𑁨. 𑀧𑀤𑀲𑁄𑀥𑀦𑀫𑀽𑀮𑀘𑀓𑁆𑀓𑀯𑀸𑀭𑁄

(𑀓) 𑀅𑀦𑀼𑀮𑁄𑀫𑀁

𑁧𑁦. (𑀓) 𑀓𑀸𑀬𑁄 𑀓𑀸𑀬𑀲𑀗𑁆𑀔𑀸𑀭𑁄𑀢𑀺? 𑀦𑁄.

(𑀔) 𑀲𑀗𑁆𑀔𑀸𑀭𑀸 𑀯𑀘𑀻𑀲𑀗𑁆𑀔𑀸𑀭𑁄𑀢𑀺?

𑀯𑀘𑀻𑀲𑀗𑁆𑀔𑀸𑀭𑁄 𑀲𑀗𑁆𑀔𑀸𑀭𑁄 𑀘𑁂𑀯 𑀯𑀘𑀻𑀲𑀗𑁆𑀔𑀸𑀭𑁄 𑀘. 𑀅𑀯𑀲𑁂𑀲𑀸 𑀲𑀗𑁆𑀔𑀸𑀭𑀸 [𑀅𑀯𑀲𑁂𑀲𑀸 𑀲𑀗𑁆𑀔𑀸𑀭𑀸 𑀲𑀗𑁆𑀔𑀸𑀭𑀸 (𑀲𑀻. 𑀲𑁆𑀬𑀸. 𑀓𑀁.)] 𑀦 𑀯𑀘𑀻𑀲𑀗𑁆𑀔𑀸𑀭𑁄.

(𑀓) 𑀓𑀸𑀬𑁄 𑀓𑀸𑀬𑀲𑀗𑁆𑀔𑀸𑀭𑁄𑀢𑀺? 𑀦𑁄.

(𑀔) 𑀲𑀗𑁆𑀔𑀸𑀭𑀸 𑀘𑀺𑀢𑁆𑀢𑀲𑀗𑁆𑀔𑀸𑀭𑁄𑀢𑀺?

𑀘𑀺𑀢𑁆𑀢𑀲𑀗𑁆𑀔𑀸𑀭𑁄 𑀲𑀗𑁆𑀔𑀸𑀭𑁄 𑀘𑁂𑀯 𑀘𑀺𑀢𑁆𑀢𑀲𑀗𑁆𑀔𑀸𑀭𑁄 𑀘. 𑀅𑀯𑀲𑁂𑀲𑀸 𑀲𑀗𑁆𑀔𑀸𑀭𑀸 𑀦 𑀘𑀺𑀢𑁆𑀢𑀲𑀗𑁆𑀔𑀸𑀭𑁄.

𑁧𑁧. (𑀓) 𑀯𑀘𑀻 𑀯𑀘𑀻𑀲𑀗𑁆𑀔𑀸𑀭𑁄𑀢𑀺? 𑀦𑁄.

(𑀔) 𑀲𑀗𑁆𑀔𑀸𑀭𑀸 𑀓𑀸𑀬𑀲𑀗𑁆𑀔𑀸𑀭𑁄𑀢𑀺?

𑀓𑀸𑀬𑀲𑀗𑁆𑀔𑀸𑀭𑁄 𑀲𑀗𑁆𑀔𑀸𑀭𑁄 𑀘𑁂𑀯 𑀓𑀸𑀬𑀲𑀗𑁆𑀔𑀸𑀭𑁄 𑀘. 𑀅𑀯𑀲𑁂𑀲𑀸 𑀲𑀗𑁆𑀔𑀸𑀭𑀸 𑀦 𑀓𑀸𑀬𑀲𑀗𑁆𑀔𑀸𑀭𑁄.

(𑀓) 𑀯𑀘𑀻 𑀯𑀘𑀻𑀲𑀗𑁆𑀔𑀸𑀭𑁄𑀢𑀺? 𑀦𑁄.

(𑀔) 𑀲𑀗𑁆𑀔𑀸𑀭𑀸 𑀘𑀺𑀢𑁆𑀢𑀲𑀗𑁆𑀔𑀸𑀭𑁄𑀢𑀺?

𑀘𑀺𑀢𑁆𑀢𑀲𑀗𑁆𑀔𑀸𑀭𑁄 𑀲𑀗𑁆𑀔𑀸𑀭𑁄 𑀘𑁂𑀯 𑀘𑀺𑀢𑁆𑀢𑀲𑀗𑁆𑀔𑀸𑀭𑁄 𑀘. 𑀅𑀯𑀲𑁂𑀲𑀸 𑀲𑀗𑁆𑀔𑀸𑀭𑀸 𑀦 𑀘𑀺𑀢𑁆𑀢𑀲𑀗𑁆𑀔𑀸𑀭𑁄.

𑁧𑁨. (𑀓) 𑀘𑀺𑀢𑁆𑀢𑀁 𑀘𑀺𑀢𑁆𑀢𑀲𑀗𑁆𑀔𑀸𑀭𑁄𑀢𑀺? 𑀦𑁄.

(𑀔) 𑀲𑀗𑁆𑀔𑀸𑀭𑀸 𑀓𑀸𑀬𑀲𑀗𑁆𑀔𑀸𑀭𑁄𑀢𑀺?

𑀓𑀸𑀬𑀲𑀗𑁆𑀔𑀸𑀭𑁄 𑀲𑀗𑁆𑀔𑀸𑀭𑁄 𑀘𑁂𑀯 𑀓𑀸𑀬𑀲𑀗𑁆𑀔𑀸𑀭𑁄 𑀘. 𑀅𑀯𑀲𑁂𑀲𑀸 𑀲𑀗𑁆𑀔𑀸𑀭𑀸 𑀦 𑀓𑀸𑀬𑀲𑀗𑁆𑀔𑀸𑀭𑁄.

(𑀓) 𑀘𑀺𑀢𑁆𑀢𑀁 𑀘𑀺𑀢𑁆𑀢𑀲𑀗𑁆𑀔𑀸𑀭𑁄𑀢𑀺? 𑀦𑁄.

(𑀔) 𑀲𑀗𑁆𑀔𑀸𑀭𑀸 𑀯𑀘𑀻𑀲𑀗𑁆𑀔𑀸𑀭𑁄𑀢𑀺?

𑀯𑀘𑀻𑀲𑀗𑁆𑀔𑀸𑀭𑁄 𑀲𑀗𑁆𑀔𑀸𑀭𑁄 𑀘𑁂𑀯 𑀯𑀘𑀻𑀲𑀗𑁆𑀔𑀸𑀭𑁄 𑀘. 𑀅𑀯𑀲𑁂𑀲𑀸 𑀲𑀗𑁆𑀔𑀸𑀭𑀸 𑀦 𑀯𑀘𑀻𑀲𑀗𑁆𑀔𑀸𑀭𑁄.

(𑀔) 𑀧𑀘𑁆𑀘𑀦𑀻𑀓𑀁

𑁧𑁩. (𑀓) 𑀦 𑀓𑀸𑀬𑁄 𑀦 𑀓𑀸𑀬𑀲𑀗𑁆𑀔𑀸𑀭𑁄𑀢𑀺?

𑀓𑀸𑀬𑀲𑀗𑁆𑀔𑀸𑀭𑁄 𑀦 𑀓𑀸𑀬𑁄, 𑀓𑀸𑀬𑀲𑀗𑁆𑀔𑀸𑀭𑁄. 𑀓𑀸𑀬𑀜𑁆𑀘 𑀓𑀸𑀬𑀲𑀗𑁆𑀔𑀸𑀭𑀜𑁆𑀘 𑀞𑀧𑁂𑀢𑁆𑀯𑀸 𑀅𑀯𑀲𑁂𑀲𑀸 𑀦 𑀘𑁂𑀯 𑀓𑀸𑀬𑁄 𑀦 𑀘 𑀓𑀸𑀬𑀲𑀗𑁆𑀔𑀸𑀭𑁄.

(𑀔) 𑀦 𑀲𑀗𑁆𑀔𑀸𑀭𑀸 𑀦 𑀯𑀘𑀻𑀲𑀗𑁆𑀔𑀸𑀭𑁄𑀢𑀺? 𑀆𑀫𑀦𑁆𑀢𑀸.

(𑀓) 𑀦 𑀓𑀸𑀬𑁄 𑀦 𑀓𑀸𑀬𑀲𑀗𑁆𑀔𑀸𑀭𑁄𑀢𑀺?

𑀓𑀸𑀬𑀲𑀗𑁆𑀔𑀸𑀭𑁄 𑀦 𑀓𑀸𑀬𑁄, 𑀓𑀸𑀬𑀲𑀗𑁆𑀔𑀸𑀭𑁄. 𑀓𑀸𑀬𑀜𑁆𑀘 𑀓𑀸𑀬𑀲𑀗𑁆𑀔𑀸𑀭𑀜𑁆𑀘 𑀞𑀧𑁂𑀢𑁆𑀯𑀸 𑀅𑀯𑀲𑁂𑀲𑀸 𑀦 𑀘𑁂𑀯 𑀓𑀸𑀬𑁄 𑀦 𑀘 𑀓𑀸𑀬𑀲𑀗𑁆𑀔𑀸𑀭𑁄.

(𑀔) 𑀦 𑀲𑀗𑁆𑀔𑀸𑀭𑀸 𑀦 𑀘𑀺𑀢𑁆𑀢𑀲𑀗𑁆𑀔𑀸𑀭𑁄𑀢𑀺? 𑀆𑀫𑀦𑁆𑀢𑀸.

𑁧𑁪. (𑀓) 𑀦 𑀯𑀘𑀻 𑀦 𑀯𑀘𑀻𑀲𑀗𑁆𑀔𑀸𑀭𑁄𑀢𑀺?

𑀯𑀘𑀻𑀲𑀗𑁆𑀔𑀸𑀭𑁄 𑀦 𑀯𑀘𑀻, 𑀯𑀘𑀻𑀲𑀗𑁆𑀔𑀸𑀭𑁄. 𑀯𑀘𑀺𑀜𑁆𑀘 𑀯𑀘𑀻𑀲𑀗𑁆𑀔𑀸𑀭𑀜𑁆𑀘 𑀞𑀧𑁂𑀢𑁆𑀯𑀸 𑀅𑀯𑀲𑁂𑀲𑀸 𑀦 𑀘𑁂𑀯 𑀯𑀘𑀻 𑀦 𑀘 𑀯𑀘𑀻𑀲𑀗𑁆𑀔𑀸𑀭𑁄.

(𑀔) 𑀦 𑀲𑀗𑁆𑀔𑀸𑀭𑀸 𑀦 𑀓𑀸𑀬𑀲𑀗𑁆𑀔𑀸𑀭𑁄𑀢𑀺? 𑀆𑀫𑀦𑁆𑀢𑀸.

(𑀓) 𑀦 𑀯𑀘𑀻 𑀦 𑀯𑀘𑀻𑀲𑀗𑁆𑀔𑀸𑀭𑁄𑀢𑀺?

𑀯𑀘𑀻𑀲𑀗𑁆𑀔𑀸𑀭𑁄 𑀦 𑀯𑀘𑀻, 𑀯𑀘𑀻𑀲𑀗𑁆𑀔𑀸𑀭𑁄. 𑀯𑀘𑀺𑀜𑁆𑀘 𑀯𑀘𑀻𑀲𑀗𑁆𑀔𑀸𑀭𑀜𑁆𑀘 𑀞𑀧𑁂𑀢𑁆𑀯𑀸 𑀅𑀯𑀲𑁂𑀲𑀸 𑀦 𑀘𑁂𑀯 𑀯𑀘𑀻 𑀦 𑀘 𑀯𑀘𑀻𑀲𑀗𑁆𑀔𑀸𑀭𑁄.

(𑀔) 𑀦 𑀲𑀗𑁆𑀔𑀸𑀭𑀸 𑀦 𑀘𑀺𑀢𑁆𑀢𑀲𑀗𑁆𑀔𑀸𑀭𑁄𑀢𑀺? 𑀆𑀫𑀦𑁆𑀢𑀸.

𑁧𑁫. (𑀓) 𑀦 𑀘𑀺𑀢𑁆𑀢𑀁 𑀦 𑀘𑀺𑀢𑁆𑀢𑀲𑀗𑁆𑀔𑀸𑀭𑁄𑀢𑀺?

𑀘𑀺𑀢𑁆𑀢𑀲𑀗𑁆𑀔𑀸𑀭𑁄 𑀦 𑀘𑀺𑀢𑁆𑀢𑀁, 𑀘𑀺𑀢𑁆𑀢𑀲𑀗𑁆𑀔𑀸𑀭𑁄. 𑀘𑀺𑀢𑁆𑀢𑀜𑁆𑀘 𑀘𑀺𑀢𑁆𑀢𑀲𑀗𑁆𑀔𑀸𑀭𑀜𑁆𑀘 𑀞𑀧𑁂𑀢𑁆𑀯𑀸 𑀅𑀯𑀲𑁂𑀲𑀸 𑀦 𑀘𑁂𑀯 𑀘𑀺𑀢𑁆𑀢𑀁 𑀦 𑀘 𑀘𑀺𑀢𑁆𑀢𑀲𑀗𑁆𑀔𑀸𑀭𑁄.

(𑀔) 𑀦 𑀲𑀗𑁆𑀔𑀸𑀭𑀸 𑀦 𑀓𑀸𑀬𑀲𑀗𑁆𑀔𑀸𑀭𑁄𑀢𑀺? 𑀆𑀫𑀦𑁆𑀢𑀸.

(𑀓) 𑀦 𑀘𑀺𑀢𑁆𑀢𑀁 𑀦 𑀘𑀺𑀢𑁆𑀢𑀲𑀗𑁆𑀔𑀸𑀭𑁄𑀢𑀺?

𑀘𑀺𑀢𑁆𑀢𑀲𑀗𑁆𑀔𑀸𑀭𑁄 𑀦 𑀘𑀺𑀢𑁆𑀢𑀁, 𑀘𑀺𑀢𑁆𑀢𑀲𑀗𑁆𑀔𑀸𑀭𑁄. 𑀘𑀺𑀢𑁆𑀢𑀜𑁆𑀘 𑀘𑀺𑀢𑁆𑀢𑀲𑀗𑁆𑀔𑀸𑀭𑀜𑁆𑀘 𑀞𑀧𑁂𑀢𑁆𑀯𑀸 𑀅𑀯𑀲𑁂𑀲𑀸 𑀦 𑀘𑁂𑀯 𑀘𑀺𑀢𑁆𑀢𑀁 𑀦 𑀘 𑀘𑀺𑀢𑁆𑀢𑀲𑀗𑁆𑀔𑀸𑀭𑁄.

(𑀔) 𑀦 𑀲𑀗𑁆𑀔𑀸𑀭𑀸 𑀦 𑀯𑀘𑀻𑀲𑀗𑁆𑀔𑀸𑀭𑁄𑀢𑀺? 𑀆𑀫𑀦𑁆𑀢𑀸.