𑁯. 𑀲𑀫𑁆𑀫𑀸𑀤𑀺𑀝𑁆𑀞𑀺𑀲𑀼𑀢𑁆𑀢𑀯𑀡𑁆𑀡𑀦𑀸

𑁮𑁯. 𑀦𑀯𑀫𑁂 𑀲𑀫𑁆𑀫𑀸𑀤𑀺𑀝𑁆𑀞𑀺𑀓𑁄𑀢𑀺𑀆𑀤𑀻𑀳𑀺 𑀅𑀝𑁆𑀞𑀗𑁆𑀕𑀺𑀓𑀫𑀕𑁆𑀕𑀯𑀲𑁂𑀦 𑀧𑀞𑀫𑀲𑀼𑀢𑁆𑀢𑁂 𑀯𑀺𑀬 𑀲𑀢𑁆𑀢 𑀲𑁂𑀔𑀸 𑀕𑀳𑀺𑀢𑀸. 𑀤𑀼𑀢𑀺𑀬𑀯𑀸𑀭𑁂 𑀤𑀲𑀗𑁆𑀕𑀺𑀓𑀫𑀕𑁆𑀕𑀯𑀲𑁂𑀦 𑀯𑀸 𑀅𑀭𑀳𑀢𑁆𑀢𑀨𑀮𑀜𑀸𑀡𑀅𑀭𑀳𑀢𑁆𑀢𑀨𑀮𑀯𑀺𑀫𑀼𑀢𑁆𑀢𑀻𑀳𑀺 𑀲𑀤𑁆𑀥𑀺𑀁, 𑀅𑀝𑁆𑀞𑀗𑁆𑀕𑀺𑀓𑀫𑀕𑁆𑀕𑀯𑀲𑁂𑀦 𑀯𑀸 𑀲𑀼𑀓𑁆𑀔𑀯𑀺𑀧𑀲𑁆𑀲𑀓𑀔𑀻𑀡𑀸𑀲𑀯𑁄 𑀓𑀣𑀺𑀢𑁄, 𑀢𑀢𑀺𑀬𑀯𑀸𑀭𑁂 𑀉𑀪𑀢𑁄𑀪𑀸𑀕𑀯𑀺𑀫𑀼𑀢𑁆𑀢𑁄, 𑀘𑀢𑀼𑀢𑁆𑀣𑀯𑀸𑀭𑁂 𑀢𑀣𑀸𑀕𑀢𑁄 𑀘 𑀢𑀣𑀸𑀕𑀢𑀲𑀤𑀺𑀲𑀔𑀻𑀡𑀸𑀲𑀯𑁄 𑀘𑀸𑀢𑀺. 𑀇𑀢𑀺 𑀇𑀤𑀁 𑀲𑀼𑀢𑁆𑀢𑀁 𑀧𑀞𑀫𑀲𑀼𑀢𑁆𑀢𑁂 𑀓𑀣𑀺𑀢𑀧𑀼𑀕𑁆𑀕𑀮𑀸𑀦𑀁 𑀯𑀲𑁂𑀦𑁂𑀯 𑀓𑀣𑀺𑀢𑀁, 𑀤𑁂𑀲𑀦𑀸𑀫𑀢𑁆𑀢𑀫𑁂𑀯 𑀧𑀦𑁂𑀢𑁆𑀣 𑀦𑀸𑀦𑀦𑁆𑀢𑀺.