𑁧. 𑀧𑀤𑀲𑁄𑀥𑀦𑀯𑀸𑀭𑁄

(𑀓) 𑀅𑀦𑀼𑀮𑁄𑀫𑀁

𑁮. (𑀓) 𑀓𑀸𑀬𑁄 𑀓𑀸𑀬𑀲𑀗𑁆𑀔𑀸𑀭𑁄𑀢𑀺? 𑀦𑁄.

(𑀔) 𑀓𑀸𑀬𑀲𑀗𑁆𑀔𑀸𑀭𑁄 𑀓𑀸𑀬𑁄𑀢𑀺? 𑀦𑁄.

(𑀓) 𑀯𑀘𑀻 𑀯𑀘𑀻𑀲𑀗𑁆𑀔𑀸𑀭𑁄𑀢𑀺? 𑀦𑁄.

(𑀔) 𑀯𑀘𑀻𑀲𑀗𑁆𑀔𑀸𑀭𑁄 𑀯𑀘𑀻𑀢𑀺? 𑀦𑁄.

(𑀓) 𑀘𑀺𑀢𑁆𑀢𑀁 𑀘𑀺𑀢𑁆𑀢𑀲𑀗𑁆𑀔𑀸𑀭𑁄𑀢𑀺? 𑀦𑁄.

(𑀔) 𑀘𑀺𑀢𑁆𑀢𑀲𑀗𑁆𑀔𑀸𑀭𑁄 𑀘𑀺𑀢𑁆𑀢𑀦𑁆𑀢𑀺? 𑀦𑁄.

(𑀔) 𑀧𑀘𑁆𑀘𑀦𑀻𑀓𑀁

𑁯. (𑀓) 𑀦 𑀓𑀸𑀬𑁄 𑀦 𑀓𑀸𑀬𑀲𑀗𑁆𑀔𑀸𑀭𑁄𑀢𑀺?

𑀓𑀸𑀬𑀲𑀗𑁆𑀔𑀸𑀭𑁄 𑀦 𑀓𑀸𑀬𑁄, 𑀓𑀸𑀬𑀲𑀗𑁆𑀔𑀸𑀭𑁄. 𑀓𑀸𑀬𑀜𑁆𑀘 𑀓𑀸𑀬𑀲𑀗𑁆𑀔𑀸𑀭𑀜𑁆𑀘 𑀞𑀧𑁂𑀢𑁆𑀯𑀸 𑀅𑀯𑀲𑁂𑀲𑀸 𑀦 𑀘𑁂𑀯 𑀓𑀸𑀬𑁄 𑀦 𑀘 𑀓𑀸𑀬𑀲𑀗𑁆𑀔𑀸𑀭𑁄.

(𑀔) 𑀦 𑀓𑀸𑀬𑀲𑀗𑁆𑀔𑀸𑀭𑁄 𑀦 𑀓𑀸𑀬𑁄𑀢𑀺?

𑀓𑀸𑀬𑁄 𑀦 𑀓𑀸𑀬𑀲𑀗𑁆𑀔𑀸𑀭𑁄, 𑀓𑀸𑀬𑁄. 𑀓𑀸𑀬𑀜𑁆𑀘 𑀓𑀸𑀬𑀲𑀗𑁆𑀔𑀸𑀭𑀜𑁆𑀘 𑀞𑀧𑁂𑀢𑁆𑀯𑀸 𑀅𑀯𑀲𑁂𑀲𑀸 𑀦 𑀘𑁂𑀯 𑀓𑀸𑀬𑁄 𑀦 𑀘 𑀓𑀸𑀬𑀲𑀗𑁆𑀔𑀸𑀭𑁄.

(𑀓) 𑀦 𑀯𑀘𑀻 𑀦 𑀯𑀘𑀻𑀲𑀗𑁆𑀔𑀸𑀭𑁄𑀢𑀺?

𑀯𑀘𑀻𑀲𑀗𑁆𑀔𑀸𑀭𑁄 𑀦 𑀯𑀘𑀻, 𑀯𑀘𑀻𑀲𑀗𑁆𑀔𑀸𑀭𑁄. 𑀯𑀘𑀺𑀜𑁆𑀘 𑀯𑀘𑀻𑀲𑀗𑁆𑀔𑀸𑀭𑀜𑁆𑀘 𑀞𑀧𑁂𑀢𑁆𑀯𑀸 𑀅𑀯𑀲𑁂𑀲𑀸 𑀦 𑀘𑁂𑀯 𑀯𑀘𑀻 𑀦 𑀘 𑀯𑀘𑀻𑀲𑀗𑁆𑀔𑀸𑀭𑁄.

(𑀔) 𑀦 𑀯𑀘𑀻𑀲𑀗𑁆𑀔𑀸𑀭𑁄 𑀦 𑀯𑀘𑀻𑀢𑀺?

𑀯𑀘𑀻 𑀦 𑀯𑀘𑀻𑀲𑀗𑁆𑀔𑀸𑀭𑁄, 𑀯𑀘𑀻. 𑀯𑀘𑀺𑀜𑁆𑀘 𑀯𑀘𑀻𑀲𑀗𑁆𑀔𑀸𑀭𑀜𑁆𑀘 𑀞𑀧𑁂𑀢𑁆𑀯𑀸 𑀅𑀯𑀲𑁂𑀲𑀸 𑀦 𑀘𑁂𑀯 𑀯𑀘𑀻 𑀦 𑀘 𑀯𑀘𑀻𑀲𑀗𑁆𑀔𑀸𑀭𑁄.

(𑀓) 𑀦 𑀘𑀺𑀢𑁆𑀢𑀁 𑀦 𑀘𑀺𑀢𑁆𑀢𑀲𑀗𑁆𑀔𑀸𑀭𑁄𑀢𑀺?

𑀘𑀺𑀢𑁆𑀢𑀲𑀗𑁆𑀔𑀸𑀭𑁄 𑀦 𑀘𑀺𑀢𑁆𑀢𑀁, 𑀘𑀺𑀢𑁆𑀢𑀲𑀗𑁆𑀔𑀸𑀭𑁄. 𑀘𑀺𑀢𑁆𑀢𑀜𑁆𑀘 𑀘𑀺𑀢𑁆𑀢𑀲𑀗𑁆𑀔𑀸𑀭𑀜𑁆𑀘 𑀞𑀧𑁂𑀢𑁆𑀯𑀸 𑀅𑀯𑀲𑁂𑀲𑀸 𑀦 𑀘𑁂𑀯 𑀘𑀺𑀢𑁆𑀢𑀁 𑀦 𑀘 𑀘𑀺𑀢𑁆𑀢𑀲𑀗𑁆𑀔𑀸𑀭𑁄.

(𑀔) 𑀦 𑀘𑀺𑀢𑁆𑀢𑀲𑀗𑁆𑀔𑀸𑀭𑁄 𑀦 𑀘𑀺𑀢𑁆𑀢𑀦𑁆𑀢𑀺?

𑀘𑀺𑀢𑁆𑀢𑀁 𑀦 𑀘𑀺𑀢𑁆𑀢𑀲𑀗𑁆𑀔𑀸𑀭𑁄, 𑀘𑀺𑀢𑁆𑀢𑀁. 𑀘𑀺𑀢𑁆𑀢𑀜𑁆𑀘 𑀘𑀺𑀢𑁆𑀢𑀲𑀗𑁆𑀔𑀸𑀭𑀜𑁆𑀘 𑀞𑀧𑁂𑀢𑁆𑀯𑀸 𑀅𑀯𑀲𑁂𑀲𑀸 𑀦 𑀘𑁂𑀯 𑀘𑀺𑀢𑁆𑀢𑀁 𑀦 𑀘 𑀘𑀺𑀢𑁆𑀢𑀲𑀗𑁆𑀔𑀸𑀭𑁄.