𑁧𑁦. 𑀕𑀺𑀭𑀺𑀫𑀸𑀦𑀦𑁆𑀤𑀲𑀼𑀢𑁆𑀢𑀯𑀡𑁆𑀡𑀦𑀸

𑁬𑁦. 𑀤𑀲𑀫𑁂 𑀅𑀦𑀼𑀓𑀫𑁆𑀧𑀁 𑀉𑀧𑀸𑀤𑀸𑀬𑀸𑀢𑀺 𑀕𑀺𑀭𑀺𑀫𑀸𑀦𑀦𑁆𑀤𑀢𑁆𑀣𑁂𑀭𑁂 𑀅𑀦𑀼𑀓𑀫𑁆𑀧𑀁 𑀧𑀝𑀺𑀘𑁆𑀘. 𑀘𑀓𑁆𑀔𑀼𑀭𑁄𑀕𑁄𑀢𑀺𑀆𑀤𑀬𑁄 𑀯𑀢𑁆𑀣𑀼𑀯𑀲𑁂𑀦 𑀯𑁂𑀤𑀺𑀢𑀩𑁆𑀩𑀸. 𑀦𑀺𑀩𑁆𑀩𑀢𑁆𑀢𑀺𑀢𑀧𑁆𑀧𑀲𑀸𑀤𑀸𑀦𑀜𑁆𑀳𑀺 𑀭𑁄𑀕𑁄 𑀦𑀸𑀫 𑀦𑀢𑁆𑀣𑀺. 𑀓𑀡𑁆𑀡𑀭𑁄𑀕𑁄𑀢𑀺 𑀩𑀳𑀺𑀓𑀡𑁆𑀡𑁂 𑀭𑁄𑀕𑁄. 𑀧𑀺𑀦𑀸𑀲𑁄𑀢𑀺 𑀩𑀳𑀺𑀦𑀸𑀲𑀺𑀓𑀸𑀬 𑀭𑁄𑀕𑁄. 𑀦𑀔𑀲𑀸𑀢𑀺 𑀦𑀔𑁂𑀳𑀺 𑀯𑀺𑀮𑁂𑀔𑀺𑀢𑀝𑁆𑀞𑀸𑀦𑁂 𑀭𑁄𑀕𑁄. 𑀧𑀺𑀢𑁆𑀢𑀲𑀫𑀼𑀝𑁆𑀞𑀸𑀦𑀸𑀢𑀺 𑀧𑀺𑀢𑁆𑀢𑀲𑀫𑀼𑀝𑁆𑀞𑀺𑀢𑀸. 𑀢𑁂 𑀓𑀺𑀭 𑀤𑁆𑀯𑀢𑁆𑀢𑀺𑀁𑀲 𑀳𑁄𑀦𑁆𑀢𑀺. 𑀲𑁂𑀫𑁆𑀳𑀲𑀫𑀼𑀝𑁆𑀞𑀸𑀦𑀸𑀤𑀻𑀲𑀼𑀧𑀺 𑀏𑀲𑁂𑀯 𑀦𑀬𑁄. 𑀉𑀢𑀼𑀧𑀭𑀺𑀡𑀸𑀫𑀚𑀸𑀢𑀺 𑀉𑀢𑀼𑀧𑀭𑀺𑀡𑀸𑀫𑁂𑀦 𑀅𑀘𑁆𑀘𑀼𑀡𑁆𑀳𑀸𑀢𑀺𑀲𑀻𑀢𑁂𑀦 𑀉𑀧𑁆𑀧𑀚𑁆𑀚𑀦𑀓𑀭𑁄𑀕𑀸. 𑀯𑀺𑀲𑀫𑀧𑀭𑀺𑀳𑀸𑀭𑀚𑀸𑀢𑀺 𑀅𑀢𑀺𑀘𑀺𑀭𑀝𑁆𑀞𑀸𑀦𑀦𑀺𑀲𑀚𑁆𑀚𑀸𑀤𑀺𑀦𑀸 𑀯𑀺𑀲𑀫𑀧𑀭𑀺𑀳𑀸𑀭𑁂𑀦 𑀚𑀸𑀢𑀸. 𑀑𑀧𑀓𑁆𑀓𑀫𑀺𑀓𑀸𑀢𑀺 𑀯𑀥𑀩𑀦𑁆𑀥𑀦𑀸𑀤𑀺𑀦𑀸 𑀉𑀧𑀓𑁆𑀓𑀫𑁂𑀦 𑀚𑀸𑀢𑀸. 𑀓𑀫𑁆𑀫𑀯𑀺𑀧𑀸𑀓𑀚𑀸𑀢𑀺 𑀩𑀮𑀯𑀓𑀫𑁆𑀫𑀯𑀺𑀧𑀸𑀓𑀲𑀫𑁆𑀪𑀽𑀢𑀸. 𑀲𑀦𑁆𑀢𑀦𑁆𑀢𑀺 𑀭𑀸𑀕𑀸𑀤𑀺𑀲𑀦𑁆𑀢𑀢𑀸𑀬 𑀲𑀦𑁆𑀢𑀁. 𑀅𑀢𑀧𑁆𑀧𑀓𑀝𑁆𑀞𑁂𑀦 𑀧𑀡𑀻𑀢𑀁. 𑀲𑁂𑀲𑀁 𑀲𑀩𑁆𑀩𑀢𑁆𑀣 𑀉𑀢𑁆𑀢𑀸𑀦𑀢𑁆𑀣𑀫𑁂𑀯𑀸𑀢𑀺.

𑀲𑀘𑀺𑀢𑁆𑀢𑀯𑀕𑁆𑀕𑁄 𑀧𑀞𑀫𑁄.

(𑁭) 𑁨. 𑀬𑀫𑀓𑀯𑀕𑁆𑀕𑁄