𑀼𑀢𑀺𑀬𑀲𑁆𑀲 𑀧𑀞𑀫𑁂 𑀓𑁂𑀲𑀻𑀢𑀺 𑀢𑀲𑁆𑀲 𑀦𑀸𑀫𑀁. 𑀅𑀲𑁆𑀲𑀤𑀫𑁆𑀫𑁂 𑀲𑀸𑀭𑁂𑀢𑀻𑀢𑀺 𑀅𑀲𑁆𑀲𑀤𑀫𑁆𑀫𑀲𑀸𑀭𑀣𑀺. 𑀲𑀡𑁆𑀳𑁂𑀦𑀧𑀺 𑀯𑀺𑀦𑁂𑀢𑀻𑀢𑀺𑀆𑀤𑀻𑀲𑀼 𑀢𑀲𑁆𑀲 𑀅𑀦𑀼𑀘𑁆𑀙𑀯𑀺𑀓𑀁 𑀲𑀓𑁆𑀓𑀸𑀭𑀁 𑀓𑀢𑁆𑀯𑀸 𑀲𑀼𑀪𑁄𑀚𑀦𑀁 𑀪𑁄𑀚𑁂𑀢𑁆𑀯𑀸 𑀫𑀥𑀼𑀭𑀧𑀸𑀦𑀁 𑀧𑀸𑀬𑁂𑀢𑁆𑀯𑀸 𑀫𑀼𑀤𑀼𑀯𑀘𑀦𑁂𑀦 𑀲𑀫𑀼𑀤𑀸𑀘𑀭𑀺𑀢𑁆𑀯𑀸 𑀤𑀫𑁂𑀦𑁆𑀢𑁄 𑀲𑀡𑁆𑀳𑁂𑀦 𑀤𑀫𑁂𑀢𑀺 𑀦𑀸𑀫, 𑀚𑀸𑀡𑀼𑀩𑀦𑁆𑀥𑀦𑀫𑀼𑀔𑀩𑀦𑁆𑀥𑀦𑀸𑀤𑀻𑀳𑀺 𑀘𑁂𑀯 𑀧𑀢𑁄𑀤𑀯𑀺𑀚𑁆𑀛𑀦𑀓𑀲𑀸𑀪𑀺𑀖𑀸𑀢𑀨𑀭𑀼𑀲𑀯𑀘𑀦𑁂𑀳𑀺 𑀘 𑀤𑀫𑁂𑀦𑁆𑀢𑁄 𑀨𑀭𑀼𑀲𑁂𑀦 𑀤𑀫𑁂𑀢𑀺 𑀦𑀸𑀫, 𑀓𑀸𑀮𑁂𑀦 𑀓𑀸𑀮𑀁 𑀢𑀤𑀼𑀪𑀬𑀁 𑀓𑀭𑁄𑀦𑁆𑀢𑁄 𑀲𑀡𑁆𑀳𑀨𑀭𑀼𑀲𑁂𑀦 𑀤𑀫𑁂𑀢𑀺 𑀦𑀸𑀫.