𑁬. 𑀧𑀞𑀫𑀪𑀯𑀲𑀼𑀢𑁆𑀢𑀯𑀡𑁆𑀡𑀦𑀸

𑁭𑁭. 𑀙𑀝𑁆𑀞𑁂 𑀓𑀸𑀫𑀥𑀸𑀢𑀼𑀯𑁂𑀧𑀓𑁆𑀓𑀦𑁆𑀢𑀺 𑀓𑀸𑀫𑀥𑀸𑀢𑀼𑀬𑀸 𑀯𑀺𑀧𑀘𑁆𑀘𑀦𑀓𑀁. 𑀓𑀸𑀫𑀪𑀯𑁄𑀢𑀺 𑀓𑀸𑀫𑀥𑀸𑀢𑀼𑀬𑀁 𑀉𑀧𑀧𑀢𑁆𑀢𑀺𑀪𑀯𑁄. 𑀓𑀫𑁆𑀫𑀁 𑀔𑁂𑀢𑁆𑀢𑀦𑁆𑀢𑀺 𑀓𑀼𑀲𑀮𑀸𑀓𑀼𑀲𑀮𑀓𑀫𑁆𑀫𑀁 𑀯𑀺𑀭𑀼𑀳𑀦𑀝𑁆𑀞𑀸𑀦𑀝𑁆𑀞𑁂𑀦 𑀔𑁂𑀢𑁆𑀢𑀁. 𑀯𑀺𑀜𑁆𑀜𑀸𑀡𑀁 𑀩𑀻𑀚𑀦𑁆𑀢𑀺 𑀲𑀳𑀚𑀸𑀢𑀁 𑀅𑀪𑀺𑀲𑀗𑁆𑀔𑀸𑀭𑀯𑀺𑀜𑁆𑀜𑀸𑀡𑀁 𑀯𑀺𑀭𑀼𑀳𑀦𑀝𑁆𑀞𑁂𑀦 𑀩𑀻𑀚𑀁. 𑀢𑀡𑁆𑀳𑀸 𑀲𑁆𑀦𑁂𑀳𑁄𑀢𑀺 𑀧𑀕𑁆𑀕𑀡𑁆𑀳𑀦𑀸𑀦𑀼𑀩𑁆𑀭𑀽𑀳𑀦𑀯𑀲𑁂𑀦 𑀢𑀡𑁆𑀳𑀸 𑀉𑀤𑀓𑀁 𑀦𑀸𑀫. 𑀅𑀯𑀺𑀚𑁆𑀚𑀸𑀦𑀻𑀯𑀭𑀡𑀸𑀦𑀦𑁆𑀢𑀺 𑀅𑀯𑀺𑀚𑁆𑀚𑀸𑀬 𑀆𑀯𑀭𑀺𑀢𑀸𑀦𑀁. 𑀢𑀡𑁆𑀳𑀸𑀲𑀁𑀬𑁄𑀚𑀦𑀸𑀦𑀦𑁆𑀢𑀺 𑀢𑀡𑁆𑀳𑀸𑀩𑀦𑁆𑀥𑀦𑁂𑀦 𑀩𑀤𑁆𑀥𑀸𑀦𑀁. 𑀳𑀻𑀦𑀸𑀬 𑀥𑀸𑀢𑀼𑀬𑀸𑀢𑀺 𑀓𑀸𑀫𑀥𑀸𑀢𑀼𑀬𑀸. 𑀯𑀺𑀜𑁆𑀜𑀸𑀡𑀁 𑀧𑀢𑀺𑀝𑁆𑀞𑀺𑀢𑀦𑁆𑀢𑀺 𑀅𑀪𑀺𑀲𑀗𑁆𑀔𑀸𑀭𑀯𑀺𑀜𑁆𑀜𑀸𑀡𑀁 𑀧𑀢𑀺𑀝𑁆𑀞𑀺𑀢𑀁. 𑀫𑀚𑁆𑀛𑀺𑀫𑀸𑀬 𑀥𑀸𑀢𑀼𑀬𑀸𑀢𑀺 𑀭𑀽𑀧𑀥𑀸𑀢𑀼𑀬𑀸. 𑀧𑀡𑀻𑀢𑀸𑀬 𑀥𑀸𑀢𑀼𑀬𑀸𑀢𑀺 𑀅𑀭𑀽𑀧𑀥𑀸𑀢𑀼𑀬𑀸. 𑀲𑁂𑀲𑀫𑁂𑀢𑁆𑀣 𑀉𑀢𑁆𑀢𑀸𑀦𑀢𑁆𑀣𑀫𑁂𑀯𑀸𑀢𑀺.