𑁧𑁦. 𑀓𑀫𑁆𑀩𑁄𑀚𑀲𑀼𑀢𑁆𑀢𑀯𑀡𑁆𑀡𑀦𑀸

𑁮𑁦. 𑀤𑀲𑀫𑁂 𑀦𑁂𑀯 𑀲𑀪𑀸𑀬𑀁 𑀦𑀺𑀲𑀻𑀤𑀢𑀻𑀢𑀺 𑀯𑀺𑀦𑀺𑀘𑁆𑀙𑀬𑀓𑀭𑀡𑀢𑁆𑀣𑀁 𑀯𑀺𑀦𑀺𑀘𑁆𑀙𑀬𑀲𑀪𑀸𑀬𑀁 𑀦𑁂𑀯 𑀦𑀺𑀲𑀻𑀤𑀢𑀺. 𑀦 𑀓𑀫𑁆𑀫𑀦𑁆𑀢𑀁 𑀧𑀬𑁄𑀚𑁂𑀢𑀻𑀢𑀺 𑀓𑀲𑀺𑀯𑀡𑀺𑀚𑁆𑀚𑀸𑀤𑀺𑀫𑀳𑀸𑀓𑀫𑁆𑀫𑀦𑁆𑀢𑀁 𑀦𑀧𑁆𑀧𑀬𑁄𑀚𑁂𑀢𑀺. 𑀦 𑀓𑀫𑁆𑀩𑁄𑀚𑀁 𑀕𑀘𑁆𑀙𑀢𑀻𑀢𑀺 𑀪𑁄𑀕𑁂 𑀲𑀫𑁆𑀪𑀭𑀡𑀢𑁆𑀣𑀸𑀬 𑀓𑀫𑁆𑀩𑁄𑀚𑀭𑀝𑁆𑀞𑀁 𑀦 𑀕𑀘𑁆𑀙𑀢𑀺. 𑀤𑁂𑀲𑀦𑀸𑀫𑀢𑁆𑀢𑀫𑁂𑀯 𑀘𑁂𑀢𑀁, 𑀬𑀁 𑀓𑀺𑀜𑁆𑀘𑀺 𑀢𑀺𑀭𑁄𑀭𑀝𑁆𑀞𑀁 𑀦 𑀕𑀘𑁆𑀙𑀢𑀻𑀢𑀺 𑀅𑀢𑁆𑀣𑁄. 𑀓𑁄𑀥𑀦𑁄𑀢𑀺𑀆𑀤𑀻𑀲𑀼 𑀓𑁄𑀥𑀦𑀢𑀸𑀬 𑀓𑁄𑀥𑀧𑀭𑀺𑀬𑀼𑀝𑁆𑀞𑀺𑀢𑁄 𑀅𑀢𑁆𑀣𑀸𑀦𑀢𑁆𑀣𑀁 𑀦 𑀚𑀸𑀦𑀸𑀢𑀺, 𑀇𑀲𑁆𑀲𑀼𑀓𑀺𑀢𑀸𑀬 𑀧𑀭𑀲𑀫𑁆𑀧𑀢𑁆𑀢𑀺𑀁 𑀦 𑀲𑀳𑀢𑀺, 𑀫𑀘𑁆𑀙𑀭𑀺𑀢𑀸𑀬 𑀥𑀦𑀁 𑀤𑀢𑁆𑀯𑀸 𑀓𑀺𑀘𑁆𑀘𑀁 𑀓𑀸𑀢𑀼𑀁 𑀦 𑀲𑀓𑁆𑀓𑁄𑀢𑀺, 𑀦𑀺𑀧𑁆𑀧𑀜𑁆𑀜𑀢𑀸𑀬 𑀓𑀺𑀘𑁆𑀘𑀁 𑀲𑀁𑀯𑀺𑀥𑀸𑀢𑀼𑀁 𑀦 𑀲𑀓𑁆𑀓𑁄𑀢𑀺. 𑀢𑀲𑁆𑀫𑀸 𑀏𑀢𑀸𑀦𑀺 𑀲𑀪𑀸𑀦𑀺𑀲𑀻𑀤𑀦𑀸𑀤𑀻𑀦𑀺 𑀦 𑀓𑀭𑁄𑀢𑀻𑀢𑀺.

𑀅𑀧𑀡𑁆𑀡𑀓𑀯𑀕𑁆𑀕𑁄 𑀢𑀢𑀺𑀬𑁄.